الإنتاج الأول :)

[lilio]

السلام عليكم ورحمة الله وبركاته ..

أنا صراحه اكثر شي خلاني انزل الموضوع ان الكثير هنا يجي يكتب انا الطيور حقتي
صار لهم ثلاث اسابيع او شهر او شهرين وما باضت ولا انتجت ليش؟؟

انا اقول لازم تصبر وتتوكل على الله والزيبرا بعضها يقعد إلى 5 شهور واكثر بعدين ينتج فلازم تصبر ..

هذا اول انتاج لي بفظل الله ثم اهل الخبره هنا والمواضيع المثبته وتقريبا هذا الشهر الثالث من يوم ماجبت الأزواج..

صراحه انا كنت ما ادري بس شفت من اسبوعين او ثلاث الانثى في العش وحسيت انها
جالسه على بيض وخليتها كعادتي احط الماء والاكل واروح ولاكن اتابعها من بعيد بعض الاحيان ..

بعدها بكم يوم الانثى رمت بيضه ؟؟ فقلت لعله من عدم نظافت الماء او نقص اكل لأني
ماغيرته في اليوم هذا لأنه كثير فأخرته .. ولاكن تفاجأت انها رمت وحده ثانيه بعد فتره
ولاكن قلت خلها تاخذ راحتها واشوف وش يسير ولاكن الحمد لله ماسوتها بعدين

خليتهم لأني اروح الخرج ادرس وارجع يوم الأربعاء واخوي يعتني فيهم الله يعطيه العافيه

جيت الإسبوع اللي راح وانا احط الماء والأكل وطالعت في الأعشاش وشفت زغلول ابيض فرحت كثير وخليته..

وجيت الاسبوع الي بعده ولقيت فرخ بني طلع فرحت كثييير وهذا الإسبوع
طلع الأبيض من العش وصحتهم ماشاء الله ممتازه

قلت اصورهم لكم وانشاء الله تعجبكم

اترككم مع الصو وآسف على الإطاله (( قلت احط شويت معلومات من تجربتي ))

ماشاء الله تبارك الله





آسف على ردائة الصور ..

انتظر ردودكم ولا تحرمونا من آرائكم ..

واتمنى من اخوي منتج الكرست - بحكم تجربتك - ان تخبرني كيف احجل الطيور لأنها كبرت الآن ..
وايضا الأزواج .. واللي عنده خبره لا يبخل علينا