قطي مريض ارجو المساعده

[G-dragon]

السلام عليكم ورحمة الله وبركاته
انا قطي صار له يومين كلله يناام او بس يجلس يعني ما يتحرك
ولا ياكل شي ولا يشرب ماي حته
اخر مره اكل كان امس الفجر وللحين ما اكل شي
واول امس لاحظة انه رجع شي لونه اصفر وسائل مع كتلة شعر صغيره
انا خفت لانه اول مره اشوف بهال حاله
واليوم الصباح رجع بعد بس سائل اصفر والظهر رجع مرتين بعد
واذا بيرجع يطلع اصوات غريبه يصير كأنه فيه بوفهاق
واليوم شفت انه مسويها جنب الليتر بوكس مو داخله
انا ابي اوديه بيطري بس امي مو راضيه لانه من قبل كان عندنا قطاوا وديناهم البيطري ويوم ثاني ماتوا
وبعد اقرب شي يمنا مو عياده صيدليه
مادري اذا راح يعالجوه صح
وامي طلعته برا تقول خلاص لا تدخلينه يدخل
خليته شوي في الشمس بس لانه الهوا كان بارد دخلته واخذته غرفتي لانها مو راضي اخلي في الصاله
ارجوووووكم الي عنده علاج له او عرف شنو حالته بالضبط
او حتى يعرف شي يخفف عنه لانه احس يتعذب مادري ليه
انا اول مره اشوف كذا لانه هو بالعاده نشييط حيييل الحين كلل ينام حتى اكل ما ياكل من امس مادخلت في ثمه ولا قطة ماي حتى وانا خااايفه عليه
ارجوووووووكم ساعدوين

[فاتـــو]

كم عمره ؟ وهل فيه اسهال ؟

معليش دخليه غرفتك بدون ماتشوفه ودفيه كويس وعطيه زبادي

جيبي من الصيدليه البشريه "شراب موتيليوم"

وجيبي كمان محلول جفاف وكيس جلوكوز احتياط

شوفي جلده اذا حسيتيه متيبس عطيه من المحلول

في انتظارك

[G-dragon]

المشاركة الأصلية كتبت بواسطة فاتـــو

كم عمره ؟ وهل فيه اسهال ؟

معليش دخليه غرفتك بدون ماتشوفه ودفيه كويس وعطيه زبادي

جيبي من الصيدليه البشريه "شراب موتيليوم"

وجيبي كمان محلول جفاف وكيس جلوكوز احتياط

شوفي جلده اذا حسيتيه متيبس عطيه من المحلول

في انتظارك

خلاص امي اقتنعت وانكسر خاطرها عليه ودخلته
وديته بيطري وعطوه علاج
بس مشكلته مايحب يجلس الا في المكان البارد على الارض
انا حاطتله في غرفتي بطانيه علشان يدفا لان الجو بارد وهو مريض
بس ما يحب يجلس الا في المكان البارد
وش الحل معه

[فاتـــو]

اتركيه على راحته اهم شي ماينام على السراميك او عند دريشة مفتوحة

ممكن تحطين كرتونه في بطانية صغيره بالمكان اللي يحبه

مايشوف شر