كرواني بطيرهم ما ابغيهم

[بنت الإمارات]

السلام عليكم ورحمة الله




شورايكم في تصرف كوراناتي ؟!


يبت لهم عش

وحطيت لهم سعف النخيل ..بعد ماجف ف الشمس

الحين نتفوا العش تنتيف ...

وطلعوا كل الي داخل العش الي سويته

الحين بس سلة بدون عش داخل






وهذا حجم القفص




مب حالة ...


كافي انهم مايحبون بعض ودووم يتضاربون عمري ماشفتهم يتحابون ..

[Ziad-sa]

انا من رايي انك تصبرين لهم

[بنت الإمارات]

انزين ليش طلعوا شعف النخيل من العش ؟؟؟

هل معناته انهم مايبغون العش ؟

[الإمـبـراطـور]

اختي بنت الإمارات

اصبري قليلا عليهم انتي ما عطيتيهم الفرصة والوقت الكافي للتزاوج وثانيا انتي حاطتهم وسط الصالة وتبغينهم يتزاوجون ويفرخون.....؟ يجب توفير مكان هاديء وثابت للكروان عشان التزاوج التعشيش... وعلى فكرة قرارك خاطيء 100% لو بغيتي تطيرينهم لانهم راح يموتون من الحر او يصيدهم ناس ما يعرفون كيف يتعاملون معهم ويقتلوهم فلو اتخذتي القرار بالتخلي عنهم على الاقل رجعيهم للمحل اللي اشتريتهم من عنده وهو يتصرف باصله يا انه يرجع لك فلوسك وإلا انتي تتكرمين تعطينه ببلاش...لو انا بالامارات كان ما فوت زوج الكروان اللي عندك لانه صراحة زوج ممتاز.....ولك تحياتي

[محمد الليثي]

يا اختي اولا تاكدي من الجنس لان الصور غير واضحه لتحيدد انهم زوج ثانيا ماعمرهم قد يكزنوا شكلهم بالغين ولكن قد لا يكونوا جاهزين ثالثا عند التاكد من ما سبق الصبرررر فهم لا يتناسلوا عندما تريدي بل عندما يكونا مستعدين ومره اخري تاكدي من الجنس خاصه انك عندك نوعين مختلفين ثم اين العش غير ظاهر في الصور وهم يحتاجو في ارضيه العش نشاره خشب اما سعف النخيل فده زياده منك ليهم ليشعروا انهم في الطبيعه

[بنت الإمارات]

الإمابراطور ..


كلامك صحيح بخصوص اني ما اطيرهم ... بس والله طفرت منهم

وانا ما احطهم في جو الصالة ..دايما الصبح والعصر اخليهم برع في المزرعة اما وقت الظهر ادخلهم داخل البيت لأنه الجو برع خلال فترة الظهيرة يكون ح ـــــــــر والشمس تكون وايد حااارة


.
.

محمد الليثي

هم زوجين ...الــأنثى هي الصفرة اما الذكر هو الوايت فيس ..

حتى لما اطلعهم برع الوايت فيس يغرد ..وتغريده حلو ماشاء الله ^_^

الحين نشارة الخشب هي المشكلة ؟!

العش موجود في وسط القفص تحت

[الإمـبـراطـور]

اختي بنت الامارات

الحمد الله انك اعدتي التفكير في فكرة انك تطيريهم ...ولكن مازالت المشكلة من عندك وهي ان الكروان يحتاج إلى مكان ثابت وهادي للتزاوج والتفريخ ولكنك انتي كل يوم تنقلينهم من مكان إلى مكان وهذي يعمل لهم عدم استقرار...من ناحية انهم زوج نعم هم ذكر وانثى وبالغين ولكن حجم العش ..؟ وموقع العش كذلك هو خطأ يجب ان يكون معلق عاليا ولا يكون بارضية القفص وكذا يجب ان تضعين السعف خارج العش وهم الذين يرفعونه ويدخلونه ويرتبونه بالعش...ولك تحياتي

[كوكاتيله]

وعليكم السلام ورحمة الله وبركاته

إختي في الصورة الأولى

الطير إللي فوق ذكر غير بالغ يعني عمره أقل من سنة

والطير إللي تحت فهو ذكر وايت فيس بالغ

يعني طيورك ذكور مو ذكر وأنثى

فأما تشتري أنثتين لهم أو تبدلي الذكر الصغير بأنثى بالغة

وبالتوفيق

[عاشق الكروان.]

أختي الصراحه لو أنا بل إيمارات ماافوت هزوج الجميل ولمميز وهو ينتج كثير بس انتي ماهيأتي له المكان لا تحركينه كل شوي لمكانخليه بمكان مافيه أحد وهدو وجو متوسط وعل عموم موفقه

[diiie_hard]

المشاركة الأصلية كتبت بواسطة كوكاتيله

وعليكم السلام ورحمة الله وبركاته

إختي في الصورة الأولى

الطير إللي فوق ذكر غير بالغ يعني عمره أقل من سنة

والطير إللي تحت فهو ذكر وايت فيس بالغ

يعني طيورك ذكور مو ذكر وأنثى

فأما تشتري أنثتين لهم أو تبدلي الذكر الصغير بأنثى بالغة

وبالتوفيق

كلام الاخت صحيح 100 %

ومن الافضل تغير الذكر الرمادي العادي فهو صغير لسه

وتوفري لهم عش جيد ويكون صندوق خارج القفص وتحطي فيه التبن فهو احسن حاجة للتفريخ

ووفق الله