اشترك في نشرتنا البريدية ليصلك كل جديد

twelve · 21-09-2011, 04:21 PM

بسم الله الرحمن الرحيم

السلام عليكم ورحمة الله وبركاته

شريت كاسكو عمره عشر شهور تقريبا من اسبوعين واليوم خذته الى العيادة عشان اقص اجنحته ويوم شاف الدكتور اني حاط له بعلبة الاكل بس حب دوار الشمس قالي لا تعطيه غير اربع حبات باليوم قلت له انا اعطيه يوميا فول سوداني و تفاح وبرتقال وذرة قال مو كفاية
وعطاني اكل بسس قالي عطه يوميا شوي
انا قرات مكونات الاكل فيه دجاج وزيت سمك والياف
سؤالي لمربين الكاسكو عادي اعطيه من اكل البسس ولا يضره لاني الصراحة خايف اعطيه ويصير له شي

ابو صالح === · 21-09-2011, 05:21 PM

ههههههههههههههههه

لو اقلك علووش طيري مااكله الا من اكلي ولا يحب لا فصفص ولا حب بس الفول السوداني يشتهيه من فتره لفتره

ياكل دجاج ولحم ورز وايدامات وفول وتميس خخخخخخ

مشاء الله عليه وفر علي اكله ومعي على السفره فطور غدا عشاء هههههههه

اسمع وصيت الدكتور يمكن فيها فايده

وشيل عنه الفصفص واكله لحم الصدر من الدجاج

twelve · 21-09-2011, 09:08 PM

اقتباس:

المشاركة الأصلية كتبت بواسطة ابو صالح ===

ههههههههههههههههه

لو اقلك علووش طيري مااكله الا من اكلي ولا يحب لا فصفص ولا حب بس الفول السوداني يشتهيه من فتره لفتره

ياكل دجاج ولحم ورز وايدامات وفول وتميس خخخخخخ

مشاء الله عليه وفر علي اكله ومعي على السفره فطور غدا عشاء هههههههه

اسمع وصيت الدكتور يمكن فيها فايده

وشيل عنه الفصفص واكله لحم الصدر من الدجاج

ههههههههههه اما ياكل لحم ودجاج ياخوفي ذا صقر موب كاسكو
طيب اخوي اللحم او الدجاج اعطيه ني ولا مطبوخ؟

كاسكـــو · 21-09-2011, 09:20 PM

شكل هذا الدكتور بلشان بأكل القطط وحب يمشي سوقه على طريقته

لا ياخوي الطير طير وله اكل خاص زي اللي انت تعطيه

والقط قط له اكل خاص

والببغاء ليس طائر من أكلة اللحوم .... هو صح فيه بعض الببغاوات تأكل قليلاً من اللحم لكن مو معناه اعطيه باستمرار لأن معدته غير مهيئه على هضم اللحوم

اذا تعطيه اعطه قطعه صغيره من لحم الدجاج المطبوخ المعد للأستهاك البشري وليس القطط

عزو9 · 21-09-2011, 10:10 PM

هههههههههههههههههه
والله مو دكتور هذا طباااخ شكلو
اما اكل بسس لاااااااااااا تغطيه مررره
ونصيحه اكل الطير اي شي الا الدجاج واللحم لانو اذا اكلها بعد فتره تلاحظ عليه شراسه وعدوانيه مو طبيعيه

GiVeN©Hy · 22-09-2011, 03:59 AM

طيب على كذا القطاوة تاكل حب شمسي
وش الاستهبال كان بدال مايحطون على اكل القطاوة صورة قطاو يحطون جنبة صورة كاسكو

ابو ساره الخالدي · 22-09-2011, 04:19 AM

انا اعطيه عظم ساق الدجاج
لانه فيه كالسيووم
في الإسبوع مره

bebee.cat · 25-10-2011, 01:48 AM

امي كان عندها كاسكو كانت تعطيه عظم الدجاج

وانا عندي دره بعد فتره صدتها تاكل الدجاج والاكل المجفف حق القطاوه تروح وتاكل من وراي

يعني تخيل طير ياكل نفسه ههه اععععععععع

عش البلبل · 25-10-2011, 08:14 AM

صحيح كلام الدكتور وهذا مجرب اكل القطط مفيد بس مو اي نوع لأن في السوق انواع كثيره لكن ياخوان والله كلام الدكتور سليم والله اعلم ان هذا الدكتور فاهم

~~مس^^مس~~ · 25-10-2011, 08:49 AM

من جد يتكلم هذا !!!

عش البلبل .. قد جبت واعطيته لطيورك ؟؟

واذا جربت وش صار عليهم ؟؟