سمكي تعبان ممكن مساعده

[asma esam]

سمكي بقاله كام يوم متغير فيه منهم اللي ساكت خالص وقاعد معظم الوقت فى القاع
والباقي تحت السطح وعمال ينط
وبيتنفسوو بسرعه اوووي
سالت قالولولي نقص اكسجين او تلوث ماء الحوض
غيرت نص الميه وظبطت الحوض بس مفيش فايده
بالله عليكم قولولي اعمل ايه مع السمك بدل ما يجراله حاجه
نوع سمكي كوي وواحده فايتر

[asma esam]

انا الحوض عندي 30×30×60
المفروض الفلتر يكون قوه كام
والمفروض يكون فيه كام سمكه كوي عشان يبقى مناسب
وانا اوقات بشوف احواض صغيرة وفيها اسماك كتييير اكتر من 10 سمكات دا بيكون اذاى

[elberens 15]

اخي الكريم كم درجة الحرارة و هل اكملت الدورة البيلوجية

الحوض عندك 54 لتر يعني هتحتاج فلتر بقوة 540 لتر / الساعة

بخصوص كام سمكة فدي علي حسب حجم السمك لان كل 2 سم من السمكة بيحتاج لتر مياة

[asma esam]

المشاركة الأصلية كتبت بواسطة elberens 15

اخي الكريم كم درجة الحرارة و هل اكملت الدورة البيلوجية

الحوض عندك 54 لتر يعني هتحتاج فلتر بقوة 540 لتر / الساعة

بخصوص كام سمكة فدي علي حسب حجم السمك لان كل 2 سم من السمكة بيحتاج لتر مياة

الدورة البيولوجيه اكتملت
وقالولي ان سمك الكوي ما بيحتاج سخان
درجه حراره الميه العاديه عادي مش عارفه درجتها بالظبط
وشكرا على معلومه الفلتر وعدد السمك

بس بتقترح اجيب سخان
ولو هما تعبانين المفروض اعمل ايه عشان اخليهم يرجعو ذي ما كانو

[elberens 15]

طيب ممكن الصعود للسطح يكون نقص اوكسجين لكن الركود علي القاع بصراحة مش عارف

انصحك انك تجيب سخان ترموثتات و تظبطه علي درجة حرارة 22

[Egyptian Eagle]

اختي الكريمه
حجم الحوض صغير جدا على تربية اسماك مثل الكوي
لكن قبل الاجابه على اسألتك ممكن اسألك عن
كم يوم استغرق اعداد الدوره البيولوجيه
ما هي طريقة تغيير الماء , هل تستخدمي ماء الحنفيه مباشره او ما مركون و خالي من الكلور
هل يوجد فلتر للحوض
هل يتم اضافة ملح الطعام للحوض

[asma esam]

المشاركة الأصلية كتبت بواسطة elberens 15

طيب ممكن الصعود للسطح يكون نقص اوكسجين لكن الركود علي القاع بصراحة مش عارف

انصحك انك تجيب سخان ترموثتات و تظبطه علي درجة حرارة 22

شكرا ليك جداا

[asma esam]

المشاركة الأصلية كتبت بواسطة Egyptian Eagle

اختي الكريمه
حجم الحوض صغير جدا على تربية اسماك مثل الكوي
لكن قبل الاجابه على اسألتك ممكن اسألك عن
كم يوم استغرق اعداد الدوره البيولوجيه
ما هي طريقة تغيير الماء , هل تستخدمي ماء الحنفيه مباشره او ما مركون و خالي من الكلور
هل يوجد فلتر للحوض
هل يتم اضافة ملح الطعام للحوض

مبدائيا السمك عندي من زمان بقاله تقريبا شهرين وكان كويس ومن كام يوم بقى كدا
بغير الميه باني بغير نص الحوض تقريبا بستخدم ما ء الحنفيه بس بضيف كميه صغيرة من مزيل الكلور
وفيه فلتر للحوض
ولا مكنتش بضيف ملح الطعام بس من يومين قالولي اضيف ملح طعام فضفت

[Egyptian Eagle]

يا اختي العزيزه اسماك المياه العذبه لا يتم استخدام معها ملح الطعام نهائيا
الذي تعاني منه الاسماك عندك هو تلوث الماء و السبب في ذلك هو ملح الطعام و صغر حجم الحوض الذي لا يتناسب مع الاسماك التي لديكي

[asma esam]

المشاركة الأصلية كتبت بواسطة Egyptian Eagle

يا اختي العزيزه اسماك المياه العذبه لا يتم استخدام معها ملح الطعام نهائيا
الذي تعاني منه الاسماك عندك هو تلوث الماء و السبب في ذلك هو ملح الطعام و صغر حجم الحوض الذي لا يتناسب مع الاسماك التي لديكي

هما تعبانين من قبل ما اضيف ملح الطعام للحوض
والمفروض اجيب حوض اد ايه او احط كام سمكه فى الحوض دا