نصايحكم لتربية قطه جديده

[دلووووعهـ]

السلام عليكم

ان شاء الله حابه هالفترة اشتري قطه جديدة
وطبعاً ما راح اشتريها من محلات الحيوانات لان ما اشوف اهتمام فيهم
بس احترت في نوع القطه !
بعض الاحيان افكر اخذ من سلاله صافيه اللي تكون مثل هالشكل



وبعض الاحيان افكر اخذ 2 من هالاشكال



حابه اعطيكم فكرة اني ابغى اخذها تجارة الانثى تبقى عندي والكتنز ابيعهم
فضلت القطط لاني احبهم وربيت قبل وحده

وغير كذا
ابغى اوفر كل شي تحتاجه
وافكر اسويلها عند نجار بيت واخليها في البلكونه عندي
بس اخاف يضرها البرد
وش رايكم ؟

واهم االاغراض اللي اشريها
والاكل حقها وكم مره تاكل في اليوم
ومثل هالاشياء المهمه

وابغى معلومات عن امراض القطط اللي تعدي فيها الانسان
وموجود عندي اختي فيها حساسية بالربو ما ادري تسبب لها مشكله او لا
مع العلم انها ماراح تمسكها لانها تخاف بس تشوفها من بعيد

واخر شي ادري ازعجتكم
ابغى بيطري كويس
والتطعيمات اللي تاخذها


ووبس

أي صح صح تذكرت
ابغى حسابات باالانستقرام او او تويتر وواتس اب ناس تطلب قطط من برا


وعلى اسمي لاتدققون تراها عضويتي يوم اني بزر

[هيـروز]

اولا يا عزيزتي القطط ارواح ماخلقت لغرض التجاره . والانثى ماهي مكينة انتاج .
اذا نيتك التجاره تاجري بالارانب او الدجاج .
وبعدين تقدرين توفرين لكل كيتن يولد انسان موثوق فيه ؟ انتي مسؤوله عن كل قط انجب .
وثانياً القطوه لازم تربينها معك بالبيت , حرام تنحبس ببلكونه وغيرها .
وبالنسبه للنوع , كل انواع القطط جميله انتي خوذي اللي يجذبك . واللي صفاته تناسبك .

اما الأكل القطط الصغيره تاكل 3-4 مرات باليوم
والكبيره وجبتين باليوم
والأكل افضل شيء الراو فود , وبعده يجي الأكل المعلب*ويت فود * اللي جودته زينه والمنزلي مع بعض .
* انتبهي في فرق بين الويت فود والدراي فود * لان الدراي فود سيء للقطط

ومستزماتها بتلاقينها هنا

http://www.2zoo.com/vb/showthread.php?t=140929

وياليت تلقي نظره هنا

http://www.2zoo.com/vb/showthread.php?t=75

والقطط تسبب للأنسان مرض واحد وهو الفطريات .
وهو مرض مشترك ينقله الانسان للقطط والقطط تنقله للأنسان .
ولكنها *تنقل* مرض وهو التكسوبلازما .يجهض الحامل اذا لمست براز القطه *المصابه*
بعد مرور 24 ساعه عليه . وليست القطط الوحيده اللي تسببه . فاللحم الغير مطهو جيداً والخضار والفواكه
الغير مغسوله جيدا يسببونه . وله علاج .

وتطعم القطه التطعيم الرباعي والسعار واللوكيميا .

موفقه .

[دلووووعهـ]

اولا يا عزيزتي القطط ارواح ماخلقت لغرض التجاره . والانثى ماهي مكينة انتاج .
اذا نيتك التجاره تاجري بالارانب او الدجاج .

انا ان شاء الله ماراح اضغط عليها وكل شوي ازاوجها
بتركها متى ماطلبت تزاوج دورت لها ذكر كويس
يعني مسسستحيل كل ماجابت اخليها تتزاوج
لان انا اهم شي عندي صحة القطه لان ابغى يكونون اللي عندي صحتهم ممتازه

وبعدين تقدرين توفرين لكل كيتن يولد انسان موثوق فيه ؟ انتي مسؤوله عن كل قط انجب .

ان شاء الله محد راح يدفع مبلغ وقدره ويخليها كذا
وانا اطلعها من ذمتي لذمة المشتري

وثانياً القطوه لازم تربينها معك بالبيت , حرام تنحبس ببلكونه وغيرها .

تربيتها ان شاء الله ببيتنا بس ابغى وقت نومها والليتر بوكس ووقت زيارات الناس لنا واذا مايصلح بحطها في البيت بس انا لاحظ اني أسئل !


ويعطيك العافيه على باقي المعلومات

[محبة الذئاب]

انا مو خبيره بس سبق و ساعدت و تعلمت من اختي طرق لرعايه الحيوانات الاليفه المختلفه و من بينها القطط
انتي اذا تبين تربين قطه لازم ان توفرين لها كل شي تحتاجه من الاكل و الاهتمام و لازم تلعبين معاها و ما تتجاهلينها او تأذينها
اما بالنسبه للأكل فأنا ما اتذكر الاسم بس كنا نجيب لقطتنا (نوعها شيرازيه) اكل اعتقد انه كان من نوع الدراي فود و كنا من فتره و ثانيه (مرتين فقط) نأخذها للطبيب البيطري و لازم تتطمنين عليها اول ما تشترينها (بعد ايام و يفضل بعد ان تعتاد عليك) و هذا اللي عندي

ملاحظة: معلوماتي لا تعتمدين عليها كلياً استشيري مجموعه من الناس ممكن يكون في شي غلط بكلامي.

[بسبس مياو]

كل قط ينولد وتبيعينه هو في ذمتك لأنك السبب في وجوده, ومافي شي اسمه يطلع من ذمتي لذمة المشتري
المهم.....
القطط ماتنحط في بلكونه (القطط حساسة وتبرد بسرعة وتمرض )ولا اقفاص..القطط تحتاج مساحة واسعة تركض وتلعب فيها
الغذاء لازم يكون يحتوي على البروتين بشكل كبير (يعني دجاج لحم ) الدراي فود كله كربوهيدرات مضرة ترفع السكر
وتسبب العمى واحتباس البول..يعني هو مجرد مكمل غذائي تعطينها مره في اليوم وكمية قليلة جدا مقدار ملعقة طعام او ملعقتين
اذا اختك فعلا عندها حساسية فأنصحك لاتجيبين القطة لأن حتى لو ماقربت منها راح تتأثر,يكفي وجودها في البيت .....ي النهاية راح تضطري تتخلصي منها او تحبسيها في مكان مغلق وهالشي راح يأثر على القطة
وتكتئب ويصير سلوكها شرس
القطط البيور والشيرازي اللي شعرها طيل تحتاج عناية يومية...غسل عيونها تمشيط شعرها يوميات
المعلبات سموم قاتلة ابعديها عنها واعتمدي على اكل البيت...لاتعطيها حليب ولاتونة ..السمك مره ي الاسبوع
القطط تطلب التزاوج بعضها كل اسبوعين وبعضها كل شهر وبعضها كل شهرين...يعني راح تضطري تزوجيها كل ماطلبت وممكن تحمل والحمل ورى بعض مضر ويسبب اورام سرطانية للرحم
ولو طنشتيها ومازوجتيها كمان خطر وممكن تصاب ببكتيريا في المهبل تنتقل للرحم