كاسكو فترة علاجة الإفتراضية 10 أيام ولكنها إمتدت إلى 3 أسابيع وبدون أي تحـّسن؟!

[Sarab]

بسم الله الرحمن الرحيم

السلام عليكم ورحمة الله وبركاته


سبق وأن أخبرتكم عن مشكلة الكاسكو في الموضوع السابق وهي مشكلة في التنفس في هذا الرابط :

http://www.2zoo.com/vb/showthread.php?t=163169

وقد قمت كما قال لي الأخ العزيز :: أبو يمن :: وما قصر قال لي إستخدم معاه تايلان وعطاني التعليمات , وقال لي أعطيه نصف ملي ,,

المهم أنا سويت مثل ما قال نصف ملي نصف ملي ,, خلص الأسبوع الأول ,, وما تغير فيه شي قلت لاه يبي لي أزود الجرعة وزودتها تدريجياً مع الأيام 1 ملي بعدين 3 ملي بعدين 5 ملي قلت الحين بيتحسن إن شاء الله ,,,

وخلص الأسبوع الثاني ما شفت تغير شي في الطير إلا اللهم تنفخت عينه وحطيت له عليها من التيلان في عينه كمان وأخذت لها يومين وطابت وهو بعده عنده مشكلة التنفس ,,

عاد جا الأسبوع الثالث وقلت مافي إلا أشربه الإبرة كلها ,, وفعلاً مسكته وشربته ,, والحين إحنا في نهاية الأسبوع الثالث ولاني شايف أي تغيّر؟

أخــاف يخلص الدواء وهو بعده !!!!

وش القصة ؟

*ملاحظة :

بالإضافة إلى أني أسقيه بالإبرة في فمه أضع له نفس المقدار في الماء.

ومن قبل ما أستخدم معاه العلاج هذا فيه طالع له مثل الغرغرينة تحت منقاره مباشرة لونها وردي ماتغيرت من أول ما استخدمت العلاج ,, وش قصتها هذي ؟



آسف على الإطالة ,,


وأنتـــظر ردودكم يا خبراء.

[صاحب رأي]

لا وبتخلص الدواء على هذا المسكين ههههههههه

مدري والعلم عند الله أنك تقصد الورم الذي يصيب الكاسكو

وهو ليس تحت المنقار مباشرة ولكن في أقل من سانتي

وهو عبارة عن أنتفاخ أو ورم ويكون إزالته عن طريق البيطري

وممكن هو اللي يأثر على مجرى التنفس عاد ألحق الطير عند البيطري

لا يروح عليك

[صاحب رأي]

المرض الذي أقصده مثل هذه الصورة

[كاسكـــو]

اذا المشكله هو انتفاخ وانقباض اثناء التنفس ولحد اليوم ماطاب هذا التهاب مزمن

يمكن يطيب بعد فتره وممكن تسبب مشاكل له ويستمر معه طول العمر لكن لاتخاف ماراح يأثرعلى صحته ابد

يعني الالتهاب المزمن راح يزول عنه بس يبقى الاثار حقته وهي انتفاخ وانقباض عند التنفس

عندي طير من كم سنه جاه التهاب مزمن وبالقوه طاب بس بقى اثاره وهو انتفاخ وانقباض لحد اليوم موجوده

وهو يتمتع بصحه ماشاء الله 1000 على 1000 وعايش حياته تمام التمام

اما اذا تقصد مثل ماقال صاحب راي زي الكيس طالع له تحت الرقبه هذي عمليه ويطيب

[Sarab]

مشـــكورين إخواني على مروركم الكريم والإفادة,,

وهو مثل ما تفضل أخونا :: صاحب رأي :: ونفس إلي في الصورة هذا نفس الورم إلي طالع له بالضبط 100%

وأشكر أخوي :: كاسكـــو :: وبصراحة خوفتني زيادة لما قلت مزمن وراح يستمر طول العمر!

بس ما عليكم أمر الحين تقريباً عرفنا المشكلة بس وين أحصل بيطري مضمون لأن البيطرين إلي أعرفهم كلهم الله بالخير ما زارهم طير إلا وجربوا فيه إلين ما يموت تقول مجزرة مو بيطرة!

الله يجزاكم خير دلوني على بيطري ممتاز وممكن يقوم بهالعملية وعلماً أن أنا في المنطقة الشرقية ,, هنا ولا على الخاص براحتكم عشان ما نخالف شروط المنتدى .

في إنتظار ردودكم يا إخـــوان وحرام يضيع عليي هالطير لأنه غالي على قلبي والله.

[كاسكـــو]

وأشكر أخوي :: كاسكـــو :: وبصراحة خوفتني زيادة لما قلت مزمن وراح يستمر طول العمر!

^^
^^

انا اقصد الاتار اللي يتركها الالتهاب المزمن هي اللي تستمر مو المرض اللي يستمر وهي تكون طبيعيه ماتخوف

اذا طيرك فيه كيس تحت منقاره هذي مالها دخل بالجهاز التنفسي وبسيطه ان شاء الله عمليه استئصال وخلاص

برسل لك عالخاص مكان يعالج هالامور لان واحد من الشباب عالج ببغاء عنده سوا له عمليه ونجحت وطاب

[Sarab]

الحمد لله طمنتني ولكن هو بعد صاير عنده مشكلة في التنفس يعني السبب من هذا الكيس ولا هذيك مشكلة ثانية ؟ لأنه يتنفس بصعوبة ويتحرك ذيله بهتزاز عندما يتنفس.

[كاسكـــو]

المشاركة الأصلية كتبت بواسطة Sarab

الحمد لله طمنتني ولكن هو بعد صاير عنده مشكلة في التنفس يعني السبب من هذا الكيس ولا هذيك مشكلة ثانية ؟ لأنه يتنفس بصعوبة ويتحرك ذيله بهتزاز عندما يتنفس.

اتوقع عنده مشكلتين