كاسكو عنيد وترويض عنيف

[Souls]

سلام عليكم إخواني .... أنا أخوكم زياد وعندي كاسكو جاني هديه بالضبط من شهرين. أنا مش مربي أو مروض لكن على البركة و على هالانترنيت ..... الكاسكو عيونه رمادية لكنه متوحش جداً وهذا اللي صار وياي وحبيت أشارككم.

من اول يوم كان في القفص فتحت له الباب وخليت الأكل بره .... صار يطلع يأكل ويرجع بس بحذر شديد. اليوم الثاني أخذت القفص وطلعت بره البيت ولبست قفاز لحام ودخلت ايدي داخل وقام يعض وجن جنونه، ضربته ضرب خفيف يعني توبيخي وفي كل مرة يعظني فيها أصرخ فيه صرخه أنا نفسي أخاف من صوتي هههههههههه .... رحت السوق وأخذت بيت مفتوح فيه ألعاب وسلم وحطيته عليه لكن من دون ما أربطه. فرح في بيته وقام يصفر ويطقطق ويخبرط بالتصفير والكلام.

عموما جربت كل نصائحكم و العسل وغيره وكانت النتائج جيدة لكن العنف كان مطلوب في كل مرة !!!!!! وأنا تعودت على العض ،،،، اليوم أنا وابووووووه (اسمه) صرنا مقربين من بعض وهو يعض كل حد إلا أنا وما يطلع إلا على ايدي ويأكل من ايدي وأسبحه في ايدي وأفرك تحت جناحه من دون ما يسوي شئ ...... لكن عنصر الخوف ما زال موجود بس أخف بكثير. الحين دخلنا على التدريب وأحاول اخليه يطير على ايدي بس مشكلته بعدها وهي خوفه ومن أصابعي !!!!! شكرًا لكم ولهذا المنتدى الحلو. أخوكم ....... زياد

[the_gostman]

وعليكم السلام أخي الكريم..

ما شاء الله تجربه جميله واتمنى لك كل التوفيق وتشوف خير الببغاء... في البدايه دائما عندما تأخذ أي ببغاء لازم ما تبدأ معه التدريب قبل مضي اسبوعين عليه في البيت..لان الببغاء من الاساس يكون خايف وغير مطمأن لصاحبه الجديد وغير كذا المكان تغير عليه واجا لمكان جديد.. لذا دائما الترويض يبدأ بعد اسبوعين على الأقل..

وانا لا أنصح بإستعمال القفازات في الترويض لان معظم الببغاءات تخاف منها بدرجه كبيره.. وذلك بسبب الصيد الوحشي..

على العموم اتمنى لك كل التوفيق.. وما تخاف هذا الخوف رح يزول بشكل تدريجي مع الوقت..


بالتوفيق
أخوك رمزي

[عزوزالعبدالله]

عليكم السلام

اخوي الخوف ناتج من الضرب اللي ضربته مهما صار عضك او كان عنيد بالاخير هذا بهيمه
مايعرف شي يعني حرااااااااام هو ماجاء يمك وعضك انت اللي رحت يمه تحمل اي ردت فعل

ودام انك طلعت بالنتيجه هذي ووصلت لمرحلة انك تروشه بيدك ويطلع على يدك بتقدر تخليه ينسى الخوف
حاول تخليه على يدك اكثر وقت ممكن وامسح على راسه
ولا تحرك يدك بسرعه او بشكل مفاجى هو اخذ موقف من حركه يدك لانك ضاربه قبل

بالتوفيق

[نايف البرقاوي]

الله يهنيك فيه اخوي زياد

بس شكلك ماعندك تفاهم على طول ضرب هههههههه
وترا فيه حلول كثيره غير الضرب ومثل ماقال لك رمزي
ان يخاف من القفازات بسبب الصيد يمكن .
اللي عندي اذا شافني لبست القفازات لو على بعد كيلو خذ صياح ههههههه
شوي وتجيه سكته ، عشان كذا صرت استخدم يدي بدون قفازات
ولله الحمد ماتعرضت لعض وصار اهداء بدون القفاز.
واستمر على اطعامه من يدك فمفتاح القلوب البطن

[Souls]

شكرًا إخواني على نصائحكم .... انا فعلا شوي عنيف بطبعي ههههههههه وكلامكم صحيح بالنسبة للضرب بس انا برايي الضرب التوبيخي على المنقار وصلني لمرحله متقدمة مع ابووووووه وفي فتره قياسيه وهذا الشيء ولد علاقه السيد والعبد إذا ممكن نسميها جذي .... في مرات كثيره أروح عنده بعد ما أحس أني ضغط عليه وامسح على راسه وأكلمه وأقوله ليش تضعني بابا ؟ والله انا ما احب آذيك ... والله يا جماعه انه يفهم لكن المشكلة الخوف ... ممكن فعلا يكون بسبب الصيد الوحشي ؟! طيب كم الوقت اللي لازم اخليه على ايدي علما انه يخاف وشوي شوي ينسحب انسحاب تكتيكي ويطلع على كتفي هههههه ؟

طبعا احب أضيف أني ما مقصر أبدا معاه بالنسبة للنظافة والأكل والماء ..... الماء معدني وتنظيف الوعاء بالصابون بعد كل مره تبديل والأكل منوع ما بين حبوب منوعه يوم وخضار يوم وفواكه يوم حتى عظام دجاج مطبوخ !! وطبعا انا الوحيد في البيت اللي أعطيه الأكل وهو يراقبني بحذر شو أسوي.

عندي سؤال ... من يومين سبحته في حوض الحمام وطبعا أكلمه وأدلعه خلال الترويش وخليته في الحوض ربع ساعه عشان يجف شوي قبل لا وديه مكانه وعشان لا يأخذ برد وكان يصفر .... ولما رجعت لقيت حبوب وأكل في الحوض (مرجع يعني) ... خفت عليه صراحه بس في شباب يقولون في المنتدى هذا عادي ؟؟؟؟؟؟!!!!!