رد: لـخبراء الآي بود - الـفزعـة لو سمحتو
طبعا يختلف حسب نوع الآيبود، أنا عندي آيبود كلاسيك.
لكن بشكل عام، هيا طريقتين (وكلامي مو دقيق لأنو مافي آيتيونز قدامي ومن فترة ما استخدمتو):
١- المزامنة Sync:
أول شي ترتبي الميوزك عندك في مكتبة الآيتيونز، يا إما من File وبعدين تحطي Import، أو بالـDrag & Drop (السحب والإسقاط، بحيث تسحبي الميوزك اللي تبغيها للمكان اللي تبغي فآيتيونز، طبعا بما إنو بنتكلم عن المزامنة فإنتي حتودي الميوزك لمكتبات آيتيونز، فوق تلاقي مكتوب Music هناك ترتبي الميوزك، إزا تبغي من تحت سوي Playlist ورتبيها بالطريقة اللي تعجبك، أو ممكن تستخدمي الـTags لترتيبهم.
بعدها تروحي للآيبود من الآيتيونز وتروحي التاب (Tab) حق ميوزيك وتختاري Sync، طبعا دي الطريقة حيسير كل ما تعدلي الميوزك في الكمبيوتر وفي الآيتيونز وتعملي مزامنة حتتغير في الآيبود زي الكمبيوتر والآيتيونز.
٢- النقل اليدوي (أفضله):
من الآيبود في الآيتيونز في واحد من الخيارات اللي جمبها تشيك بوكس (Check box) لو اخترتي يسير الآيبود ممكن تتحكمي بالميوزك فيلو بدون الإحتياج للمزامنة مع الكمبيوتر وما يهم لو غيرتي في الكمبيوتر شي، دا مو موجود في كل الآيبودز بس في الكلاسيك موجود، ما أدري عن تبعك.
في أمان الله ^^
__________________
الكثير من الوسائل نعتبرها غايات، أحيانا يكون الأمر مختلفا من شخص لآخر ولا مشكلة في جعله غاية
"نظام التشغيل غاية لدى البعض، خاصة اللينوكساويين، ووسيلة لدى البعض، خاصة الوندوزاويين"
لكن أحيانا يكون من الخطأ إعتباره غاية،
"المشاركات وسيلة وليست غاية"
Riding Club Championships، حصانك ينتظرك!
|