ما هو المنتدى

[النمر الوردي]

ماهوالمنتدى ؟!!







المنتدى هو بيتك الثاني وفية اصدقائك واخوانك واخواتك يشاركون معك في المعرفة وفي المزح ويزعلون لزعلك ويفرحون لفرحك

وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ

فكيف نجعل منتدانا هو الأفضل ؟؟

الحل بسيط

تشجيع الأعضاء الجدد

هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل
وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الأدب والشعر وكتاب متميزين في الصرقعه أو في أي مجالات آخرى
والعضو الي دايم يكون الأول في الترحيب " حبيب وقلبه طيب "



قبل لا تكتب أي موضوع في أي قسم معين لازم ترد على موضوعين اوثلاث او اكثر
وهذا شئ مهم مررره .. لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على موضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى " محبوب الكل "



تشجيع المواضيع اللي يكتبها اصحابها

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع اللي كتبه بجهده ولأنه موضوع حلو فالكل ينسخه وينشره في كل المنتديات ..أكتب فكره أو معلومه أو انقل من كتاب او مجلة اللي يستاهل النشر
والعضو الي دايم يكتب مواضيعه بنفسه " هذا نشيط ومتميز "



الكلمة السحرية

وهي أنك تكتب كلمة ( شكرا على هذا الموضوع ) كلمات شوية ماراح تتعبك او تنقص من قدرك او كبريائك المزيف .. كثير مانشوف مواضيع عدد قرائها فوق السبعين او الثمانين ومن هذولي فقد يرد على صاحب الموضوع واحد او ثنين وأكثر الأحيان تجد الموضوع ما فيه أي رد ..!!
يعني أنت تبي الكل يرد على موضوعك وأنت يابعدي ماتكلف على عمرك وتجامل صاحب الموضوع .. اجل وشوله تشارك وتتعب عمرك
ويسمى العضو الي دايم يشارك ويحث الاعضاء على المشاركه " ياحبي لك "



محاربة الشلل

وهذا أكبر خطر يهدد أي منتدى وكثير من المنتديات هرب منها اعضائها لهذا السبب والحمد الله ان منتدانا مافيه .. وشلل هي أنو يتفق الأعضاء ويقولون ( احنا والله شله ارتحنا لبعض ومانبي واحد جديد يدخل بينا .. والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى .. لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني .. وخلاص انتهى المنتدى وصار ممل والاصرف انه يتقفل

التواصل بين الأعضاء

التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك .. وتجي للمنتدى ولكل مشتاقين لك ويسألون عنك .. أكيد بتشقق من الفرحه ومحد قدك )
ويسمى العضو الي دايم يسأل عن الاعضاء .. " ياطيب القلب وينك "



اخر شي ...

المنتدى مو بعدد اعضائه .. بل بترابط اعضائه كلأسرة الواحده وكما قال الرسول صلى الله عليهو و آله وسلم (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى ))
وقولة علية السلام (( المؤمن للمؤمن كالبنيان يشد بعضه بعضا ))

[RAUL 7]

لووو سمحتي اعدل كلمتك ( المنتدى بيتك الثاني ) ... هذي الجمله خطأ بالنسبه لي ,, لأن المنتدى هو بيتي الأول ... الصراحه راحه ... انا ارتاح اكثر بالمنتدى و احس كلللل الاعضاء اخواني ...


و شكراًًُُ على مواضيعك المميزه

[النمر الوردي]

ولكمو
و شاكره مرورك

[دانــــــــة]

لاالأول ولا الثااني !!
بيتي متى ما فضيت وخلصت واجباااتي!!!
وصح أنا معااك إنه تميز ا] منتدى بتميز أعضااؤه وتآآآآآلفهم ,,

[نسمة عبوود]

فعلا فعلا فعلا فعلا المنتدى بيتي هنا عندي أخوان كتيييييييييير وأصدقاء

ومن بعضنا نفيد ونستفيد ونفرح ونزعل الخ

وصح كل كلامك

ومرسييييييييييي على الموضوع الروووووووعه والجميييييل زي صاحبه

[Dominique]

موضوع مميز الصراحة

كلام رائع

المنتدى هذا هو كل شي بالنسبة لي شخصيا
وفعلا لازم العضو يتفاعل مع الكل علشان الكل يتفاعل معاه
هذا اساس نجاح كل منتدى

يعطيك العافية
.
.
.