اشترك في نشرتنا البريدية ليصلك كل جديد

زائر رقم · 31-07-2009, 08:18 PM

بالمناسبة:

إذا حصل لك فرصة تطالعين انعكاس نور عينه بالظلام..
راح تلاحظين لون الانعكاس أحمر..
أو تلاحظين (وميض زي وميض البرق) من عيونه..
تلاحظين أن يحدجك بنظرات قوية (أنواع الخز) و التحدي و كأنه ما يخاف منك..
و إذا زي ما قلتي ما يسمعه اللي حولك و تسمعينه أنت فهذا أخاف أنه مسلط..
الله يحميك منه و من أشكاله.
بس انتبهي.. أياك و الخوف.

ما جنى على بني آدم إلا الخوف.

وقتها 100% يصير كلامي صحيح.

! هاويه الطيور ! · 31-07-2009, 08:34 PM

اخوي الزائر

الله يهداك ششكتني بالقط حيل ووترتني اكثر واكثر

خصوصا امس سمعت صوته كانه بالصاله عندي ودورته مالقيته

بس مساله انه يكون " جني " هذي مستحيل

السبب : القط اعتقد عمره تقريبا 3 سنوات

وانا كنت مربيه امه <<< وكانه نفس اللون الباندا شكله الابيض والاسود

وكان صغير واذكره بس لما كبر تغير شكله كليا حجما كبير جدا جدا وحتى لما يمشي في الشارع

صوته يسمع الكل يماوي حيل ويخرع شكله ياليت وياليت لو عندي الجراه واصوره عدل

جسمه وذيله وحركته

انا شايفه قطط سوده بس حجمه هذا كبير ضخامه حيل

والله يستر بس ماظن جني وبعدين اهو ماقام يجيني لما عرف عندي قطوه وغيرها كنت اشوفه بالشارع

واسمع صوته بس لما عرف عندي قطوه وشافها ويشوفها من الدريشه بدا يزعجني

يطلع عليها ويقعد فتره ويروح

وصحيح مرات لما انزل من السياره اشوفه قاعد ويخز عادي ويطالع

sisi_moon · 01-08-2009, 01:48 AM

زائر رقم

اسمح لي

بس كلامك جدااااا مو مقنع

كل القطط عيونها بالظلمه تعطي لون أحمر او اصفر او أخضر .. هذا شي طبيعي بكل القطط

والقطط عامه تختلف في شخصياتهم وأطباعهم

فـ لما نشوف قطو مايخاف ويخزز ويطالع .. مو معناه انه ملبوس .. بس هالشي راجع لشخصيته و أطباعه

وعلى الجلد المتسفط .. لو عندك قطوه .. احلق شعرررها وراح تشوف تسفطات عند الرقبه والأفخاذ وحتى البطن

بس قطاوتنا الشعرر ساتر عليهم .. اما القطط البلديه أغلبها شعرها قصيييييير وقليــــــل فـ عشان كذا كل شي يبان ..وعندك مثال قط السفنكس .. الي ماله شعره ابدا .. شوف جسمه كيف فيه تسفطات

.. وغير كذا التسفطات توضح أكثرر لما القطط تكبر في العمر ..لان الجلد يتررهل

وحتى حجمه .. عااادي .. كثير من القطط تكون أحجاامها كبيــــــرره ..

هاويه .. ماعليج وولا توسوسين .. القط حاله حال أي قط .. بس حاولي تبعدين قطوتج عن المكان الي ممكن يشوفها منه عشان ينسى الموضوع ويبعد عنكم

! هاويه الطيور ! · 01-08-2009, 02:45 PM

تسلمين سيسي
وامس فكه ماجاني ولاشي ارتحت منه
لانه ابوي تضايق حيل منه

وان شاء الله يارب مايرجع خير شر

وشكرآ لردج