الحمد لله اليوم فقس البيض من الفقاسة طيب وش اسوي!!!!!!

[بادجي2]

السلام عليكم


الحمد لله اليوم طلع الصوص من البيض ..


الحين وش اسوي ؟؟ اخليه في الفقاسة؟ واللى اطلعة في كرتون ؟؟


وش ياكلون ؟؟ لاني شفت في موضوع انه يمكن يختنقو بالأكل ويموت ؟؟ واكل البيت ماينفع لهم ؟؟


نبي منكم معلومات جزاكم الله خير

بإنتظاركم

[im-alone]

ما عندي خبرة كافية ...

لكن عندي صوص شوي كبير اعطيه رز (عيش) ...

واللي اعرفه ان الصوص اول يوم الى يومين ما يحتاج ياكل ..
بس حطله ماء + سكر ..

وخله في الفقاسة اعتقد 12 ساعة (مب متاكد)
وبعدها طلعه في كارتون
و اكله بروتينات مطحونه .. (هذا اللي اشوفه في المحلات )

للاسف ما عندي معلومات كثيرة... وان شاء الله افدتك ..

[صمت الأمل]

وعليكم السلام ورحمة اللهـ وبركاتهـ ..



اول شيء ألف ألف مبروكـ على فقس البيض وخروج الصيصان بالسلامهـ .. ان شاء اللهـ باقي البيض يفقس .



هل الفقاسهـ اللي عندكـ مروحتها محميهـ وبعيدهـ عن البيض ؟؟ اذا كانت محميهـ اتركـ الصوص داخل الفقاسهـ حتى يجف .. تقريبا يستغرق 8 _ 12 ساعهـ حتى يجف بالكامل ويستعيد نشاطهـ بسبب تعبهـ من كسر البيضهـ .



والفائدهـ الثانيهـ من تركـ الصوص داخل الفقاسهـ ان اخوانهـ اللي في البيض يسمعوهـ ,, وراح يتفاعلون معهـ ويفقسون بعدهـ .



اما اذا الفقاسهـ خطيرهـ على حياة الصوص ,, حطهـ في مكان دافئ وآمن وقريب من الفقاسهـ عشان يسمعهـ باقي الصيصان .



حاليا هل عندكـ مكان لتحضين الصيصان ؟؟ وقصدي ان هالمكان يكون دافئ وعندهم لمبة حرارة ويحميهم من الأطفال او الطيور والحيوانات الأخرى .



وحاول ماتعطيهم شيء ياكلونهـ في اليوم الأول عشان يخلص باقي الأكل اللي ببطنهم وتجف السرهـ وماتلتهب .. وممكن تعطيهـ نقاط ماء بإصبعكـ اذا الجو حار .



وبخصوص ان الصيصان تختنق من الأكل ,, انا قصدت اذا كانت الحبوب كبيرهـ عليهم .. مثل حبوب الشعير أو المشكل .. لأنهـ غير مناسب ابدا لعمرهم .



اسلق في اليوم الثاني رز أبيض سادهـ ,, بدون ملح أو بهارات . وافرمهـ بأصابعكـ شوي عشان يكون حجمهـ صغير ويسهل عليهم أكلهـ .



وعلمهم كيف ياكلونهـ بانكـ تنقر باصبعكـ على الأكل وتعطيهم اياهـ بطرف اصابعكـ ..



اذا تعلم واحد منهم راح يعلم اخوانهـ الباقين كيف ياكلون .



وأيضا ممكن تشتري الذرهـ المطحونهـ من السوق أو تسلق شعيريهـ وتفرم لهم الخضار ,, وتعرضهم لأشعة الشمس الباردهـ .



اما طريقة السكر اللي ذكرها أخوي وحيد انا ماجربتها ,, لكن ماأظن تحتاج سكر او شيء ..



سوي لهم مثل اللي تسويهـ لهم أمهم في الطبيعهـ وبإذن اللهـ تمشي أموركـ معهم ..



وتربية الصيصان سهلهـ ,, بس يبي لها حرص شديد في الأسبوع الأول .. وبعدها خلاص يعدي مرحلة الخطر .



بلغنا بالتطورات والأخبار ..




وان شاء اللهـ أفدناكـ ,, وفي أمان اللهـ .

[بادجي2]

الله يبارك فيكم جميعاً .. وجزاكم الله خيرا كثيرا ..


بدأو اخوانها بالتفقيس والحمدلله ..


المروحة بعيدة ومحمية عن الصوص ولكن الرطوبة عالية وهي 70% واخاف تموت الصوص؟؟؟؟؟؟؟؟


اما الأكل اشتريت لهم اراسكو وخلطته بالماء صار معجون وسهل للصوص حسب افادة احد الاخوان ..

[AHMAD55]

ان شاء الله الف مبروك

الاعضاء افادوك واضيف للتأكيد

خلي الصوص بالفقاسة حتى يفقس البيض كله ممكن يبقى يومين وحطله ماء محلى بقليل من السكر

(بالنسبة للرطوبة ما تأثر عالصوص)

ومن بعدها حطه بكرتون وحطله لمبة تكون اعلى من الصوص بعشرين سنتمتر واذا حسيت ان الصوص بردان

وعم يصيح كتير (قرب اللمبة اكثر)

ممكن بالايام الاولى الصوص ما ياكل كتير هاد الشي طبيعي ما تخاف منه

والاكل الي ذكرته جيد وانت حاول تدل الصوص عليه باصبعك (حرك اصبعك داخل الاكل)

بالتوفيق على امل ان نشوف الصور ونسمع الاخبار الجيدة

[فرّي]

مبروووووووووووك عليك فقس البيض ومثل ما قالت لك صمت الامل

[سعد000]

مبرووووووووووووووك