مساعدة عاجلة

[sa11]

كيف أعطي الكلب أقراص الديدان؟
هل أذوبها ؟ أو كيف الطريقة.

[Octopus]

أتمنا يسعدوك

[الكلاسيكي]

مرحبا اخوي
اخوي عندك عدة طرق انا بعلمك اياها بس غير انك تذوب الحبوب لانه طريغه غير فعاله 100% فا اتبع واحده من الي اقولك :

الطريقه الاولى :

ممكن تلبس قفازات وتفتح فم الكلب وتدخل اصبعين فيهم ثلاث حبات لين تتأكد انهم وصلو للبلعوم وبعدين تدخل الحبوب الباقي اذا كنت جايب اكثر لاني ما اعرف نوع الحبوب الي عندك ولا كم حبه المهم ،،

الطريقه الثانية :

لما يجي وقت وجبة الكلب خذلك قطعة صغيرة من الصدر ودس داخلها كم حبه ورصهم بيدك عشان تنخلط ريحتهم مع الدجاج وبعد كذا قدم قطعة الدجاجة للكلب بيدك بياكلها وبياكل الحبوب معها ،

الطريقة الثالثة :

جمع الحبوب في قرطاص قوي او قطعة خلق صغيره وضع الحبوب داخلها وضربها لين تتفتت بعد كذا حط كمية قليلة من الاكل أي اكل ورش الحبوب وهي تكون على شكل بودره مطحونه وعطها الكلب ياكلها بعد كذا زيد الاكل لها بعد مايخلص الاكل الاول ،، هاذي الطرق السريعه والناجحه وممكن احد الاخوان يفيدك بطريقه اخرى وياليت تستخم الطرق على حسب الارقام يعني الاولى واذا ما قدرت الثانية واذا ما قدرت الثالثة ،

وتقبل مرروري ،،
مع الشكـر ،،،،،

[BHR]

في موضوع حاطه فل منتدى راح يفيدك
اسمح لي طريقة الكلاسيكي غلط
الكلاسيكي متاكد انك تعرف الطريقه بس نسيت شي
جوف وزنه وعطه على الوزن 3 حباب اذا اهوه صغير راح يضره
واذا الكلبه حامل لا تعطيها وجوف الموضوع الي حاطه وراح يفيدك
واسمح لي على الاطاله

[عنتر]

اخوي اظن انا الاعضاء فادوك

[boobee]

اخوي الطريقه سهله :
تعطيه الحبه على حسب وزنه يعني من 5 الى 10 ياخذ جبه وحده
من 10 الي 20 حبتين
وطبعا تختلف من نوع الى اخر وتلاقي التعليمات وره العلبه
لازم يكون قبل لا تعطيه الحبه مو ماكل قبلها ب 8 ساعات وحاول تمشيه عشان اذا في بطنه شي يطلعه
وتعطيه الحبه بالفم عادي مو مع الماي ولا الاكل
ولازم بعدها بساعتين ما ياكل شي
وبعد 14 يوم تعيدله نفس الحركه مره ثانيه

[الكلاسيكي]

هههههههههههههههههههههههههههههههههههههههههه
اخوي bhr انت ليش متسرع ومتهجم كذا لا تسير اندفاعي ترا مو زين اذا قريت سئوال الرجال سأل عن كيف الطريقه واحنا علمناه الطرق بس ، لاكن ما حدد كبر الكلب ولا حجمه ولا جنسه عشان نعلمه كم حبه واذا حددنا بتكون افادتنا غلط ، وبصحح لك معلومه بعد الحبوب انواع في ثلاث وبعد 15 يوم يكرر الثلاث ، وفي 5 حبات وغيره وغيره واهو ما حدد نوع الحبوب وانا ما حددة كم حبه انا مثلت بس يعني الطريقه الي ممكن يتبعها من الافضل الى تحت فا ياليت تقرا مرا ثانيه قبل ماتتكلم اخوي bhr ولا تتسرع انا ماخبرتك كذا ، وانا على امركم ، وتقبلو مرروري ،
مع الشكر ،،

[BHR]

المشاركة الأصلية كتبت بواسطة الكلاسيكي

هههههههههههههههههههههههههههههههههههههههههه
اخوي bhr انت ليش متسرع ومتهجم كذا لا تسير اندفاعي ترا مو زين اذا قريت سئوال الرجال سأل عن كيف الطريقه واحنا علمناه الطرق بس ، لاكن ما حدد كبر الكلب ولا حجمه ولا جنسه عشان نعلمه كم حبه واذا حددنا بتكون افادتنا غلط ، وبصحح لك معلومه بعد الحبوب انواع في ثلاث وبعد 15 يوم يكرر الثلاث ، وفي 5 حبات وغيره وغيره واهو ما حدد نوع الحبوب وانا ما حددة كم حبه انا مثلت بس يعني الطريقه الي ممكن يتبعها من الافضل الى تحت فا ياليت تقرا مرا ثانيه قبل ماتتكلم اخوي bhr ولا تتسرع انا ماخبرتك كذا ، وانا على امركم ، وتقبلو مرروري ،
مع الشكر ،،

ههههههههه
انا ماتهجمت ولا شي انا قلت اني متاكد انك تعرف الطريقه بس نسيت تقوله على سالفت الوزن وهل شي ضروري تخبره

واسمح لي اذا فهمتني غلط ولا شي وانا ماحب اتهجم على احد ولا اضر احد ولا استفزه ولا انقص من قيمة
وان شاءالله تكون فاهمني وسوري بس تبي الصج كنت مستعجل شوي هاذيج الايام
واسمح لي

[الكلاسيكي]

افا ازعل منك ولا يهمك اخوي bhr اخوك الكبير انا خخخخخخخخ
حياك الله ودائماً ردودك ومواضيعك في صدر رحب واكبر ،،،