تصرف غرييييب جداً من الكاسكو أرجو دخول الخبراء

[Nawaf Mohammed]

السلام و عليكم

كيف الحال يا اخوان

بدخل بصلب الموضوع

شباب الكاسكو مالي يسوي حركه غرييييبه و هي انه يرجع الأكل أعزكم الله و يرجع يأكله و هاذي المشكله قبل ما كانت موجوده بس بدت تطلع من شهر او شهرين ، و للعلم ان الكاسكو مالي يصفر و يتصرف بشكل طبيعي جدا ، بس اذا طلعته من القفص و لعبت معاه شوي يبدأ يحرك رأسه لورا و قدام بسرعه و ينفش ريشه و يفرد جناحه ، و يرجع الأكل أعزكم الله على شكل أكل بني مهضوم و يرجع يأكله ، و للعلم هاذي الحركة ما تصير الا لمن أطلعه من القفص و أبدا العب معاه


أرجوووكم يا اخواني طمنوني عليها و هل يستاهل الموضوع أني أوديها البيطري و لا هذا شي طبيعي

أرجوكم اللي يرد علي يكون متأكد و ما ابغا توقعات لا هنتوا

[Hmadaa900]

وعليكم السلام
اخوي انصحك تروح للبيطري احسن
بعض الناس تقول لانه متعلق فيك
والترجيع ك هدية لك
بس احس هالمعلومه مو صح
وتاكد من براز الطائر اذا كان طبيعي

[يـوســـف 2020]

طبيعي جداً الطير متعلق فيك وهذي الحركة يعبر عن حبه لك

[monybat]

حركة طبيعية جدا

وطالما الطير طبيعي ونشط فهذه دلاله على حبه وتعلقة بك

بالتوفيق

[ابودانه99]

زي ما افادوك الاخوه اذا الطير ما عنده مشكله في الاكل ولا البراز فهو عادي جداً, حتى انه يطلع اصوات زي اصوات جراء الكلب اكرمكم الله (انا جالس اقلد الصوت الان ابغى اكتبها ماعرفت كيف)

كمان تلاقيه ينزل جسمه ويفرد اجنحته شوي , واتوقع انه من علامات طلب التزاوج او المحبه .

والله اعلم

[kha6ab]

لا ياخوي لاتخاف

الحركه طبيعيه , وطيوري دايم تسويها

وهذي تعني انها تحبك [:

[مح ـمد]

حركه جميله تعبر عن المحبه

الطير من كثر حبه لك يحاول يطعمك

لاتكسر خاطر الطير خذ الأكل منه