تكفون الله يخليكم ساعدوني

[mr.عزيز]

السلام عليكم .. ان شاء الله تكونون بخير


بدخل في الموضوع بسرعه لاني كرهت نفسي
قبل اربع ايام بالضبط شريت قطوه صغيره عمرها شهرين و19 يوم بالضبط !
اذا جيت انوم اسكر عليها في بيتها بس المشكله يزيد مواءها بشكل محد يتصوره اقل شي اقوم ثلاث مرات وانا نايم !
قلت بنوم واخليها تلعب في الغرفه ! فعلًا طلعتها بس ما تخليني ترقى سريري وتبلشني وتحط وجهها بوجهي وكانت مزكمه لين عدتي والتهب حلقي طبعًا طيلة هالفتره ما كنت اقدر انوم زين


ابي حل الله يخليكم يا اني اخليها في بيتها وتسكت او اسوي لها سله وتنوم فيها بس اهم شي ما تجيني ولا تطلع اصوات

واللي يقول نومها برا غرفتك ما اقدر اهلي شارطين علي اخليها معي

تكفون ساعدوني وصلت اني فكرت انطلها في الشارع


معلومات عنها :
عمرها شهرين و 19 يوم
نوعها شيرازيه
وجنسها انثى





تحياتي للجميع

[سكره:)]

ليش ترميها في الشارع
ليش ماتبيعها

هي بعدها صغيره والظاهر انها تبي امها
اصبر عليها وان شاء الله راح تتعود ع البيت

والله يحفظها

[الاليفه]

هلا 

لالا لا ترميها في الشارع !!
حراااام
الواضع بالنسبه لي انك غير قادر على تحمل مسؤليتها
لانها في هذا السن كثيرة الحركه جداً
وهذا سن الطفوله واللعب بالنسبه لها
ولازم تتحمل شقاوتها لين تكبر او تعرضها للتبني
واذا انت مره تحب القطط وتبغى وحده هاديه اشتري الي عمرها سنه
اتوقع انها تناسبك

[فاتـــو]

اهلين اخي
القطة في عمر الطفوله وكانت محتاجه تبقى مع اخوانها لين تتم ال3 شهور
اللي جالسة تسويه هذا كله طبيعي انت حاول تهديها واشتري لها العاب
هي تماوي لانها تدور على قط زيها تبي يقضي معها الوقت
اذكر اني لقيت قط بالشارع مرمي بعمرها تقريبا ويوم خذتها ماكانت تنومني الليل ولا النهار
ويوم لقيت قطه ثانية مرمية بالشارع اخذتها وصاروا اصحاب وماصار لها حس ولا تماوي ابد
حاول تجيب له قط شريك لها وياريت يكون احد من اخوانها اللي خذتها منهم ..

[فاتـــو]

وبالنسبة للزكام
جيب من اقرب صيدلية ايموكس
وعطها منه بالسرنجه نص مل كل 12 ساعة
وقدم لها اكل دافي وابعدها عن التكييف ..
:::::

[MAMAMy]

لو رمتها في الشارع هتموت اكيد و وزرها في رقبتك
يريت تجبلها قط بعمرها اما لو متقدرش
حاول تعودها انها تنام جنب رجليك و دلعها كتير و لاعبها
حاول تسليها بكل الطرق
و ان شاء الله هتتعود