تنصحوني ابيع الببغاء ؟؟

[فهد 77]

طبعا انا قلت قبل كذا اني اشتريت طير جديد هولندي ومحجل المهم
الطيور وصلت صباح يوم السبت الماضي يعني له عندي اسبوعين وانا اخذته العصر وكان عادي وضعه الصحي طيب

يوم الاحد رحت للبيطري اخذت فيتامين ومضاد وقال البيطري يوضع ف المشربيه لمدة خمس ايام قلت ان شاء الله وفعلا طبقت كلام البيطري لين يوم الخميس

فجر الجمعه حسيت الطير زكم ويطلع صوت كل بعد كم ثانيه رحت لواحد صاحبي وعنده محل واثق فيه كثير قال صحة الطير طيبه بس الواضح انه اخذ برد ف دلني ع حبوب ب خمسين ريال ورحت للبيطري وطلبت حبوب اعطاني نوع ب عشره قلت لا ابغى حبوب الي تجي ب خمسين والحبوب لونها بني قال عندي وقلت ايش رايك ي دكتور قال ممتازه حطها اربع ايام وان شاء الله يرجع الطير وشاف الطير وصحته جيده ويلعب ف القفص ، الحمدلله اسمريت على كلام الدكتور اليوم الثلاثاء وقفت الحبوب ورجع الطير حمدلله طيب بس النفس شوي فيه صوت بس اتوقع راح يروح

المشكله الي مضايقتني اني اول م جبت الطير وضعته ف الصاله وكان طبيعي بعد م مرض صار يجلس تحت ف القفص ونافش ريشه غيرت مكانه ووضعته بغرفه دافيه بس اهلي يدخلونها خفيف ياخذون منها اغراض يعني اقصد الطير ينعزل فيها ويجلس ف القفص عادي

ف لما ارجعه للصاله مكانه القديم ينزل تحت !! وهذا غير ان ماله صوت الا نادر ودايمن ساكت بس لما اقرب من القفص يقرب مني والعبه شوي واليف علي

احس ان الطير حزين او فاقد شي والاكل نادر م ياكل

كمان عندي النمل مدري من فين يجي اغسل القفص ف اليوم عشره مرات الي هي ارضية القفص احصل النمل ف المشربيه

ايش رايكم ابيع الطير ولا اصبر عليه او عندكم حلول ؟

اسف على الاطاله ،، انتظركم

[the_gostman]

اخي الكريم اذا كان هناك يصدر صوت اثناء التنفس يكون هنده التهاب في القصبات الهوائيه او في مجاري التنفس..
حاول تهتم في الطير أكثر أخي الكريم...وضعه بين الاهل في الصاله..لا تخليه لوحده.. وانشالله رح يعتاد على الاهل وتسمع صوته عن قريب..

حاول تنوع له في الأكل...وبالنسبه لمشكلة النمل..النمل ما يجي الا على شئ معين
حاول تراقب الأكل وتنظيف القفص دائما..

كل التوفيق

[فهد 77]

اخوي انت م فهمتني

انا اقولك الطير انا وضعته ب الصاله يعني المكان الي يجتمعون فيه اهلي كان صحته جيده بس بعد م مرض نقلته لغرفه ثانيه مافيها مكيف ولما ارجعه لمكانه القديم ف الصاله ينزل ارضية القفص وينفش ريشه

مدري ايش الحل معاه لما اخذته معي شقتي صار يتنفس ويهز جسمه مع النفس الغريب ف الامر اني لما احمل القفص يتسلق ويقرب مني !!!

ايش الحل يناس اخاف يكون زعلان الطير

[سكر]

عزيزي ’ اولاً أسأل الله ان يشافي طائرك
ثانياً, يجب ألا توقف المضاد إلا بعد زوال الزكام تماماً
ثالثاً: تاكد من درجة الحرارة في مكانه الحالي افضل الدرجات هي (25) ولامانع من ان تزيد درجتين
رابعاً: بخصوص سؤالك عن صمته وسكونه فهذا طبيعي الى ان يستعيد عافيته فاصبر عليه
خامساً: لا انصحك ببيعه حتى يتعالج تماماً,
سادساً: ادهن القفص من الأسفل بأي نوع من الزيوت سواء زيوت الطبخ او المكائن, حتى تتخلص من النمل
وبإمكانك دهن اطراف القفص من الخارج حتى لا يتسلق الى المشربية.

وأخيراً: استخدم أدوية خاصة بالجهاز التنفسي, فليس كل مضاد مناسب وانصحك بالتايلان أو التايلوزين

[فهد 77]

الله يعطيك العافيه يعني ارجع مره اخرى للمضاد ؟
ثواني اكتب لكم اسماء المضاد والحبوب الي استخدمتها للطير

[the_gostman]

اعتذر لك اخي عن سوء الفهم.. واخونا سكر ما قصر ماشالله عليه..
أنا برأيي ترجع للمضاد الحيوي وتكمل العلاج.. وايضا انصحك بعلاج التايلان

[فهد 77]

المضاد اسمه تري بوتيك ( بودره )
الفيتامين اسمه هيرو لنتيرفويت ( بودره )

اما حبوب الزكام اسمها Vétoquinol ( حبوب توضع ف المشربيه )


ايش رايكم ب امانه انا م ارتحت للمضاد والفيتامين

[Abu Thamer]

أخي الكريم عن تجربه حيه مني وأمس مات الكاسكو حقي وكان عنده نفس المرض وهو هولندي محجل جلس 5ايام نافش ريشه وفي قاع القفص مع استخدامي بمضاد التايلان ولا فايده وأمس في الليل مات فيستحسن أخذه لبيطري آخر ولو اضطريت لاستخدام الإبر لتحسينه يكون أحسن لأني رفضت تدخل العلاج بالإبر والنتيجة موت الطائر

[فهد 77]

الله يعوضك ب طير احسن منه

[Abu Thamer]

المشاركة الأصلية كتبت بواسطة فهد 77

الله يعوضك ب طير احسن منه

أمين يأرب ويشفيلك طيرك ويرجع أحسن من اول