لخبراء الامازونيات

[بايو تراكس]

السلام عليكم ورحمة الله وبركاته

خبراء الامازونيات استشارة بعد اذنكم

الحمد لله اشتريت طير امازوني بلو فرنتد جاكو وان شالله اني توفقت بالشروه

قولو ما شالله تبارك الله

هذا المزيون وش رايكم فيه؟ كم تقدرون عمره ؟









الطير له عندي 7 ايام والحمدلله بدا يولف علي شوي شوي لكنه لحد الان ما تكلم والي شريته منه يقول عنده كلمة بابا بس .

في الصباح اطلعه بالسطح يتشمس ولما يسمع الطيور برا البيت يبدا يجاعر .لكنه بالبيت هادي ولا كلمه ولا جعير وما يحب يجلس بالقفص يجب يكون جالس على القفص ..وجوا القفص بس يدور طالع نازل له كم يوم ياكل من يدي ويطلع على يدي بس يخاف من اللمس مررررره
وش الحل معاه وابغى نصايحكم بخصوصة( تراني قليل خبرة)
وبالنسبة للحجل هو حجل فضي كبس

شكرا لكل من شارك

[ALoosh abha]

ماشاء الله طير جميل جدا مبروك عليك
بس اهم شي نوع له بالاكل واصبر عليه الطيور ذي تتولف بسرعه بالتوفيق يالغلا

[وحيد مكة]

ماشاء الله تبارك الله
الله يبارك لك فيه طير حلو وريشة مرتب ماشاء الله
العمر والله اعلم فوق السنة
ومن ناحية الكلام لاتستعجل عليه عليك بالتلقين وان شاء الله تسمعه قريب
موفق ان شاء الله

[بلاك بيري]

ماشاء الله تبارك الله جدا جميل ومميز والعمر سنتين تقريبا

حجم جامبو وتعاملك ممتاز معاه استمر بذلك

موفق

[بايو تراكس]

حبيب قلبي علوش ابها:

الله يسلمك ياغالي والله ماني مقصر عليه بالاكل حتى الفراولة والتوت جبتها والعاب خشبية.. باقي بس اقدم له بمدرسة أهلية

وحيد مكه : ماشالله عليك جبت العمر صح .. على ذمة راعية الاول انه من مواليد شهر 10 سنة 2011 يعني توه احتفل بعيد ميلاده الاول (سنة بالضبط او زيادة شوي)

الغالي بلاك بيري :تصدق كنت بسأل عن حجمه ونسيت ..وفاتني هذا الشىء بس ماشالله عليك انت مافاتك

الحمدلله اليوم مسحت على ظهرة وراسة .. وانا ملاحظ انه بالظلام يصير حمامة وتقدر تسوي معه كل شيء ولا يتحرك ؟؟؟؟؟

عندي سوال بس : انا دايما اخبي القفص عنه واخليه يتمشى بالسطح بس الاحظ انه يطلع اصوات وغمغمة ويدور على مكان القفص ويوقف عند باب السطح يبغى يدخل للقفص وبعد ما اوديه للقفص الاحظ انه ينهت وصدره رايح جاي كنه ضارب مشوار وتعبان وهو ماتحرك كثير بالسطح .. انا اقول يمكن خوف انتم ايش رايكم؟؟؟ هل هذا شي طبيعي

[يوفاوي الكويت]

بسم الله ما شاء الله وتبارك الرحمن

طيرك جميل جداااااااا الله يحفظه لك يارب

اولا الطير لما حطيته فوق السطح ما جاعر لما سمع صوت الطيور صار يصارخ وهذا شي طبيعي بالامازونات

وغالبا ما يكون العمر مسجل بالحجل

انصحك بتلقين الطير في الصباح الباكر او قبل المغرب

وهذا الوقت افضل وقت للطير لان الصبح والمغرب فيهم فيتامين d

استمر علي كلمه سهله وراح تسمعه ان شاء الله

[سنودي]

ماشالله طير جميل
وعليك بالتلقين التلقين التلقين
ومسألة التشميس ذي انا انصحك بالتقليل جداااااا
لاسمح الله نسيت الطير في الشمس احتمال يفطس
او يطير لو مو مقصوص
تحياتي ..