الكاسكو زعلان بعد الفراق

[rida12z]

السلام عليكم
أخواني الكرام
كنت واضع الكاسكو ( كوكو) مع كاسيكو( الأنثى بمحكر وبعد فترة أكثر من سنة لم نصل للمطلوب ( الإنتاج ) لأسباب خاصة قررنا فصل الزوج عن بعضهم وإعطاء الأنثى صاحبها ^_^
المهم الآن الذكر زعلان جداً وبالقو ة طلعته من المحكر عشان مايبقى لوحده
من عنده الخبرة في هالأمور خصوصاً ان الذكر أليف جداً ومتكلم بإمتياز ( العمر حول ال4 سنوات )
لكن بعد اللي صار هالحين بعد تفرقته بين الأنثى صار يهجم على الأشخصا أحياناً وصارت عضته سم ماوراها غير الدم يعني الطير صاير نذل بقوة ( بس معاي لا نذالته 60 %)
وش الحل وياه
وايضاً الطير يوم كان بالمحكر كان يتكلم ماشاء الله لكن بعد الفراق صار كأنه أطرم
أنا أعرف أنه مع الوقت راح يتعاود ع الوضع الجديد ويتأقلم
لكن هل هناك خطر ع الطير في هذه المرحله ( قد لايأكل أو يحرم نفسه من الأكل ) أو يحاول الإنتحار والإنعزال
وشيئ طبيعي الواحد يخاف لأن سلوك الكاسكو حساس جداً

أرجو الإفادة

[ملك الببغا]

هههههههههههههههههههههههههههههههههههههه

الله يرجه

اعذرن مالي علم بس حبيت القصه يمكن الرجال حاب (الحب عذاب ) صدق من قال
ونتم فرقتوه الله يهديكم بس

يفيدونك الخبره

تقبل مروري

[الامل]

اخوي هذا شي طبيعي ترى الطيور اذا كانت اليفه وخليتها للانتاج تصير مو اليفه او تقل الفتهاااا يعني مو مثل قبل
يبيليك ترجع تعيد ترويضه من جديد بس شوي شوي عليه

[rida12z]

المشاركة الأصلية كتبت بواسطة ملك الببغا

هههههههههههههههههههههههههههههههههههههه

الله يرجه

اعذرن مالي علم بس حبيت القصه يمكن الرجال حاب (الحب عذاب ) صدق من قال
ونتم فرقتوه الله يهديكم بس

يفيدونك الخبره

تقبل مروري

شكراً لك
والله يكون في عوني
بأنتظار إفادة الخبراء

[rida12z]

المشاركة الأصلية كتبت بواسطة الامل

اخوي هذا شي طبيعي ترى الطيور اذا كانت اليفه وخليتها للانتاج تصير مو اليفه او تقل الفتهاااا يعني مو مثل قبل
يبيليك ترجع تعيد ترويضه من جديد بس شوي شوي عليه

المسألة موقادر ينسى ع طول الطير متنرفز وحالته حالة حتى الأكل يأكل بعصبية وعلى طول يصفر تصفيرة الطفش والياس عنده أذني صرها صر ^_^
دايم يعمل حركة الإقلاع راسه للأمام تحت ويرجف بجنحانه كأنه بيطير ويصفر تفيره وحدة مزعج جداًُ
يستمر على هالحالة ماعنده مشكلة كأنه يدوام ^_^ اليوم استمر يمكن 7 ساعات متواصلة

قلت خلني أختبر عزيمته أوديه الغرفة اللي كان فيها وقت ماكان متزوج وربي بس شاف الغرفة من بعيد صار يبوس ويصفر تصفيراته الحلوة وكلامه الحلو

المهم شوفو حل ^_^ حق كوكو

[تاجر 2010]

ومن الحب ما قتل(:

[rida12z]

أتمنى من اللي عنده أو مر في تجربة هذا المجال أو هذه الحالة يفيدني

[طووط]

جيبله انثى

[rida12z]

المشاركة الأصلية كتبت بواسطة طووط

جيبله انثى

أخوي خلاص تخلصنا من الأنثى مانبي نخسر الطير أكثر لو جبنا له أنثى راح يتمرد اكثر وكل مرة كذا بياخذها الطير حجة وكل ماوله بيسوي هالحركات عشان الأنثى خخخخخخخخ



الطير كان زي الحلاوة ( إلى الآن كويس وياي ) بس المشكل الطير غير مستقر وغير راكد ع طول معصب وهادل جناحه ويبي يطير حتى الكلام مايتكلم على طول تصفير مزعج

أنا هاليومين جالس أتجاوب معاه بالهدوء أشوي مع الشدة أحياناً عشان يستجيب أشوي قدرت أمسح على راسه وعلى ظهره بس مشكلة هالعصبية نفس ماذكرت بأول ردي

[..{ Ė๓ǻ]

حآول ترجعهآ من الاسآس مفروض مآتفصلهــم ,, ممكـن تجيه حآله نفسيــه !
الكآسكـو جدآ حسآس لازم تشتري ليه اي شي يونسه جب له العآب ونوع له بالاكل واهتم فيه والعب معآه كثير