أهل الخبره: ساعدوني بتحديد مرض الكاسكو (صوره)

[semsem700]

استاذي الغالي بروف
ايه الجوز يوكلون بعض وحاول يلقحها محاوله وحده فقط وبعدها ماكرر المحاوله
وصعب اصور الجوز لانه مجرد ما ادخل الغرفه يدخلون فالصنوق والصندوق صعب الفتح ..

انا خفت تكون بسبب الفيرتي والكالسيوم الي اعطيه لهم ..
انتظر ردك على احر من الجمررررررر وياليت تشرح لي اش معنى الانثى الي تكون فضلاتها بهالحاله ؟؟

[ProOoF]

المشاركة الأصلية كتبت بواسطة semsem700

استاذي الغالي بروف
ايه الجوز يوكلون بعض وحاول يلقحها محاوله وحده فقط وبعدها ماكرر المحاوله
وصعب اصور الجوز لانه مجرد ما ادخل الغرفه يدخلون فالصنوق والصندوق صعب الفتح ..

انا خفت تكون بسبب الفيرتي والكالسيوم الي اعطيه لهم ..
انتظر ردك على احر من الجمررررررر وياليت تشرح لي اش معنى الانثى الي تكون فضلاتها بهالحاله ؟؟

الله يبقيك يا خوي .. مافيه مشكله الحاله واضحه لكن حبيت أتأكد حتى أكون صوره واضحه

طيورك مافيها الا الـــعــــافـــيـه لا هي مريضه ولا فيها الا كل خير

الفيرتي والكالسيوم جميعها عباره عن محفزات و معززات فيتامينات و لا تسبب ذلك

مثل ما ذكرت لك هالحاله أن الأنثى جاهزه و الله أعلم بأن الذكر كان يلقح

ولا أنتبهت له , عادة ماقبل الإنتاج يكون فيه تحولات للأنثى للجهوزيه

مثل إنخفاض بطن الطير { المنطقه مابين الأرجل و الذيل } و تحول الفضلات لشبه السائل

بالإضافه بعض الحالات لرائحه غير جيده أعزك الله و القارئ

الحمدلله أنك لم تعطي إي دواء لأن الأدويه لها تأثير سلبي ع الأنثى و يؤثر ع عنقود البيض

لذلك تطمن بأذن الله و حاول تقلل الدخول لأني حسب مافهمت أن الزوج يتوتر بدخولك

حاول تريحه وتقلل الدخول قدر المستطاع

..........
تمنياتي لك بالتوفيق

[ابو عبدالله 1]

الصراحة انا مع الاخ prooof في كلامة

لان الاسهال اذا جاء للطير استحاله انه يتحرك داخل القفص بشكل ملحوظ

لاتتسرع وانطر احتمال تكون اعراض ما قبل الانتاج ..

والله أعلم

[تشآرلي]

بارك الله فيك اخوي بروف ...

واحب اظيف معلومه عن تجربه

مثل ماذكرت ان لون البراز ( اكرمكم الله تغير لونه والرائحه ) هذا حصل عندي قبل

الانثى تطرح البيض ب 8 ايام

اعطيهم جو الراحه اللازمه

وبالتوفيق

[semsem700]

بروف وابو عبدالله وتشارلي
الله يرييييييييحكم ويعطيكم ماتتمنون ماتدرون كيف كنت شايل الهم
عجزت احدد مرضهم !! كيف يلعبون ويتحركون وفنفس الوقت اسهال !!
شكرااااااا شكرااااااا شكرااا ويارب فعلا يكون فيه تلقيح

يوم الاربعاء يفترض اني اعطيهم الجرعه الثانيه الي بعد مرور 14 يوم حقت الديدان
اعطيهم ؟؟والا يأثر على الانثى ؟؟

[semsem700]

up
ياليت القى اجابه اخوي بروف او تشارلي
اعطيهم الجرعه الثانيه من دواء الديدان ؟؟؟ أو يأثر على الانثى

[تشآرلي]

[B]اخوي العزيز

بما ان طيورك لاتوجد فيها علامات المرض بالديدان

فلا داعي ان تكمل العلاج وخاصة الانثى بطور الانتاج

فهذا قد يأثر على تكوين البيض

تواصلت مع اخونا بروف بموضوعك كونه اكثر خبــره فمن الافضل لاتعطيهم العلاج

اهتم بالاكل المناسب والماء الصالح للشرب والمكان الهادي

وان شاء الله عما قريب تبشرنا بالانتاج

...

[semsem700]

جزااااك الله خيييييير ماقصرت انت وبروف
الله يبارك فيكم
اذا ماراح اعطيهم دواء الديدان .. السبب الي خلاني اعطيهم لان الذكر كان طول وقته ياكل ماشاء الله وماتجي كم ساعه الا والاكل مخلص
فشكيت فيه واعطيته الدواء
هو خف عن اول لكن الى الان اشوفه بالكاميرا طول الوقت واقف على صحن الاكل وياكل