زعلتوني

[القنبلة]

بصراحة ياجماعة أنا أول مرة ادخل المنتدى . وأنا زعلان بس مو منكم ..

أنا زعلان من نفسي لأني فرط في الكوكاتو حقي وكنت مسميه بشار وانتوا ذكرتوني فيه .
أو بالأصح انا ما نسيته ولكن كنت أحاول أتناسى ولكن اكذب على نفسي لو قلت ابنساه لأني تعلقت فيه وتعلق في لدرجة كبيره وكان كل ما ادخل البيت أو يشوفني يقوم يصيح ويبوس لي ويقول ( هات بوسه بوسه بوسه ) لدرجة انه كان يغار علي من زوجتي وأولادي وأكثر من مرة يعضهم ..
وهذا اللي خلاني أفرط فيه بالإضافة إن الجيران اشتكوا من صياحه وازعاجه لهم .. ويوم بعته كان متمسك في ومو راضي ينزل من على كتفي وكان يصيح لدرجة ان عيني دمعت ....
والله يصبرني على فراقه .

[القنبلة]

الظاهر ما في أحد يواسيني

[قناص]

أول شي وقبل كل شي وحتى قبل لا تزعل . . انقولك حياك الله عزيزي في منتدانا . .

ونتمنى ان يعجبك وان نستفيد من بعض ونتبادل الخبرات بيننا . .

وبالنسبة لزعلك . .
فأنا أقولك من حقك انك تزعل . . وبالذات ان الكوكاتو كان لك مثل الصديق . .
فسبحان الخالق الذي وهب الحيوانات والطيور تلك الفطنة التي تجعله يتعلق بصاحبه . .
وفعلا هناك الكثير من الناس لهم تعلق كبير مع الحيوان الذي يربيه سواء كان ببغاء أو قطة أو كلب أو اي نوع من الحيوانات . .

ولكن بالنهاية أقولك . . لاتندم على شي قد مضى وفكر بالمستقبل وماكو الا العافية . .

ومرة ثانية أقولك حياك الله عزيزي في منتدانا . .



وشاكر لك عزيزي . .

[هيبه اسد]

والله شيء محزن
وبعدين ليش بعته وانت متمسك فيه

[بوهزاع]

الله يعوضك بطير احسن منه وحياك الله بين اهلك وناسك

[بوفهد]

اولا حياك الله بمنتداك يا القنبله

وثانيا الله يعوضك باللي احسن وافضل منه

بالتوفيق ان شاء الله

[NONO]

حياك أخوي القنبله في منتداك
الصراحه قصه حزينه بس لو ان منك جان مابعته ببغائك نادر
على سالفه انه مزعج هو مزعج انا عندي منهم خمسه الله لايرويك كل واحد يصرخ في صوب
فقررت اني اكتم اصواتهم لما ابغي انام احطهم في القفص وغطيهم بلاحاف علشان يسكتون
لما احطهم برا في الحوش ازعجوا الجيران حطيتهم داخل وغطيتهم بالاحاف وقت النوم بس ماحاولت
اني أعطي حد لاننا أحنا عنا قانون في بيتنا اذا طائر دخل قفصنا مستحيل ابيعه، كثير من الاهل طلبوه منا
علشان يخففون الازعاج بس نو ثم لا لاني احس انهم ماراح يرتاحون عندهم اهم شي راحه الطيور
وان شاء الله ماكون ضايقتك ولا طولت عليك وشاكر لك على المشاركه في المنتدي.

[نيمو]

حصل خير وراح الطير
حصل خير وراح الطير
حصل خير وراح الطير
حصل خير وراح الطير
حصل خير وراح الطير
حصل خير وراح الطير
حصل خير وراح الطير

[القنبلة]

أخواني :

قناص

كوكاتو

بو هزاع

بو فهد

nono

نيمو

الله يعطيكم العافية .. وشاكر لكم مروركم وردودكم

وإن شاء الله راح استمر معكم في هذا المنتدى الرائع اللي يخدم جميع محبي الطيور برغم انشغالي بمنتيات أخرى ولكن راح أحاول أخصص جزء من وقتي لمنتداكم الجميل .

[هيبه اسد]

اختي نونو انتي عندك خمسه 5 طيور كوكاتو