تبغى تدلك قطك...؟؟ أجل تعال اتبع هالخطوات..!!

[Luis]

بسم الله الرحمن الرحيم

السلام عليكم ورحمة الله وبركاته...

كيفكم اخواني...شخباركم...

عاد لو بقولكم ماراح تصدقون...

هالموضوع ناوي احطه قبل رمضان..

ويوم شفت المسابقه الرمضانيه نويت احطه...

بس ماقدرت لأسباب...

واليوم أضعه بين أيديكم ليتسنى لكم الجلوس طويلاً

عند قططكم ومداعبتهم بالشكل الصحيح والمطلوب...

لكي يتم بالمقابل حبهم هم أيضاً لكم...واقبالهم عليكم

بكثرة لأجل المداعبه أو اللعب أو any theng else ..

نبدأ باللمسه الأولى كما أسميها...

وهي أن ترى قطتك بوضع مسترخي أو جالسه على جنب (زي ما أقول)

وهي بهذه الوضعيه...(أنظر الصورة)...





وبعد ذلك راح يتسرخي القط او القطه...(وتنسدح) مثل ما أقول

على جنبها كأنها بتنام...وبعدها ان العملية الولى نجحت...

بعدها نقول بتدليك الأذن والمسح عليها بخففففففففة....

بعدها القط خلااااااااص بيروح في سباااااات..ويدوووووخ...

انظر الصور الثانيه للتطبيق...





مع التدليك المستمر والكلام العاطفي الرقيق والحساس...

راح تلاقي القط يتمرقد عالأرض....بعدها مايقدر وأخيراً يستلقي بالوضعيه

اللي أنا أنجن عليها لما أشوف لويس يسوي لي اياها...

بعد كذا تقدر تمسح عليه بأطراف أصابعك برقه ونعوووومه...

وتحسسه انه ماله غيرك...>> شنو متزوج..؟؟

ماعلينا شوفو الصورة...








وهالطريقه نجحت معاي مع ذكرين...

اما بالنسبه لللإناث فما أدري...لأني كانت عندي وحده

وماكانت ميانه وياي...

فما تعطيني وجه اذا لمستها او جيت ادعبها...بل كانت ترد الإساءة مقابل

الحسنه جليلة الحيا...

لكن جربوا اذا كان عندكم اناث...ان شاء الله تفلح..

وهذي طريقه حلوة بعد تعلمتها من منتدى من المنتديات نسيته...

وهي للقطط الصغيره...وهي انك تحك راس القطه الصغيره من الخلف

وفوق الرقبه...بالأظافر طبعاً...لكن حك يسير مو تطلع منها الدم تنشبنا...

إليكم الصورة...



وآمل أن الموضوع بالأخير عجبكم وحاز على استحسانكم...

وهالموضوع من مجهودي الخاص وغير منقول...!!

والرسمات لكم عليها بس تفي بالغرض ولا...؟؟

ومثل مانتو عارفين انا مو دافينشي ولا بيكاسو...

ههههههه

وأي صورة مو واضحه قولو لي وانا ان شاء الله برسم أوضح منها اوكي...

والطرق الثلاث..(وإن كانت مشهورة) في بعض المنتديات...

إلا أني بيوم من الأيام كنت أدلك لويس وانا مادري جالس عالكمبيوتر واطالع تلفزيون

وفجأة طلع صوت لويس (ميييغغغااااااو) ولا اشوفه مستلقي على ظهره من الفرحه..

فديييييييييييييته والله...

ومن ذاك اليوم وانا ابغى اكتب هالموضوع..وكنت ناوي اوريكم الطريقه بصور لويس بس...

تجري الرياح بما لا تشتهي الـ ship



وآآآآآآآآآآآآآسف عالإطاله...وسلملم...

[قطقوطه]

موضوع رائع
الله يعطيك العافيه
ورسم حلوووووو

[Withered Rose]

ما شاء الله موضوع رووووووووووعهـ 100% ..
و الصور بعد ما شاء الله رسام وواضحة و الصورة الأخيرة كلا اسويها لقطوي الصغير و كان يحبها و الباقي القطاوة يحبونهم كلهم ..
مشكوووووووور و يعطيك العافية لويس ..

[^lucy^]

الموضوع وايد حلووووووووووووووووووووووووو

و الصور واظحه و عال العال
انا ادلك قطوتي جذي و هي انثى و تستانس عليها فديتها و الله (بوسي)

[passposse]

السلام عليكم ..

هلا اخوي luis مشكور ع الموضوع الانتيك ..

وايد حلو الله يعطيك العافيه اذا السالفه فيها ارقاد ع طول للقط ..

بيكون الحل للنواء اخر الليل الي يرفع الضغط خاصه اذا فيه شغل اليوم الثاني اعصابي تفلت
اصير مجرمه خخخخ ..

تحياتي والله يعطيك العافيه وتسلم ع الصور الي قمه في الروعه وإلي كانت بتكون رائعه مع صور لويس ..

[cute cat]

هلا اخوي
تامن بالله ان هالحركات اسويها مع قططي وانا مدري عنها
اول مره اقراها بس الواحد تطلع معه الحركه تلقائي بس لما تعجب
قططه ويحسه استمخ بيعيد فيها ويزيد
وشكرا علي الموضوع الرائع وتسلم اخوي

[بدر^الكويت]

الله يعطيج العافيه اختي لويس بصراحه شرح رائع جدا
تحياتي

[Luis]

مشكورين كلكم اخواني عالردود المشجعه...

وعسى ربي لايخليني منكم...

تحياتي للجميع,,

[Dominique]

لويس لويس ايه دا كلو ايه دا كلو ..


أهنيك الصراحة كفيت ووفيت ...


أنه شلون أدلك دومينيك..

وبهالحركات لاحظته انه حيل يسترخي ..

يكون الحبيب قاعد عادي على بطنه كأنه بيحل الواجب ومعطيني ذيله ويطالع تلفزيون معاي.. " لا ويندمج الأخ بعد " ..

أمسح على راسة حييييييييييييييييل وأضغط على عاموده الفقري نزولا إلى الذيل وما أعطيه مجال يتحرك يعني أكرر هالمسح وارا بعض بسرعة بسرعة ..

بعدين أنزل أذونه على جبهته " إذا عنده جبهة" وأحركهم بحركة دائرية كأني بحكهم بفروة الراس .. هني دومينيك يغرغر ويطلع أصوات غريبة عجيبة دليل الاسترخاء ويغمض عيونه ..

بعدين ب3 أصابع أمسك كتوفة وأحركهم بحركة دائرية نفس لما الانسان يسوي مساج للرقبة شلون

بعدين يسوي حركة غريبة .. لما أمسح على ظهره قريب أوصل للذيل يقوم يرفع مؤخرته ولما أمسك الذيل ينزلها

وكل مرة نفس الحركة وبس معاي آنه بالذات.. فقلت يمكن لأني الوحيدة اللي أسويله مساج



مشكوووور ويعطيك العافية



تحياتي

[Luis]

يا حبيبي والله يادومينيك...

بصراحه الطررق اللي قلتيها حلوووة وااايد...

والله يخلي لج دومينيك ياااارب..

تحياتي,,,