بلييييييز ردوو علي فديتكم "" مشاعده بسيطه وما ارح انساكم بالدعاء

[دلوعة الرياض]

هلا
جمعه مباركه اول شي
شخباركم
" ساعدوووني الله يوفقكم ما بنساكم بدعواتي::
يوم الاربعاء ., " قبل يومين " اشتريت دره مطوقه فرخ عمرها 25 يوم بحسب ما قدرته لها من خلال موضوع الدكتور احمد توفيق .,’ مراحل نمو الدره المطوقه

بس عندي خووف شديد لا افقدها وتموت علي

انا ما اعرف مواعيد الاكل

كل ما اشوفها تفتح منقارها وتبغا تاكل اعطيها خبز مغموس في الماي .,’

انا اعطيها اكل بيدي واهي تاكل .؟,’ وما تخاف الا نادرا بس لما يكون حواليها واجد اشخاص ,

اممم حطيتها في كرتون كبير وحطيت داخل الكرتون الكبير كرتون اصغر منه مفتوح مثل المغاره عشان تنام فيه .؟,

عندي اسئله :

كم وجبه اعطيها باليوم ؟. ؟ انا احس نفسي واجد عطيتها اكل اليوم

كيف اقدر احافظ عليها علشان ما تموت ؟ واش هي الاسباب اللي تومتها طبعا الموت بيد الله .,؟؟


فأي عمر راح تتكلم؟ يعني لما تكمل شهرين راح تتكلم ؟؟

إهي نشيطه وحبوبه وكله تصفرر ..,؟


ومشكووورين وادعوووولي انها تعيش معي وتكبر معي ارجووكم ادعولي لانه وايد متعلقه فيها

[دلوعة الرياض]

بلبيز بليز بليز ابي احوبه للمشرفين والدكاتره

[مجنون فلته]

السلام عليكم

اختي انا لادكتور ولا مشرف ولكني مجرب وعندي دره عمرها تقريبا 30 يوم

اختي اخذي لك سريلاك مال الأطفال واخلطيه بالماء بس لاتخلين ماي كثير او سريلاك كثير خليهم بالتساوي

على شان الفرخ ياكله واخذي لك ابره على شان تأكلينه واذا اكلتيه لاتعطينه اكل كثير راح تشوفين في صدره اصفرار واهي المعده عندما تمتلى من الأكل

واعطيه يوميا الوجبه بالصباح والظهر والعشاء ونظفي منقاره بعد الأكل عن فضلات الأكل واطيه ماء قليل بعد الأكل

ولاتخلين المعده تنتفخ على الأخر لأن اول بداياته راح ياكل شوي شوي وبعد اسبوع راح تشوفينه ياكل بشراهه

وان شاء الله بيعيش اذا طبقتين هالشي

والأفضل انك تغطين الكارتون بقطعة قماش ولاتقربينه من المكيف خليه بعيد شوي

ولاتطلعينه بالهواء ولاعبي الطير

وسمي الطير اي اسم مثلا الدره الي عندي سميتها خضرا انتي دوري لك اسم وسميها على شان اذا بتبتدي بالكلام تبتدي بأسمها

اتمنى اني افدتك

[عالم الامارات]

انا بعد عندي دره شريتها ما عندها ولا ريش الحين ما شالله كبرت شوي يعني كملت شهرر تقريبا او شهر وشوي ظهر لها ريش بس بعدها تاكل بالابره
اعطيها يوم كانت ما عندها ريش 4 مرات طبعا فترات متاخر مو كل ساعتين على اقب يطوف اربع ساعات او 5 ساعات لان اكل وايد يضرها

الحين لما كبرت شهر اعطيها 3 مرات في اليوم

انتي حاولي تعطينها الابره من ناحية اليمين لان لو عطيتيها ناحية اليسار يمكن تختنق في بعض المواقع عندنااا صور توضح طريقة اكل كيف دوري في قوقل ان شالله تحصلي

كل ما تعطينها اكل انتي حاولي تكلمينهااااا تنادينها باسمهااا او تقولي صباح الخير كم مره

حاولي دوم تحطي يدك في فمهاا عشان تلعب بيدك ما تعرف يدك ما تعضك لما تكبر كمان خلي اخواتك واي احد يلعب معاها عشان تتعود عليهم ما تعضهم لما تكبر

هذا اللي اعرفه

وشكرا

[hazzz]

هلا دلوعة

مبروك علي فرخ الدرة وانشاء الله يكبر وتتهني فيه

انا عندي الحين زوج درة فروخ نفس العمر تبع الدرة حقك وتستطعين رؤية صورتهم بالمنتدي تحت

عنوان صور ببغاوات الاعضاء

عن تجربة فقد بديت اوكلهم السيريلاك منذ عدة ايام عن طريق السرنجة ولكن بعد يومين بديت

اعطيهم السيريلاك عن طريق ملعقة صغيرة اضعها امام افواههم حين مايكونوا جوعي وفاتحين

فمهم وايضا اعطيهم بجانب السيريلاك الخبز الصامولي المغموس بالماء بيدي الي فمهم مباشرة

والحمد لله بصحة جيدة . اما عن عدد مرات التغذية فهي حسب الطلب بمعني عندما تفرغ

الحوصلة تبعهم وقبل النوم طبعا وعند الاستيقاظ اي حوالي 4 مرات يوميا

ولكن الاهم هو الدفء ومنادتهم باستمرار باسم ليعرفوك عن طريقه

والله يوفقك

[دلوعة الرياض]

مشكورين والله فرحتووني بمساعدتكم .,.’


انا راح اشتري لها السيلاك .,

اليوم طحنت لها ارز مع زبادي في الخلاط واكلتها اياه

كثير حبته .,’


واهي صايره متعلقه فيني .,
من تسمع صوتي تقوم تصارخ واذا وصلت عندها تسكت وتشوف عليه


مشكورين اخواني ., وانا لو عندي اسئله ثانيه راح اسالكم ما تقصروو فديتكم .,

انشالله بصورها قريب وبرويكم صورها .,

[دلوعة الرياض]

مشكورين والله فرحتووني بمساعدتكم .,.’


انا راح اشتري لها السيلاك .,

اليوم طحنت لها ارز مع زبادي في الخلاط واكلتها اياه

كثير حبته .,’


واهي صايره متعلقه فيني .,
من تسمع صوتي تقوم تصارخ واذا وصلت عندها تسكت وتشوف عليه


مشكورين اخواني ., وانا لو عندي اسئله ثانيه راح اسالكم ما تقصروو فديتكم .,

انشالله بصورها قريب وبرويكم صورها .,


بس الفروخ اللي عندكم تكلمت ؟.؟

يعني من اي عمر راح تتعلم الكلام ؟؟,.

[عالم الامارات]

انا بغبغائي لسه ما تكلمت بشكل واضخ بس لما اناديها باسمها كوكي تصارخ زي نغمة اسمها كأنها تقول اسمها ما شالله وتبارك الله