السلام عليكم ورحمة الله وبركاته
انا لقيت قط شيراز بالشارع وهو صغير بالسن يعنى حوالى من 3 الى اربع شهور تقريبا
بس لما لقيته كان متبهدل وكان عامل براز رائحته كريهة جدا وكان لاصق فى فروه من عند ديله ومنطقة فتحة الشرج المهم انا حميته وطهرته ونشفته بالسيشوار وانا بنشفه لقيت عنده التهاب فى مكان بطنه كده وديله وعند فتحة الشرج يعنى انا قلت يمكن ده من البراز اللى كان فيه
المهم مشكلتى دلوقت ان القط ده رافض الاكل نهائى والبول بتاعه بيبقى غامق شوية انا قلت يمكن عشان ما بيشربش مياه ولقيت كمان البراز بتاعه اسهال ولونه بنى غامق ورائحته كريهة جدا
المهم انا اديته مطهر معوى واديته فاتح للشهية اسمه ديجيستين وبرضه مافيش فايدة قلت انا ااكله بالعافية سلقتله بطاطس وهرستها بالشربة واكلتهاله بالسرنجة بس النهارده بقى مش راضى ياكل خالص حتى بالسرنجة وعمل حمام تانى رائحته كريهة ومش بيقدر ينظف نفسه وده بيسببله التهاب
لو سمحتوا قولولى اعمل ايه معاه انا حزينة وانا شايفاه بيموت بالبطىء قدامى ومش عارفة اعمله حاجة والدكاترة اللى هنا مش كويسين وبدل ما يعالجوا القطط ياخدوا فلوس كتير وفى الاخر يموتوا القطط يعنى ما بيفهموش حاجة
قولولى اعمل ايه وشكرا لكم مقدما