اشترك في نشرتنا البريدية ليصلك كل جديد

بادجي 2009 · 22-10-2011, 02:06 PM

السلام عليكم ورحمه الله وبركاته

حبايبي جعل مثواكم الجنه عندي اسئله وياليت تتكرمون في مساعدتي فيها عن الدره ؟

1/ ايهما افضل في الكلام الدره النبياليه او الهنديه ؟؟

2/ هل الدرر بصفتها متكلمه يعني تتكلم كلها والا في انواع ما تتكلم وايها افضل في الكلام

؟؟

3/ يا اخوان احنا نعرف الكاسكو متكلم سواء دربته اولا ؟؟

هل الدره متكلم بطبيعته ؟؟ او لازم تدربه ؟؟؟وما هو السن الي تكلم فيه الدره

5/ طريقه تحديد عمر الدره ؟؟

انا راح اشتري فر خ باذنه تعاالى وانا ساكن بمنطقه بارده ممكن نصايحكم ؟؟

الله يوفقكم وييسر امركم ويجعل مثواكم ومثوانا الجنه

بادجي 2009 · 22-10-2011, 08:55 PM

احم احم ؟؟

سبحان الله وبحمده

~~مس^^مس~~ · 22-10-2011, 10:13 PM

يقولو الدره النيباليه افضل ف الكلام ..

بس انا شفت ف اليوتوب حتى الدره الهنديه تتكلم ..

طبعا هذا لو دربتها من وهي صغيره .. يعني لو جبتها فرخ افضل ف التدريب والتلقين ..

من ناحية عمر الدره .. اللي اعرفه .. الذكر من سبع شهور يبان طوق ع الرقبه هذا بالنسبه للهنديه ..

اما النيباليه ماقد ربيتها .. ف مااعرف عنها شي ..

طبعا تدفيه .. لازززم وابعد عنه تيارات الهوا والفرخ يتأثر اكثر طبعا من الطيور الكبيره ف يحتاج اهتمام اكثر ..

وبالتوفيق ..

~~طلع لي قرون~~ · 22-10-2011, 10:13 PM

اصبر وبتلقى الاجوبه ان شاء الله ..

وحسب ما قريت ان الدره النيباليه هي افضل دره متكلمه ..

والله اعلم ..

مس مس .. سيم سيم .. معلومه ..

NohaAbL · 23-10-2011, 10:18 AM

1/ ايهما افضل في الكلام الدره النبياليه او الهنديه ؟؟
مابعرف مين افضل بس بالهندية مرات يكون في بعضهم ممتاز بالكلام

2/ هل الدرر بصفتها متكلمه يعني تتكلم كلها والا في انواع ما تتكلم وايها افضل في الكلام

؟؟اظن تتكلم كلها

3/ يا اخوان احنا نعرف الكاسكو متكلم سواء دربته اولا ؟؟
لأ لازم تدربه
هل الدره متكلم بطبيعته ؟؟ او لازم تدربه ؟؟؟وما هو السن الي تكلم فيه الدره

تالتدريب بعد سن 5 شهور من بعد تعليمك اله بيتكلم بإذن الله

5/ طريقه تحديد عمر الدره ؟؟الدرة تحت 18 شهر ما بتقدر تحدد ذكر او انثى اما بعد ال 18 شهر الذكر بيبدأ يظهر عنده طوق اما الانثى لاء و كيف تفرق بين درة انثى بالغة و درة اصغر من 18 شهر الانثى البالغة بيكون لون منقارها احمر غامق و عليه اسود اما الذكر احمر صافي

انا راح اشتري فر خ باذنه تعاالى وانا ساكن بمنطقه بارده ممكن نصايحكم ؟؟
احرص على التدفئة و هي الاهم لأن ممكن شوية برد تأثر عليه

امطرت؟ · 23-10-2011, 07:16 PM

احرص على التدفئة أنا كان عندي فرخ أفريقي ومات من البرد وانا كنت مفصله شراع دافي

kha6ab · 23-10-2011, 07:57 PM

اقتباس:

1/ ايهما افضل في الكلام الدره النبياليه او الهنديه ؟؟

الدرهـ النيباليه أفضل وصوته اوضح ..

اقتباس:

2/ هل الدرر بصفتها متكلمه يعني تتكلم كلها والا في انواع ما تتكلم وايها افضل في الكلام

نعم كل الانواع تتكلم ..
بس انا اوريك الفرق بينهم

النيبالي .. صوته واضح ويحفظ اسرع وحجمــه اكبــر ... بس هو هادي يعني مايسوي حركات بهلوانيه P:

الهنديـه .. يتكلم لكــن يحتاج وقـــت طويل عشان ينطق وصوتــه مو واضح
.. بس ميزه الهندي .. انه حق رقص وحركات بهلوانيه [:

اقتباس:

3/ يا اخوان احنا نعرف الكاسكو متكلم سواء دربته اولا ؟؟

لازم تكرر عليه الكلمــه عشان يحفظها وينطقها ... لكــن يعتبر الكاسكو من افضل الببغاوات المتكلمه

اقتباس:

هل الدره متكلم بطبيعته ؟؟ او لازم تدربه ؟؟؟وما هو السن الي تكلم فيه الدره

حبيبي .. مافي ببغاء بالعالم .. يردد لك الكلمــه من مرهـ وحدهـ ..
لازم تلقنــه بنفسك ولا ماراح تسمع منه غير الصياح

اقتباس:

5/ طريقه تحديد عمر الدره ؟؟

الفرخ يكون منقارهـ احمر .. مافيه سواد
اذا كبر شوي يعني صار عمرهـ 5 - 10 اشهر.. يبدا المنقار السفلي يصير لونه اسود

واذا بلغ .. يطلعله طوق برقبته ( اذا كان ذكر )
اما الانثــى ماتطلعلها طوق ..

اقتباس:

انا راح اشتري فر خ باذنه تعاالى وانا ساكن بمنطقه بارده ممكن نصايحكم ؟؟

اذا ماكان في مكان دافئ ... ما انصحك تشتري فرخ..

خذلك واحد أليف ويكون توهـ مفطوم ..
واهم شي بعدهـ عن الاماكن الباردهـ

هآوي الدرة · 23-10-2011, 08:34 PM

فآدوك الأخوان ما قصروا..
بخصوص انك تاخذ فرخ هو احسن طبعا بس الحين تقريبا بداية موسم شتاء
يمكن يتحمل ويمكن لا
أنصحك تاخذ الييف لا تاخذ طير غشيم لانه بيتعبك
تقبل مروري ^_^