رقود الدجاج

[حي ومانسيت]

السلام عليكم اخواني عندي دجاجه عمرها 6 شهور تقريبا
وباضت اربع بيضات وماترقد عليهم واجد والبيض صغير حجمه
مثل بيض الحمام ليه وكيف اعرف البيض اللي فيه صوص ولا الي مافية
وانا الحين مجمع لبيض بالثلاجه يموت الصوص و لا لا
لان سألت واحد قال حطها بالثلاجه واذا طلعت صوت غريب
يعني تبي ترقد عليهم صح هاذي المعلومه ولا لا

[صمت الأمل]

وعليكم السلام ورحمة اللهـ وبركاتهـ .


أهلا وسهلا فيكـ .

عندي دجاجه عمرها 6 شهور تقريبا
وباضت اربع بيضات والبيض صغير حجمه
مثل بيض الحمام ليه

ألف مبروكـ على البيض ,, وحجمها الصغير جدا طبيعي لأنها أول مرهـ تبيض .


بعد كم من اسبوع راح يكبر حجم بيضاتها أكثر .

وماترقد عليهم واجد

في العادهـ الدجاج اللي أول مرهـ يبيض مايرقد على البيض ,, ان شاء اللهـ لاصار عمرها سنهـ أو سنهـ ونصف احتمال رجنها يكون أعلى .

وكيف اعرف البيض اللي فيه صوص ولا الي مافية

انت عندكـ ديكـ مع الدجاجهـ ؟؟ اذا ماعندكـ فالبيض غير ملقح وماراح يفقس اذا أرجنت عليهـ الدجاجهـ .

وانا الحين مجمع لبيض بالثلاجه يموت الصوص و لا لا

اقرأ هالموضوع :


هنــــا

لان سألت واحد قال حطها بالثلاجه واذا طلعت صوت غريب
يعني تبي ترقد عليهم صح هاذي المعلومه ولا لا

اللي أنت سألتهـ يقصد انكـ اذا اخذت البيض من الدجاجهـ راح تنقركـ أو تنفش ريشها عليكـ (( اذا كانت تبي ترجن ))


لكن أنت أخذت البيض من الدجاجهـ وماكان عندها مانع أو نفشت ريشها .. صح ؟؟


يعني ماتبي ترجن .


الحين استفيدو من البيض واكلوهـ بالعافيهـ ولاتشيل هم الرجن .


ان شاء اللهـ اذا هي قررت ترجن اتركـ البيض عندها .


واذا تبي تسوي لها بيض مزيف عشان تظن انكـ ما اخذت بيضها شوف هالموضوع :


هـــنا .


سوي لها كم من بيضهـ ,, واتركهـ في عش عندها ..


ومتى ماقررت ترجن على هالبيض المزيف تقدر تبدلهـ ببيض مخصب .


بالتوفيق .

[حي ومانسيت]

ايه انا عندي ديك والديك هو اللي شافني وانا اخذ البيض نط علي والدجاجه كانت برا العش ماتدري

[حي ومانسيت]

ماعندكم ردود زياده لان البيض صار له من يوم الاحد بالثلاجه وامس واليومجابت بيضتين كانت راكه عليهم بس اخوي الله يهديه اخذهم وحطهم بالثلاجه
وهم 6 بيضات يقول اذا صارو 8 بيخليهم وانا اقوله تكفى رجعهم مايبي والدجاجه اول مرة تبيض يبيها تبيض 8
وهل تبيض 8 بيضات اول مره

[صمت الأمل]

المشاركة الأصلية كتبت بواسطة حي ومانسيت

ايه انا عندي ديك والديك هو اللي شافني وانا اخذ البيض نط علي والدجاجه كانت برا العش ماتدري

لاعادي أخوي ماعليكـ من تصرف الديكـ .


هو هاجمكـ لأنهـ يعتقد انكـ تبي تهاجم الدجاج فقط لاغير .

[صمت الأمل]

المشاركة الأصلية كتبت بواسطة حي ومانسيت

ماعندكم ردود زياده لان البيض صار له من يوم الاحد بالثلاجه وامس واليومجابت بيضتين كانت راكه عليهم بس اخوي الله يهديه اخذهم وحطهم بالثلاجه
وهم 6 بيضات يقول اذا صارو 8 بيخليهم وانا اقوله تكفى رجعهم مايبي والدجاجه اول مرة تبيض يبيها تبيض 8
وهل تبيض 8 بيضات اول مره

معليش بس مافهمت عن ايش تسأل ؟؟


اخوكـ الملقوف قل لهـ يتركـ البيض للدجاجهـ عشان تتشجع (( ويمكن )) ترجن عليهـ .


أو أحسن حل انكـ تسوي بيض مزيف كثير ,, وان شاء اللهـ يعجبها وترجن عليهـ .


وتقدر تبدلهـ بعدين بالبيض الطبيعي .


شوف هالرابط :


هــــنا .


على فكرهـ ,, انتبهـ ترجع البيض تحت الدجاجهـ (( اذا ارجنت )) وهو بارد .. لازم تتركهـ يدفأ بالغرفة ساعتين أو ثلاث .


لأنكـ لو أضفتهـ تحتها وهو بارد راح تقوم فورا من حالة الرجن وتتركهـ .


وبالنسبهـ لإنتاج الدجاج اذا بلغ راح يبيض بإذن اللهـ ويستمر بالتبييض لين يصير عمرهـ 4 _ 6 سنوات ,, بعدها ينقطع .


بالتوفيق .

[حي ومانسيت]

اها مشكوووووووووووروة اختي صمت الامل كفيتي ووفيتي

[صمت الأمل]

المشاركة الأصلية كتبت بواسطة حي ومانسيت

اها مشكوووووووووووروة اختي صمت الامل كفيتي ووفيتي

العفو اخوي ,,


وعذرا أنا كنت أمزح معكـ لما قلت :

اخوكـ الملقوف قل لهـ يتركـ البيض للدجاجهـ عشان تتشجع (( ويمكن )) ترجن عليهـ

[B]لأنهـ ذكرني باخواني الملاقيف اذا دخلو عند الدجاج وياخذون بيضهم .


مشكلتهم ياخذونهـ وينكسر من يديهم ,, فأنقهر منهم .


اي سؤال آخر تفضل بطرحهـ ,, وان شاء اللهـ تبشرنا برجن دجاجكـ .