قطي الجديد شاك انه فيه جني بسبب تصرفاته الغريبه

[عبدالله.q8]

السلام عليكم

شلونكم شخباركم. اعضاء ومشرفين المنتدى

بدخل بالموضوع

شريت قط ذكر وماله يومين ونص عندي

اول شغله محتل غرفتي ومسبب لي رعب من جد اول مره أخاف لهدرجه

نظام غرفتي تلفزيون بالجدامه وقدامه كنبه ووراه سرير هو محتل زاويه

الغرفه جهه التلفزيون اي احد يقرب له يفح ويبرز انيابه شوي ويهجم

ثاني شغله وقت ما انام اطفي النور واسكر الباب يبداء شغل الرعب يجي على السرير وينام اسمع صوت شخير نفس صوت العصافير افز على طول واشغل النور عاد شكل عيونه تخرع وهو يطالعني

واخر شي اذا حاولت اطلعه امسك عصا او احذف عليه شغله لي يطلع حتى ياكل او يشرب على طول يركض الى صحن الاكل والشرب لكن يشم الاكل ويسوي روحه قاعد ياكل ويتصنم ليمن اروح عاد يرجع الغرفه

[سعود السيف]

وعليكم السلام ورحمة الله وبركاته
هَــْـِْـْْـِلاّ فْيَگ ونورت المنتدى ،،،
بالنسبه للقط له جني فِيَھ ولا هم يحزنون السالفه ومافيها انه جديد على البيئة اللي هو فيها واكيد مختلفه عن اللي كان فيها اتوقع انه عمره صغير وكل شي بالنسبه له يعتبر تهديد او خطر انتظر عليه لين يتعود عليكم وعلى الوضع الجديد اللي فِيَھ وتصرفاته طبيعية مرا بس انت مكبر الموضوع بالنسبة للاكل وش تعطيه وكم عمره ،،،،

[Octopus]

الحمد لله نحن بخير
بالنسبة لي الصوت الذي يطلع ف طبيعي هل تعلم اخوي عبد الله ان القطط والكلاب وجميع الحيوانات تحلم وقت نومها

[hasenah11]

السلام عليكم
انا جديده في المنتدى . وماعندي خبره كبيره مثل الاعضاء .
بس ضحكتني ههههههههههههههه
القط ماله الا يومين يا حرام عشان كذا ماخذ زاويه وخايف .
انت جبله مخده او فراش له عشان يعرف مكان جلسته.
وحاول لما ياكل تبدا تتكلم وتمسح عليه وتهديه عشان يتعرف عليك .
الله معك