ببغاء فرخ جديد براز شفاف

[VonNDeR]

السلام عليكم ورحمة الله وبركاته

اخواني كيفكم طيبين

انا توي شاري فرخ هولندي عمره يمكن تعدى 8 شهور فكت للرمادي الفاتح

الببغاء اشتريته ياكل من يدي فقط مو من الصحن الا قليل يعني لازم ااكله انا

المهم الببغاء من اخذته تمام ومعاي بالسيارة يتحرك في الشبك ووضعه تمام

برازه كان تممام

تفاجات الليل براز شفاف جدا

وش السبب

وماودي اخسره لانه محجل وهولندي واخذته بسعر حار

[VonNDeR]

وللحين يتحرك في الشبك بس مايصفر ولا شيء

وحركته طبيعيه يعني مالاحظت عليه اي خمول الحمدلله

[Zezooooo]

اخوي الله يحفظلك طيرك
اتوقع انها بداية اسهال
والعلم عند الله

[بلاك بيري]

مافي شيء انشاءالله لكن يكون الماء الي شربه الطير كميته كثيرة وظهر البراز بهذا اللون

مافي مشكله ان استمرت معاه لبكرة تواصل معانا ومالك لا طيب

تحياتي

[monybat]

اخوي اذا البراز شفاف سائل مثل الماي بدون ابيض او اخضر عادي لسه ما تعود عليك ولسه ايضا خايف رهبة المكان تابع لبكره وابعد عنه الفواكه والخضره اعطيه بذر فقط لكي تقدر تحكم للان الاكل يؤثر على الخروج اعطيه فرصه ياخد عالمكان وعليك وراح تلاقيه يصفر وكل شئ دفيه بليل وغطيه ابعده عن تيارات الهوا
وبالتوفيق

[VonNDeR]

طلعته من القفص وخليته عالاستاند بس لان ريشه مو مقصوص خايف انو يهجرني لانو كل مايطلع على يدي يحاول يهرب

وبعلمك وش يصير اول باول باذن الله

[بلاك بيري]

على خير انشاء الله
وترى يا اخواني الاسهال في الطير موب من اول مرة يشخص لازم على الاقل 3 مرات لبراز ماهو طبيعي نبدا نقول اسهال مع توفر عوامل حدوثه كاكل فاسد او تيار هوائي
ولا تنسوا ان الطير فتحه بوله وبرازه واحده ولاتنسوا ان الجو ما يساعد الطير على فقدان السوائل بالتلي مالها مخرج الا مع البراز فليس كل ماهو سائل اسهال لكن كل اسهال يكون سائل

تحياتي

[VonNDeR]

نفس المشكله اخوان لاكن بزياده في البراز مع شويه بياض مع العلم انه الحين نام مادري خمول ولا عشان الليل

[بلاك بيري]

لا تقلق بكرة راقبه وان استمر نجيبله علاج اسمه باي تريل يوضع بالماء لمده خمسه ايام

انا اقول ان طيرك طبيعي وانشاءالله مافيه الا العافيه ونومه لانه ليل فقط لا غير

[Zezooooo]

اخوي بلاك بيري انا مقدر وشاكر لكل جهودك بس عندي مداخله بسيطه
ان كنت تقصدني بتلميحاتك فانا ما قلت اسهال على عماها او رميتها كلمه
الله يسلمك عندنا من العلم مايكفي ولو كان لا يضاهي العلم ال عندك
بس انا شخص عندي خلفيه عن الطيور
اخوي الله يحفظلك طيرك ويطلع كلام بلاك بيري صح وانا غلطان المهم صحة الطير
بالتوفيق