فرخ حمام ..

[سويت هارت]

هذا فرخ حمام ما اعرف عمره بالضبط ..

لقاه ولد اخوي الصغير بيد صغار خذاه منهم وجابه لي ..

قال انهم كانوا يحذفونه فوق ويطيح على الارض ..

قال لي أكليه ..

صحيح انا عندي خبره بتأكيل فروخ الطيور ..


لكن الحمام لا ..

فياليت الكل يفيدني أيش ممكن اعطيه ..

لأنه حاليا انا اعطيه رز مسلوق و سيريلاك ....


وإلي يقدر يحدد لي نوعه عشان مستقبلا اجيب له رفيق ..

[الجاكوبين]

لالا وين سيرريلاك يابوو

عطه حب حمام العادي ويمكن تعطيك رز عادي ولاكن مضر بالحمام حط له حب حمام وشف اذا كل كويس اما اذا ماكل فمازال الفرخ صغير بس اتوقع انه ياكل لحاله

[yazeed-002]

توه صغير ماياكل لحاله

[سويت هارت]

ما ياكل لوحده ..

لو ياكل ما سألت ..

وانا مالي خبره في تربيتهم ..

وحاليا له اسبوع عندي وياكل هالامرين سيريلاك و رز مسلوق ..

حاولت اطحن له حبوب الشعير و اعطيه ..


لكن اتمنى تفيدوني أكثر ..

[سويت هارت]

مافي حد عنده خبره ..؟؟؟

معقوله ؟؟

[الجاكوبين]

اخوي اذا ياكل رز مسلوق اكيد ياكل حب الحمام وفيهخ حبوب صغيره مثل حبوب الدخن و الذره البيضاء يالغالي رح اقرب طاحونه وقله ابغا دخن او حبوب ذرة بيضاء وبس والدخن لونه اخضر صغير اكيد 100000% ياأكله


انتظر ردك

[نوافـ الشمريـ]

اختي عطية زبادي بس لا تكثرين لو انه ماياكل الزبادي مفيد له الطريقة تحطين الزبادي بابرة كبيرة وتعطينها الفرخ وتستمرين كذا لين ما تشوفينة بدا ياكل

[سويت هارت]

انا حاليا أأكل الفرخ بأبره ..

و أعطيه رز مسلوق ..

و سيريلاك ..

والفرخ ما ياكل لوحده ..


طيب كم مره اعطيه زباااادي ..

[صمت الأمل]

والله كان بأقول لك أكليه بالإبرة ..



والله يعينك لأنه يصييييح ويهز جنحاااانه بقوة في هالعمر ..



والأكل أكليه لين يقول بس خلاص ماااابي ..!!



لأنهم بسرررعه يهضمون الأكل .. وكلما كان الأكل متوفر أكثر كلما كبر أسرع ..



وهو مايطير .. بس يرفرف بقوة شوي ..



والأكل أنا كنت أخلط في صحن صغير كل شيء (( رز _ شعيرية مسلوقه _ خضار مقطع صغااااار _ شوي لحم دجاج _ شوي ماء وشوي حب عادي )) ثم أحطه في الإبرة وأعطيهـ , يعني أي شيء عادي يمشيهـ .. وأحيانا خبز مع ماء بس ..



أنا ربيت لي حمامه (( بسباس )) بس موب بهالعمر .. أصغر جدا وريشه كان توه يطلع ...



لأن أهلة تركوا العش .. ما أدري ليش .. يمكن أحد صادهم ..



واللهـ تربيته كانت ممتعه جدا .. لأنه صار يعرفني .. وأحلى شيء لا طار على يدي ويوقف على كتفي ..



ويحب يوقف على الراس بعد .. وأنتج لي يمكن 15 مرة ,



بس للأسف .. قتلته أختي الصغيرة بالخطأ ..



بس واضح ما شاء اللهـ دبرتي نفسك .. خخخ .



واللهـ يعطيك ألف عافيهـ على الإجتهاد فيهـ وأبشري باذن الله بالأجر على هالكبد الرطبة ..



تحياتي لك ..

[نوافـ الشمريـ]

انا حاليا أأكل الفرخ بأبره ..

و أعطيه رز مسلوق ..

و سيريلاك ..

والفرخ ما ياكل لوحده ..


طيب كم مره اعطيه زباااادي ..

حلو نظامك

اما عن كم مرة شوفي مرة حطي له رز ومرة زبادي ومرة سيرلاك ترا السيرلاك كويس له مو مضر

وعن النوع ياليت تصورينة صور واضحة وان شاء الله راح افيدك