مساعدة ضروري للبوا

[النمر الأبيض]

مشكوورين شباب والله يعطيكم ألف عافية
انا حاطها بحوض الآن مقاسه تقريبا 80 *40*40
ودرجة الحرارة ما بين 27 الى 32
وحاط لها طاسة كبيرة فيها موية يمديها تسبح فيها
ومركب لمبة
لكن المشكلة انها تتردد وتخاف تهجم على الفار وش الحل مع الخوف هذا؟

[بسبوسه22]

فار تربي فار يلهوي

وععع الفار قذر وينقل الامرا وريحته قذره والسلحفاة اهون منه بشوي يعني شيل الفار عنها

[|| PyTHoN ||]

^

ما قال انه يربي فار -_- !
يبي يوكل البوا و أكلها فيران -_-"

اممم زين جرب تعطيها حالياً فيران صغار حيل و انت البس
اي شي دس مثلاً و مسكه و حركه جدامها و اهو حي
راح تبدي تعضض وايد لين تعضه و تلف عليه

جرب و شوف شنو يصير معاك ^^

[النمر الأبيض]

هي الآن أكلت والحمد لله
لكن أنا مشكلتي مش انها ما تاكل نهائيا
هي تخاف من الفيران وتقعد فترة طويلة على ما تهجم على الفار
أنا أبي حل مع الخوف هذا

[|| PyTHoN ||]

الفار كبير عليها ؟

مرات لما تشوف شي كبير تخاف منه ولو انها تقدر تاكله أصلاً
بس لو كان حجمه صغير و هم تخاف ، معناه اهي من نفسها
خايفه مو بس من الفار

تشيلها وايد انت او تتحرك وايد جدامها او مو مرتاحه بالحوض شي
جذي و لو كان هم لا ، مافي الا انه شهيتها مو مفتوحه حيل يعني
ما تبي تاكل لكن لما الفار يكون مصر انه يروح ما تسوي الا شي واحد
ولي اهو انها تهاجم و تلف بعدها تاكل ما راح تخليه ^^

اتمنى افدتك بشي

[النمر الأبيض]

اذا شهيتها مو مفتوحة للاكل ليش توها هالفترة هذي
من قبل كانت شهيتها مفتوحة على طول تاكل ما تقول شي
لكن كذا مرة يطيح الفار عليها او يمسك راسها بعض الاحيان اذا قربت منه كثير ومنها صارت تخاف
والحل معاها

[|| PyTHoN ||]

تغير معاها شي ؟ درجة الحراره او ديكورات الحوض
او الحوض بكبره ؟

عالعموم انت خلك شوي شوي وكلها من إيدك يعني خلك
ماسك الفار او أياً كان بإيدك و اهي تعضه و تلف عليه إلين
يتحسن وضعها ،،

و حاول هالفتره تاخذ هامسترات بدال الفيران ، الهامسترات
ما يعضون كثر الفيران ولا يركضون حيل ولا شي و انشالله
تتحسن معاك ^^

[jassim99]

مثل ماقالك بايثون صغر لها الوجبه و يفظل تكون ميته

واذا عندك فيتامينات الي على شكل بودر حطلها عالفار تراهي ممتازه وانا شخصيا استخدمها وتفتح الشهيه (اذا ماحصلت مو ضروري )

استمر على وجبات اصغر لمده فتره بعدين ارجع كبر الوجبه وان شاءالله بتلاقي تحسن

يمكن انت معطيها فار كبير وعلى قولتك مسك راسها وبدت تخاف وتتردد بالهجوم

[النمر الأبيض]

مشكوووووووووريييين شباب والله يعطيكم العافية
البوا رجعت تاكل والحمد لله لكن بعدها بخوفها يعني باي وقت ترجع تصوم ثانية
وتتردد كثييير قبل لا تهجم على الفار

[fa660m]

احيانا مع تغيير الجلد يكون القشره اللي على العين تتقشر كمان فبذلك ما يقدر الثعبان يشوف او يدافع عن نفسه وهو يشوف بالحراره فاتوقع اذا حس بحركة الفار ما يدري هل هو فار صغير او حيوان كبير << والله اعلم ترا ما عندي خبره بس تخمين