ممكن شرح طريقة تعليم الكاسكو النوم على ظهره

[بوشما]

السلام عليكم ورحمة الله وبركاته

اخواني انا لدي كاسكو العمر تقريبا سنه وشوي يمكن سنة و شهرين المهم الكاسكو انا مربيه

من عمره مايقارب 5 اشهر والطير الحمدلله اليف ولا يعض ويتكلم والحمدلله

ولكن اعاني من طريقة تعليم الطير النوم على ظهره

بحثت في اليوتيوب عن عدة مقاطع ولكن للاسف حاولت كذا مره ولكن الطير مايرضى اني انيمه على

ظهره ويخاف لما احاول اعمل له ها الطريقه يحاول يعضني طبعا يخوفني ولكن مب عض

وبيني وبينكم شكلي لو زودتها معاه بيعضني

لو في طريقه مضمونه و مجربه للعلم انا جدا صبور مع الطير واحاول بدون يأس


والسوال الثاني كم يستغرق نمو جناح الكاسكو بعد قصه

وشكرا

[عزوزالعبدالله]

عليكم السلام
حبيبي دام الطير الليف سهله
اذا انت تعطيه اكل قبل الوقت اللي تحاول تدربه فيه وقفه
يعني اذا انت متعود تعطيه وجبه العصر وقفها الوجبه هذي ياخذها وقت التدريب
اذا سدحته خل يدك عليه هو خايف اكيد بتحصله ماسك اصابعك لا ترفع يدك وعطه حب وهو على ظهره
اكله وهو نايم على ظهره حبتين وعدله
طبيعي هو جوعان يبغى ياكل نومه واكله
(لاتعطيه اكل الا وهو نايم) كم مره وبيتعود بيعرف انه اذا نام على ظهره بياكل
بعدين اذا شفته بدا يتقبل الوضع بعد كم يوم تصير تنومه ولا تعطيه اكل الا اذا تعدل تصير مكافاءه
انا شخصياً مجربها
ولو زودتها معه صدقني ما راح يعض دام انت اللي مربيه
والاهم انك وانت تسدحه ردد كلمة نام نام عشان يربطها بالحركه
وبعدين اذا تعود من كلمه ينام

[بوشما]

حياك الله اخوي عزوز

طول لي بعمرك بالنسبه لوجبة الاكل فهي موجوده بستمرار عند الكاسكو يعني انا لا اقدم له اكل الصبح او العصر

لاان الوجبه تكون موجوده بستمرار عنده واول ما يخلصها ارجع وازيد له الاكل مره اخرى

للعلم الاكل الي اقدمه له هو الاكل الصحي للطير الفواكه المجففه مثال الصوره


وممكن توضح الطريقه الي تمسك فيها الطير وطريقة تنويمه على ظهره

[Mzajnji]

وعليكم السلام ورحمة الله وبركاته
انا قلبت الببغاء على ظهره وعندي مقطع مصوره وانا ثاني مره اقلبه على ظهره وابي انزله بالمنتدى او باليوتيوب مو عارف ودي افيد الجميع

[Mzajnji]

الطريقه عندما كان عمره ٩شهور تقريباً كان على يدي اليمين وكنت حاشره بزاويه المهم مسكته من رجله اليسار وقلبته بسرعه ووضعته على الارض وجعلت يدي اليمين خلف ظهره وشوي شوي كنت اسحبها الين ابعدتها وسدحته على الارض والمقطع عندي خلال تقريبا خمس دقايق وهو مستكن ومبسوط اتمنى من الشباب يفيدونا كيف انزل المقطع من ايفون لليوتيوب او انزله بالمنتدى المقطع ان شاء الله يفيد الكثير

[عزوزالعبدالله]

بوشما يالغالي قبل تبداء مع الطير بساعتين على الاقل شيل من عنده الاكل

الطريقه بالبدايه وهو على يدك كانك تمسح على ظهره ونفس اليد اللي تمسح فيها ثبتها على ظهره
واقلبه بهداوه يعني يصير نايم ع يدك بيصير ماسك بارجوله باصابعك اليد اللي كان واقف عليها
لانه خايف خلصه نص دقيقه وعدله واعطيع مكافاءه
كررها يومين معه وابداء نومه ع الارض بنفس الطريقه واذا نومته على الارض برضوا اذا ما سك ع اصابعك لا تحاول تبعدهم خلهم قريبين له
علشان م يقدر يتعدل

اسف ع الاطاله بس ان شاء الله اني وصلت الفكره

[بوشما]

المشاركة الأصلية كتبت بواسطة عزوزالعبدالله

بوشما يالغالي قبل تبداء مع الطير بساعتين على الاقل شيل من عنده الاكل

الطريقه بالبدايه وهو على يدك كانك تمسح على ظهره ونفس اليد اللي تمسح فيها ثبتها على ظهره
واقلبه بهداوه يعني يصير نايم ع يدك بيصير ماسك بارجوله باصابعك اليد اللي كان واقف عليها
لانه خايف خلصه نص دقيقه وعدله واعطيع مكافاءه
كررها يومين معه وابداء نومه ع الارض بنفس الطريقه واذا نومته على الارض برضوا اذا ما سك ع اصابعك لا تحاول تبعدهم خلهم قريبين له
علشان م يقدر يتعدل

اسف ع الاطاله بس ان شاء الله اني وصلت الفكره

يعطيك العافيه اخوي وفعلا تم تجربة الطريقة ونجحت فيها ونام على ظهره وهو على يدي اليمين

و ماسك رجله بيدي اليسار ولكن رجله اليسار (( اضافره )) سببت لي ألم لاانه يوم انيمه على

ظهره يخاف ويمسكني بقوه ولكن انا اثبت وهو خايف وكررت له الحركه عدة مرات واحس

بعده خايف من الحركه انا ابيه يكون مرتاح و هادء راح احاول اكررها وغن شاءالله يتعود عليها

ومشكور ياخوي

[Mzajnji]

اذا تعود على الحركه حكله راسه لو ربع ساعه شوي تلقاه نايم انا اللي عندي اجلس احكله راسه الين ماينام ههههههههههه ماشاء الله عليه