ببغائي الدرة قولوا ما شاء الله

[Mohammed Hayajneh]

السلام عليكم
أشتريت قبل شهر تقريبا فرخ ببغاء درة سميته ( كاسكو ) كان صغير
صورته لما أشتريته

الحين ما شاء الله كبر كثيررر وصار يعتبرني صديقه لما أناديه بإسمه يطير لعندي ويوقف على إيدي أو على كتفي
دربته شويه
لما أقله up يطلع على أيدي
لما أقله down ينزل من إيدي بس ما يحب ينزل
بالآونة الأخيره أصبحت أقلل الغر له وأعطيه ( بسكوت و خيار و تفاح و عباد الشمس يفتحها بس ما يقدر يوكلها )
الأسئلة :
س1: متى يصبح يآكل بذور عباد الشمس ؟
س2: متى يقدر يتكلم ؟
س3: إذا خرجته في الخارج راح يهرب وما يرجع ؟
أترككم مع الصور ( أعطونا رأيكم )

[محمد الحوري1]

وعليكم السلام اخوي المفطم من شهرين بنسبه لتكلم من 3 شهور وما فوق وهاذا يعود لتدريب الببغاء على الكلام الهروب الدرة الدرة يعتبر من اكثر الببغنات فضوليه ويريد ان يتطلع على كل شي يعني بلعربي ملقوف بتوفيق

[Mkao]

لا تخرجه ابداّ حتى يعيش معك فترة كبيرة لسنوات عديدة

[Mkao]

سؤال اخى بكم اشتريته اريد شراء واحد

[Mohammed Hayajneh]

أنا شريته ب 7 ريال عماني أي ما يعادل 17 ريال سعودي

[NaWaF Pp:]

مشآء الله

الطير واضح يحبك ومعلق فيك

المعروف عن الدره انها فضوليه وغيوره يعني لو طلعتها وشافت الطيور لازم تسوي زيهم واحتمال ماترجعلك

اذا حبيت انك تطلعها اربط برجلها حبل او علي الرقبه وتحت الجناح والطرف الثاني بيدك وخلها تمرح

ياحضكم 17 ريال بس الفروخ تنباع عندنا ب 300 ريال هع

[@$عاشق الدرة$@]

السلام عليكم ورحمة الله وبركاته
ماشاء الله تبارك الله
طير جميل وباينة عليه الولافة
وبالنسبة للاسئلة:
ج1).....مأعرف الاجابة الدقيقة ولكن حاول معه الان وإنشاء الله يقبلها
ج2)حاول إنك تردد كلمة وحدة وتكون سهلة وواضحة عدة مرات ويمديك تبحث فالمنتدى عن مواضيع تدريب الكلام
ج3)الدرة من أغدر الحيوانات يعني لو ربيته 10سنين بيغدر فيك فلا تتركه لحاله بالهواء الطلق

وبالنسبة للسعر يختلف من بلد لا بلد
وأخوي نواف ياريت القى درة ب300 ريال اللحين الفروخ سعرهم طااااير عندنا بال500 وال600 وعلى حسب الشريطية (الله يبعدنا عنــهم)

[NaWaF Pp:]

والله يوم الاحد الي فات كنت بجده ورحت باخذ ذكر دره للانتاج وكذا


دخلت المحل الا توهم منزلين الاقفاص حقت الدره في ذكر ومعاه فرخين مصيوده توها قالي الفرخ علي 300 صراحه انا استكثرتها

[الهاشم]

اخوي مو الريال العماني 10 ريال
يعني انت شريتها ب 70 ريال سعودي
بس والله رخيص احنا اهنا اسعاهم ما تقل عن 300

[H O P E]

ما شاء الله..
اخي 7 ريال عماني تساوي تقريبا 70 ريال سعودي..
انت ابدء تعطيه قطع تفاح وتباع الشمس وان شاء الله بيتعود ع الاكل بروحه..
بالنسبة انه يهرب منك شوف أي احد غيرك يقص ريش من جناحه بطريقة صحيحه ولا يتشوه فيها منظره..

فروخي بعدها صغيره وما وصلنا لمرحلة الطيران المشي