نفش الريش !! دائما !!!

[مس^^مس]

تعبتكم معي .. بس انا مبتدئه بتربية الكروان ..

كرواني دايم ريشه منفوش .. ماكان كذا لمن جاني .. من كم يوم حتى لمن تكون الغرفه دافيه

انا احطه في الغرفه معي وقت النوم في التكييف بس بعيد عن مجرى الهوى واغطيه ..

خايفه يتعب ..

ياليت اعرف كيف يكون الاسهال وانتو بكرامه ..

مع العلم ماشاء الله شهيته كوويسه .. ويصفر من يوم يسمع صووتي ..

هوه عمره حاليا شهر وتقريبا 25 يوم .. ايش تنصحوني اسوي له اكل غير الرز المسلووق ..

وغير السيريلاك .. لأنو بحاول افطمه خلاص ..


ايوه وبعد انا حاطته ب قفص .. ويحاول يتسلق بالغصب واخاف عليه يعور نفسه ..

ولو حطيته ف كرتون يوصخ نفسه وريشه .. ايش اسوي ؟؟؟

والله يجزاكم الخير ..

[مس^^مس]

up
...................

[7mamah]

اختي بعده صغيير ويحتاج للدفئ اكثر حتى لو بعيد عن مجرى الهواء وتغطينه

شوفي انا من كم يوم خذيت زوج كوكاتيل وخليتهم في غرفتي والغرفه مكيفه وقت النوم واغطيهم بغطا

وجربت خليت في القفص مقياس حرارة الغرفة وكانت درجة الحرارة داخل القفص وهو مغطى نفس درجة الحرارة خارج القفص يعني مافي فاايدة

خفت عليهم لا يمرضون طلعتهم وخليتهم في الخارج جنب باب الغرفه ولكن في ازعاج في البيت ما يقدرون ينامون وقت يكفيهم وهذا الشي بعد يضرهم

والحين محتااااااره كثييييير


انا كان عندي فرخ دره عمره شهر وشوي واخليه في غرفتي لكن البيطري اعطاني اللمبه اللي تطلع حراره وضوءها احمر وقال لي خليه قريب منه لكن مو كثيير يعني لو شفتيه يبتعد عنهااا يعني حاااره ولو شفتييه قرييب منها بعديها شوي او خليهاا لانه حاس بالدفئ


حاولي تخلينه في قفص صغير لا يعور نفسه وخليه دافئ ونوعيله بالاكل مثلا بيض بالبقسماط وايد مفيييد

او حطي في نص لتر من الماء قطعة ثوم ( ربع فص او اصغر ) لانه بعده فرخ وخليها من 3 إلى 5 ساعات في الماء وعقب حطي له الماء طول اليوم علشان يشرب منه ترا الثوم مضاد حيوي طبيعي ممتااز جدا



آآآآسفه ع الاطاااله واتمنى اني أفدتك لو شوي ^_^

[! هاويه الطيور !]

اهلا :") ..

لاكرتون مايصلح للطيور ابداً ولما يحاول يتسلق بالعكس حاولي تساعدينه وتدربينه لانه قريب على الفطآم

واستمري على الاكل حتى الشهرين بالتمام وبعدها قدمي له الحبُوب والحب الشمسي ولما يتعود

بعدها الخضروات مقطعه صغيره وخليه يتسلق ويتعود واستمري على الاكل لما يفطم الطائر

وعنُدك هالموضوع مع الشرح د/ احمد توفيق ماشاء الله موضوع روعه وفيها نصائح رغم طائرك على وشك

الفطُام بس زياده معلومات


[ Click Here ] ~


بخصوص نفُش الريش هالموضوع كثير يضايقني بطيوري لكن معظمها يتحسس من البرد الغرفه

لانه كثرته راح يدل على المُرض


بالتوفيق :") ..

[مس^^مس]

حمامه .. الله يعطيك الف عافيه .. الله يجزاك كل الخير ..

من اليوم ماعاد فيه نوم بالمكيف .. الله يكون بالعوون .. يعني بالله لا جلست معه لازم بالحر .. والله تعب ..

ان شاء الله من اليوم احط له الثوم .. والمشكله مايحب البيض ابدا .. مايبغاه مايبى الا الرز .. حتى التفاح مايحبه ..

انا مااحط له المويه في القفص .. اخرجه من القفص واشربه .. مع كل وجبه .. شووويه


هاوية الطيور .. يارب مايكون تعبان ..

يعطيك الف عافيه .. ماقصرتي .. ربي يجزاك الخير ..

[beeshoo]

الطير خلاص بمرحلة الفطام و ان شاء الله مافيه الا العافية ..
بس وديه بغرفة مافيها مكيف مو لازم تنامين بالحر هههههه ..
حطيه بأي غرفه .. ولو ضاق المكان مافيه ولا غرفه مافيها تكييف حطيه لو بالمطبخ
بس ترا هذي الفتره لازم يكون بمكان دافي و بعدين عادي مايأثر مره الا اذا كان الهواء بارد ومباشر على الطير

والقفص حطيله فيه العاب يتسلى فيها وينبسط ..
وحطيله موية و حبوب ..
ولاتأكليه سيرلاك إلا وجبة وحده باليوم ..
عشان ياكل الحبوب ..
انا ترا اشتريت اخوه الفراشه الطير اللي عندك لوتينو مو .. ؟
كلهم تقريبا نفس العمر ..
وماشاء الله طيري بدأ ياكل حبوب ويفتح الحب الشمسي ..وكله تمام ..
بس أعطيه وجبة وحدة باليوم عشان لسى ما اعتمد على نفسه تمام ..
وبالكثير اسبوع ولا اسبوع ونص واقطع عنه السيرلاك ..
وخليه يتسلق ويطير و يطيح لازم ياخذ له علقات عشان يتعلم خخ ..
وبالطريق ان شاء الله كلها كم يوم و نشوفهم يبدأون بالإقلاع ..
بالتوفيق
وانصحك باحسن مكان خليه بالصالة ..
لأنها مفتوحة وتكييفها موزع ولا هو برد مرة ..
إلا وش سميتيه .. ؟

[مس^^مس]

اليوم تأكدت .. جاها اسهال .. : (

بسوي مثل ماقالت حمامه كويس .. ؟ الثوم ؟

وان شاء الله ماعاد احطه بمكيف .. ابدااا ..

لسى ماشريت الحبوب .. ماعندي الا الحب حق لولو .. الكاسكو ..

ههههههههههههههه اهلين اخو كروانتي .. سميتها دووني .. وفراشتك ايش اسمها ..

ماشاء الله عليها .. ربي يخليهم لنا ^^

[مس^^مس]

قريت مواضيع عن الاسهال .. متتت خوووف ..

يموته .. !!!!!!!!!!!!!! الاسهال .. ؟

بس ماشاء الله شهيته كووويسه .. وجالس ينظف نفسه بالقفص ..

ياليت اللي يعرف يفيدني ..

[7mamah]

يمكن يكون الاسهال من نوع الاكل مب مرض

ان شااء الله يفيدوونك الاعضااء وان شااء الله يصيير بخيييير ^_^

طمنينااا

[beeshoo]

مس مس بالنسبة للإسهال من السيرلاك يمكن ..
ومافيه الا العافية ان شاء الله .. ولما ينتظم على الحبوب بينتظم إخراجه- أعزك الله -
وطيري سميته تويتي ..
واليوم بدأ في محاولاات الاقلاع كنت جالسة وكان على كتفي و طب من كتفي على الارض مسوي طيار
طار شويتين وصقع بمنقاره ع الارض وهجد خخ ..
حاولي تقللي السيرلاك ويتعود على الحبوب احسن له ..
كل يوم اعطيه ابره وحدة بس ..
وبعد اسبوع خليه يوم ايوة ويوم لا وبعدها اقطعيها يومين بالتدريج بالكثير اسبوع ونص ولا اسبوعين وينفطم ان شاء الله ..
لأن بتتعبين معاه لو تركتيه على السيرلاك ..
وإنتي براحتك عاد ..
بالتوفييق ..