مساعده لخبراء الجيرمن

[خيال1985]

السلام عليكم انا اليوم جبت ذكر جيرمن شيبرد تقريبا عمره من 45 الى 50 يوم ومن اول ما دخل
البيت ويبي يلعب دايم وكل اشوي يعمل وانتو بكرامه حمام ماي ودايم عطشان واذا حطيته في البيت حقه
ﻻزم انومه وامشي عنه واذا صحى يفضل ينابح تقريبا دقيقه او دقيقتين ويسكت ويبيني كل اشوي العب معه
ويحب دايم يعض فيني واذا قلتله نو يروح يعض في السجاد ابي اعرف اذا الشي هذا طبيعي او ﻻ علما اني
لسه ما طعمته ومن جبته مو راضي ياكل الا بيض وجبن وماي ارجو افادتي من الاعضاء وشكرا عشان انا خايف
يكون فيه شي وانا مو عارف

و ما يحب يلعب بالكوره يبي يلعب معي باليد بس الامر الوحيد اللي يسمعه وينفذه هو sit
واشوي ويرجع يبهدلني وينحاش واذا قلت له come يجي بس يقعد يلعب تعبت اول ليله له وكل ساعه ﻻزم العب
معه عشر دقايق وبعدها انومه
وشكرا وانا ما ابي اقسى عليه عشان ما اخليه جبان بس كذا انا اقسى على نفسي كل اشوي رايح وجاي له
واسف على الاطاله بس انا خايف انه يكون فيه شي عشان كذا كتبت بالتفصيل الممل

[FaisalQ]

خصص وقت للعب .. و لعبه على مزاجك مو على مزاجه
اذا قعد ينابح او يتودد خله لا تعطيه اي اهتمام عشان يتعود على نظامك انت

و من ناحيه العض هذا شي طبيعي الكلب يحك اسنانه
اذا عضك امسك فمه و قفله و هز راسه ( على خفيف ) و قل له ( نو )
و اشتر له العاب و عضاضات يحك اسنانه فيها


و من ناحيه الأكل جيب له دراي فود و دايم ينصحون بـ ( الرويال كانيون )
و عشانه صغير اختر النوع ( جونير مكس ) عشان في اكثر من نوع و هذا النوع مخصص للجراء
طبعاً ماراح ياكله من اول مره .. انت اخلط البيض مع الدراي فود و مع الوقت خفف الاكل الي يحبه و زيد كميه الدراي فود لحد ما يصير اكله دراي فود بلحاله

لما تعوده على جدول معين هالشي مايعني انك تكسر شخصيته

و مبروك عليك الجرو

[خيال1985]

مشكور اخوي على ردك والله يبارك فيك
واذا على اللعب عنده لعب اكثر من عيالي بس ما يرضى يلعب الا معي وﻻزم باليد يعني لو لعبت معه بالكوره او اي لعبه ثانيه
ما يرضى وما شاء الله عليه مطيع بالرقم من عمره الصغير
واذا على شخصيته انا خايف من دلعي الزايد له انه يطلع لعبي بس قلت اخليه يكمل الشهرين ويتعود على اكثر
وبعدها ابدى معه اوامر الطاعه البسيطه
بس مشكلته دايم ينابح ويعوي اذا دخل بيته وهذا اللي خوفني عليه بالذات اني اول مره اتعامل مع الكلاب فحبيت
استشيركم
وشكرا اخوي فيصل واتمنى ردود اكثر من الاعضاء والمشرفين بساعدوني فيها على طريقة التعامل والتغذية الصحيحه
واسف على الاطاله

[FaisalQ]

في شغله حبيت انبهك عليها يمكن ماحرصت عليها بردي السابق
انتبه تعطيه اي اهتمام اذا بدى يعطيك مواويل و ينبح ..
لأنه راح يستخدم هالنظام عشان يلفت انتباهك
خصوصاً انه صار يدري انه اذا نبح او صار يعوي انت تتجاوب معاه
و اتمنى الأعضاء الباقين يفيدونك و يعقبون على كلامي ..
بالتوفيق اخوي

[خيال1985]

تسلم اخوي فيصل على اهتمامك بموضوعي وان شاء الله راح اخذها بكل اهتمام وبحرص ﻻني بصراحه
ما ابيه يكون قطه عندي في البيت ابيه يحبني وهم ابيه يكون كلب بمعنى الكلمه وﻻتحرمنا من نصايحك
وان شاء الله برضو يفيدوني بنصايح اكثر وانا بصراحه قريت في المواضيع كثير واستفدت كثير بس ما نستقنا
عن نصايحهم وبصراحه لهم الفضل بعد الله اني اتشجع واشتري الكلب خصوصا بوعلي الهولي الله ﻻيحرمني
وﻻ يحرم غيري من نصايحه وخبراته ومره ثانيه شكرا اخي فيصل على الاهتمام

[الهولي]

ماشاءالله
بصراحه اشكر الاستاذ فيصل وانا اتفق معاه بكلامه
لان ردي راح يكون نفس رده تقريباً
وزي ماقلتلك اخي خيال
الموضوع اول ايام محتاج صبر
وعملية التطنيش وقت النباح مهمه جداً
صحيح لان راح يربط عنده كل مانبح انت طبلونه عنده
طنش تنتعش
ويتأدب الجرو اكثر
هي مرحله وتعدي ان شاءالله
واي اسفتسار هم حاضرين لطيبين
وعلى راسي انت واخوي فيصل

[FaisalQ]

تلميذك استاذي ابو علي

الله يسلمك اخوي خيال و حاضرين بأي وقت

[خيال1985]

مشكروين جميعا على الرد والنصايح اللي ان شاء الله بنفذه بحذافيرها
والله ﻻ يحرمنا منك اخي الاكبر بوعلي واخوي فيصل

[هاوي كرواني]

اخوي خيال لا تنسى تطعمه تطعيماته في وقتها خاصة في هذا العمر لان المناعه تكون ضعيفة فيبيلك تطعمه التطعيمه الخماسيه اذا كان عمره شهرين عشان يحمي كلبك من مرض البارفو

[خيال1985]

اخوي هاوي انا حااليا في مصر ويقولون طعمه ثماني وديدان قبل مايكمل الشهرين
وحشرات بعد ما يكمل شهرين ونص ومش عارف اخليه يكمل شهرين او اطعمه الان
وهم عندي مشكله اذا عندك خلفيه عنها كل ما اطلعه في النادي دايم يلحس في الرمل وياكله
هل الشي هذا عادي وﻻ ﻻ ودايم يحب في البيت ينسدح على السيراميك ما يحب ينام في سريره ودايم
يلحس في السيراميك والله يكرمك اذا عمل حمام يلحس البول حقه وانا خايف عليه واول مره اتعامل معه
ارجو الافاده وشكرا على الاهتمام والرد