تـنـبـيـهــآت هـآمــه للمربيين ..

[شاهستا]

السلآم عليكم ورحمه الله ...

روآد و محبى قسم هوآه القطط

حبيت اتكلم معاكو عن 3 حاجات مهمه جدآ وبقينا نشوفهم باستمرآر وكثره الايام دى

اولهم (( التسمم )) :

حاليا فى القسم بقى عندنا حاله او حالتين اسبوعيآ بيعانو من التسمم

1- المنظفات :

حبيت انبه المربيين لازم لازم ضرورى جدا تبعدو جميع المنظفات عن القطط

و منهم الديتول لان ناس كتير فاكره ان الديتول غير مسمم للقطط

لكنه سم قاتل بالنسبه ليهم من الدرجه الاولى

عشان كدة لما يكون قطك مجروح متستخدمش الديتول ولا المناديل المببله

واستخدم البيتادين لانه هو اللأمن بالنسبه للقطط

2- الجرعات الزايده لادويه :

ودى بردو حاجه المربيين مش بياخدو بالهم منها ، الادويه لما تتاخد بجرعه كبيره

بتكون سم مش دوا عشان كدة لازم تعرف الجرعه المناسبه لقطك

على حسب الدوا سواء من شروط استعماله السن او الوزن

وكمان لازم نعرف ان مش اى دوا فى الصيدليه البشريه ينفع للقطط

لا بعض الادويه بس الى تنفع والبعض التانى ليه اثار جانبيه سيئه جدا على الكلى

او الكبد او الحاله الصحيه للقط على المدى الطويل

ـــــــــــــــــــــــــــــــــ

فى موضوع كمان احب اتكلم فيه وهو (( التزآوج ))

حاليا دلوقتى بنشوف حاجات غريبه جدا يبقى المربى هيتجنن ان قطته تتزاوج وتولد

وفى الاخر يقول اهلى مش عايزين الكيتن ويبقى مصيرهم الشارع والموت

فارجو قبل ما اى حد يفكر انه يزوج قطته لازم يقعد مع نفسه ويفكر الاول

هيقدر يتحمل مسئوليه الكيتن وامهم ولا لا ؟؟

مثلا لو هيديهم لحد او هيبعهم يا ترى الناس الى هياخدوهم كويسين ولا هيعذبو الكيتن ولالا ؟؟

عشن كدة يا جماعه مفروض نفكر كويس قبل الموضوع دة لان احنا لو قعدنا نحسب

عدد القطط المشردين فى الشوارع او عدد القطط الى بتتعذب يوميا فى الشوارع

سواء من الاطفال او الكبار او من الجوع او من البرد مش هنقدر نحصى عددهم

فـ ياريت الى يقدر يعمل عمليات الخصى او التعقيم لقططه ياريت جدا

ولو مش عايز يعمل العمليات دى يمنع عنهم التزاوج باى طريقه المهم ان احنا نقلل الانتاج شويه

ونقل عدد القطط الى بيكونو ضحايا لينا ولمجرد ان احنا عايزين نشوف كيتن ونلعب بيه شويه

وبعدين نرميه فى الشارع ..

والاعضاء الى هيردو عليا ويقلولى ازاى نحرم قططنا من الامومه او الابوه والكلام دة ..

ياجماعه يعى نحرمهم من الامومه ولا ولادهم تتشرد فى الشوراع ؟

وبعدين لو القطه ولا القط هيتعملهم اخصاء او تعقيهم مش هيفهمو يعنى ايه امومه من الاساس !

صحيح ليهم مشاعر وبيحسو وكل حاجه لكن دى حاجه ممكن احنا نعوضها ليهم بالاهتمام والحب

و فى نفس الوقت نقلل نسبه المعاناه للقطط او الحيوانات الاليفه عموما ..

اتمنى تفكرو فى الموضوع دة كويس جدا وطولت عليكو بس دى شويه تنبيهات

شوفت انها مهمه ولازم اتكلم فيها

اتمنالكو التوفيق

تحيآتى ..

[الباادجي]

يشرفني كوني اول من يرد على موضوعج الجميل اختي شاهستا

نصائح مهمة جداً و في وقتها المناسب

مجهود تشكرين عليه , جزاج الله خير

[Hason Manssor]

الله يعطيكك العافيةة شاهستا

موضوع مهم وكثير نشوفه هالايام خصوصا القطط اللي بالشارعع


لاخلا ولاعدم

[الجوهرة هنادي]

تنبيهات مهمة جدا

مشكــــــــــــــورة بارك الله فيك

تسلم ايدك يا عسولة

تقبلي مروري يا الغالية

[Octopus]

موضوعك هام اختي شاهستا

و كذلك في اضافة لي اذا سمحتي هناك معظم الادوية لا تنسب مع امراض القطط مثل المادة الذي يسمونه ابرة ديدان ل الاسف هذه الدواء ينفع للمواشي و غيرها مب للقطط

[شاهستا]

المشاركة الأصلية كتبت بواسطة الباادجي

يشرفني كوني اول من يرد على موضوعج الجميل اختي شاهستا

نصائح مهمة جداً و في وقتها المناسب

مجهود تشكرين عليه , جزاج الله خير

اهلآ بيكـ

يارب تكون استفدت منها سعيده بتواجدكـ

[شاهستا]

المشاركة الأصلية كتبت بواسطة Hason Manssor

الله يعطيكك العافيةة شاهستا

موضوع مهم وكثير نشوفه هالايام خصوصا القطط اللي بالشارعع


لاخلا ولاعدم

اهلا بيكـ

عندك حق فعلا القطط الى فى الشارع تقطع القلب حقيقى

نورتنى

[شاهستا]

المشاركة الأصلية كتبت بواسطة الجوهرة هنادي

تنبيهات مهمة جدا

مشكــــــــــــــورة بارك الله فيك

تسلم ايدك يا عسولة

تقبلي مروري يا الغالية

اهلآ بيكى ياقمر

نورتينى حبيبتى

[شاهستا]

المشاركة الأصلية كتبت بواسطة Octopus

موضوعك هام اختي شاهستا

و كذلك في اضافة لي اذا سمحتي هناك معظم الادوية لا تنسب مع امراض القطط مثل المادة الذي يسمونه ابرة ديدان ل الاسف هذه الدواء ينفع للمواشي و غيرها مب للقطط

اهلآ بيك اكتوبوس

اكيد اضافتك فى مكانهآ وعندك كل الحق فيها

فعلا الابر دى مش مخصصه للقطط وبتسبب تسمم للقطط لان الجرعه بتكون كبيره

وكمان الدوا بيكون تقيل جدا على القطط

سعيده بتواجدك اكتوبوس

[تشآرلي]

شاهستا

اختي العزيزه ,, تسلمين على التنبيهات

معلومات قيمه

الله لا يحرمنا من مواضيعك الرائعه

يعطيك العافيه