هدية روووعه ^-^

[المتهورة]

السلام علييكم ورحمة الله وبركاته..

شخبارك يا اعضاء تو زوو ؟

طبعا رجعت مره ثانيه من بعد غيااااب طويييييييييل ..
المهم بدخل في الموضوع البارحه اخوييه يابلي هدية رووعه وماكنت اتخيليها ابداا
اشترالي مكااو ^^ وطبعا ما كنت اتخيل في يوم اني اربي هالطيير .. قبل فتره كان عندي كاسكو
اسمها مي مي بس ماتت ): ومن بعدها ما كنت افكر اشتري ببغاء والسن كونيور اللي عندي عطيته الجيران... حبييت اعرف كيف اتكون تربية المكاو هل هي نفس الكاسكو ؟ وكيف اتكون تغذيتها وتدرييبها .. وللعلم المكاو يتكلم واليييف بس مابعده ما اتأقلم ع المكان .. وهل المكاو يتكلم وايد ولا؟ ...

وهاى صور المكاو ولو عندكم اسم حلو يليق عليها خبروني لاني لين الحين ما عرفت شو اسميها

وقولو ما شاء الله ^_^.....

ان شاء الله تعجبكم الصور ^^

[طير جديد]

مشاء الله
تبارك الله طير حلو الله يخليه لك
ربي يحفظه من كل شر

[بندولة حب]

ماشاء الله ومبروك الهديه
وهذي الهداي اللي تهدى وعقبالي انشاء الله

[شوو تايم]

ماشاء الله حلو مره والوانه رايقه

مبروك على الهديه
وان شاء الله الشباب يفيدونك

[المتهورة]

طير جديد >> شكرا على الرد ^,^

بندولة حب >> مشكوره خخخ وان شاء الله يهدونج هديه حلوه ^^

شوو تايم>> شكرا جزيلا وان شاء الله يفيدوني ^^


لو اي حد فكر بأسم حلو يخبرني ^_^

[الببغاء الافريقي]

مبروك وابقولك مشاء الله اخاف احسدك والله هذا الطير ولا بلاش لا اوصيك عليه واضح انه صغير بس وكله ونوعله بالاكل وعحطله فيتمينات

[صمت111]

ماشاء الله تستاهل الهديه

[alkanderi]

ما شاء الله
يتربى بعزج ان شاء الله

[في خاطري شي]

الله يهنيك فيه يارب

واحلى هديه من احلى أخ

وحسب علمي ان المكاو .. لايختلف كثيرا عن الببغاوات الاخرى من حيث التربية

وحسب علمي ايضا .. انه غير متحدث بطلاقه مثل الامازوني او الاقريقي .. يعني يحفظ كم كلمة فقط

اما الاكل .. اعتقد اكله مثل اكل الببغاوات اللهم نوعي له بالفواكه فهالنوع يحب الفواكه بكثرة


وبالتوفيق يارب ،،،

[ابو محمــد]

الحمد الله ع السلامه
وحياك الله مره ثانيه مع تو زوو واعضاء تو زوو
ماشاء الله المكاو حلو ويتربى بعزك وانا من الناس اللي اتمنى
اقتني مكاو ويلوناب لكن الى الان ما حصلت الطير المناسب
بالنسبه للأكل نفس الببغاوات لكن يفضل عين الجمل وله طريقه عجيبه
في كسرها وفتحها والتربيه ما تختلف عن البغاوات تقريبا نفسها وبالتوفيق