ارجووووكم ساعدووووونى قططى بتموت :(

[Basooma]

ارجوووووكم ساعدونى يا جماعة انا عندى قطتى ولدت ستة من 12 يوم دلوقتى واول يومين كانت بتاخد 2 وتحطهم لوحدهم عالسيراميك ف السقعة وكانو ضعاف ومش بياكلو كويس وماتو بعدها باسبوع ومن امبارح كان اكبر قط بياكل كويس سايب مامته ومش بياكل كويس والنهاردة لقيته ميت وهى شكلها كويسة مش تعبانة بس انا لسه مودتهاش لدكتور مش عارفة لحد ما اوديها اعزل الباقيين عنها ولا اعمل ايه افيدووووونى ارجوكم جزاكم الله خيرا

[Octopus]

كم عمر الكيتن الموجدين على قيد الحياة و يمكن الام عندها حليب قليل

و ايضا حاولي تمنعيها لان السراميك يكون بارد في هذه الايام

[Basooma]

اللى عايشين دلوقتى عندهم ١٢ يوم وانا بديلهم رضعة ف اليوم زيادة غير الام ولبن خفيف مش تقيل

[شاهستا]

اهلا بيكى

هى لما فصلت الاتنين الضعاف كانت عارفه انهم بيموتو عشان كدة

فصلتهم عن باقى اخواتهم

انتى متأكدة ان الام فيها لبن ؟ اضغطى على ثدى الام وشوفى بيخرج لبن ولالا

فى انتظارك

[Basooma]

هو انا شوفتها لقيته مفيش لبن بس الاطفال انا لسه مرضعاهم بقالى ٤ ايام بس وهما كان شكلهم بيكبرو من قبلها وكمان انا مستغربة ان اكبر واحد فيهم هو اللى مات النهاردة هو انا اخر يومين كنت ببعده عشان كان بيبعد اخواته ويرضع من كذا مكان ف كنت ببعده شوية وارجعه تانى بس كنت بديله لبن من برة بردو ف انا مش عارفة اعمل ايه دلوقتى

[Basooma]

شاهستا ؟؟؟

[شاهستا]

كنتى بتشربيهم لبن ايه ؟ والمكان الى موجودين فيه دفى ولا برد

[Basooma]

لبن عادى وبكمل التلتين ماية دافية وحطاهم عالبطانية علطول مش سيباهم يروحو مكان برد

[Basooma]

وبحط اللبن ف قطارة قديمة بس غسلتها كويس

[شاهستا]

مينفعش اللبن عادى

لازم لبن اطفال خالى من الاكتوز

هتلاقيه فى الصيدليه البشريه

وشوفى الكيتن عندهم اسهال ولالا ؟