ببغاء كاسكو ما اعرف شو فيه

[nice life]

أمس اشتريت ببغاتين وحدة فيهم عطيتها هدية لشخص و ثانية حقي
ما ياكل وايد بس ما يشرب ماي
عمره اربع شهور

الاحظ انه فيه اسهال و مثل ما قلت لا ياكل ولا يشرب وايدو انما معتدل
يحب ماء الفواكه و شكله يفتقد السيريلاك
لاحظت انه يغمض عين وحدة و العين الثانية مفتوحة وصراحة ما عرفت شو فيه اخاف عليه
يعني هو شو فيه بالضبط ما عرف هذا بس المعلومات اللي عندي
فسؤالي هو
وين ممكن القى له دواء ضد الاسهال في الامارات / العين؟
و شو فيه بالضبط ليش عين مفتوحة و عين مسكرة ؟؟؟
أبا شي بديل السيريلاك علشان أتاكد إذا هو يبيه ولا لا
اتمنى الجواب..

[عشقي البلوفرنتد]

السيريلاك عطه السيريلاك
الدواء تحصله عند البيطري

[ماجد علي]

أذا كان عين مفتحه وعين مغمضه يمكن يكون مرض أنصحك بزيارة الطبيب البيطري في أسرع وقت لأنه فرخ لا يتحمل المرض.

[nice life]

عرفت أنه ببغاء الكاسكو لما يكون تعبان و يبي يرقد يغمض عين وحدة و العين الثانية مفتوحة و لما خلاص محد يزعجه أو يراقبه يغمض العينين .. بس هو موب كسول يحب يتحرك على الستاند و لما يكون في القفص يسوي حركات يروح في كل أماكن في القفص حتى الأماكن الضيقة فيه وين الحواف .. كم مره طيح الأكل ... مع أني أنظفه و أحط غيره و نفس شيء الماء .. من غير بس يحب يعضض الفواكه ما ياكلها ..

فهل هذا طبيعي ؟؟؟

[عاشق@الكاسكو]

اخوي طيرك فرخ والاسهال نتيجة تغير الاكل بطريقة مباشرة وهذا خطاء الافضل يتم بالتدريج حيث تقلل كمية السريلاك مع وضع فواكة وحب شمسي في القفص
وانتبه عليه من المكيف والهواء البارد
وطلعه يتشمس كل يوم الصباح من الساعه 7 الى 9
والطير سليم ما فيه شي ما دام نشاطه كويس
والله يعينك بتتعب معاه باقي صغير الله يبارك لك فيه

[صوغة]

مبرووووك عليك الطير

وماقصروا الاخوان


ولا تعطيه اي فواكه بما انه فيه اسهال وانت بكرامه لانه اتزيد الاسهال

ارجع للسيريلاك وطبق كلام الاخ عاشق

وعطه شاي بدون سكر بيساعد على وقف الاسهال

ونزل احد المجاثم قريب من ارضيه القفص لانه صغير ويمكن يتعب من المجثم الي بسنه ينام بالارضيه

وحذار حذار حذار من المكيف او اي تيااار هواء او تغيير مفاجىء بدرجة حراره مكانه

واذا ماوقف الاسهال ضروري اتزور البيطري يمكن فيه سبب اخر مثل البرد مثلا لاسمح الله

وموفق

[nice life]

مشكووووورين خلاص ما بعطيه فواكه لين بعدين بس برجعله سيريلاك حقه المشكلة ما اعرف وين ممكن القى له سيريلاك
هل ممكن يكون عند بيطري أو محل من محلات للي تبيع طيور وين ممكن القى سيريلاك في العين ؟؟؟

[عشقي البلوفرنتد]

عند البيطررررررررري