ساعدووووني بيض والرقاد عليه

[ملاك عبد اللطيف]

السلام عليكم
اخواتي عندي مشكله حبيت تساعدوني فيها مرة تانيه الله يخليكم
انثي الزيبرا عندي باضت ارابعه بيضات بعد طووول انتظار اول بيضه تاريخ 3-12-2012 قعدت اسبوع فجاءة لقيت بيضه تانيه بتاريخ 11-12-2012 وهكذا كل يوم وحده ولله الحمد الانثي كانت ترقد ع بيض بتناوب انثي والذكر
فجاءة صارت مشكله من يومين الذكر يجري وراء الانثي وينتف ريشها ويحط الريش تحت البيض وتكررت هذي الحاجه هلبا فقررت نحطلهم قطن لفائف من برا القفص لحظت ان الذكر يجي ياخد مني القطن بسرعه ويحطه في العيش وقعدو يرقدو ع البيض والامور تمام والبيض واضح يعني مادفنوهمش
امس الصبح قررت نغير مكان القفص لانه جاي في مكان مش مزبوط غيرته المكان فجاءة الذكر ولاانتي بدو في نزع القطن جتهم حاله قعدو ينحو فيه بس مش كله وللاسف معاش باين البيض الا بيضه وحده ومعاش رقدو عليه البيض ابدا
نخاف تفقص البيضه وهي داخل القطن ويموت
واخاف ان البيض يفسد
ارجوكم ساعدوني علما القفص موفره ليه الدف وهذي البيضه اللي اني موضحتها في الصورة بالون الاحمر

[ابو عزوز2]

بسم الله
اخوي مشكلتك سارت معايا
ذا كلو عشان غيرت مكان القفص
الجوز ماحس بالامان مع تغير القفص

[ملاك عبد اللطيف]

باهي شنو الحل

[متدرب]

من عيوب القطن انه يلتصق بالبيض مما يجعل فقص البيض وخروج الفرخ أمر صعب

..

لدي زوج كل ما يتم تغيير مكانه يترك البيض ,, لذا ما عليك الا تركه كما هو

إن عاد للبيض كان بها , وإلا فربي يعوضك بغـيره ان شاء الله

[أبو أمينة]

صباح الخير

ملاك عبد اللطيف

أولا : يفضل ترك ريش الحمام المتساقط أو ريش طيور البادجي إذا كان متوافر عندك ، أو عزل الذكر عن الأنثى في حالة حضن البيض .

ثانيا : يعتمد على الزوج إذا كان منتج سابقاً ومعتاد على المحيط المتواجد به فلا داعي للقلق ، إما إذا كان الزوج جديد على المحيط المتواجد به وأول إنتاج له فأعتقد لن تحضن البيض .

تقبل مروري

أبو أمينة

[ملاك عبد اللطيف]

شكر ليكم اخواني ابو عزوز ,,,, متدرب ,,,,, ابو امينه
الصراحه طلعت الزوج من القفص الي قفص تاني بعيد عن هذا نزعت القطن الزايد اللي مصكر ع البيض وفحصتهم لقيت زوز مخصبات وبعدها رديت الزوج الي قفصهم من الاول مادورو العش بس حاليا مرة مرة الذكر يجي يرقد ع البيض الحمد لله بارك الله فيكم