هالكاسكو شنو نوعه ؟؟؟

[البنتلي111]

سلام عليكم ...

شريت كاسكو من فتره .. و ماعندي خبره في هالمجال ...


بحطلكم صورته ... وقولو شو رايكم فيه ؟؟؟


و شو الفرق بين الكاسكو الافريقي و الغيني والهولندي ؟؟؟

وهل هذا افريقي الي في الصوره ؟؟؟ وكم عمره ؟؟

والسؤال الثاني ..لاحظت انه ذيل الكاسكو مو مرتب ..او فيه تقصف ... شو اسوي ؟؟ هل هذا طبيعي ؟؟؟

وايضا لاحظت انه دائما يحك راسه في القفص ... ويحك منقاره ....هل هذا طبيعي ؟؟؟



الكاسكو الي عندي اليف .. و يركب على اليد .. و يسولف شويه ويطلع اصوات ولما اجي عند القفص يتحرك و يجي جنبي .. ولما اروح عنه يطلع صوت كأنه يقول تعال لاعبني ...و لما انزله تحت على الارض و اجلس بعيد ...يمر على الي موجوديف في البيت وما يركب الا على رجلي ...

[البطريقه]

عمره مو اكبر من ثمانيه اشهر ولا اقل من سته اشهر

وباقي الاسئله ان شاء الله الخبراء يجاوبوك عليها

[hawi56]

السلام عليكم

العمر تقريبا 6-8 شهور
النوع افريقي رمادي .. ومو واضح الحجل لاكن ما اعتقد انو محجل..لان الحجل الي برجلو مو واضح يريت توضح عشان نقلك لو كان هولندي..

وحك المنقار طبيعي جدا ويظهر انو الطير صحتو سليمه انشالله

شكرا
هذا والله اعلم

[البنتلي111]

شكرا لتعاونكم ...

و الكاسكو فيه حجل في رجله اليمين .. لونه ذهبي لاكن قديم ف مايل للرمادي ... ها ها المقصود بالحجل ؟؟؟ اي الحلقه الي في الرجل .. ولا هي شي ثاني .. وانا حاولت اقرا شو مكتوب على هاي الحلقه لاكن ما عرفت ... يمكن لازم انضفها شويه ..

و سؤال ثاني .. شو دخل الحجل في النوع الهولندي ؟؟؟ و الأفريقي يشبه الهولندي ؟؟؟


عذرا على كثره الأسئله ...


و آخر سؤال ... القفص الي حاط في الكاسكو كبير ... طابقين .. يعني طوله في مستوى طول الانسان الطبيعي .. وانا حاط الكاسكو في الطابق العلوي .. و الطابس السفلي فاضي .. شو تنصحوني اربي فيه ؟؟؟؟

ولا اخليه فاضي ؟؟

[البطريقه]

الحجل هو الحلق الي بالرجل
وفيه معلومات من الطير مكتوبه بالرموز

وهاده موضوع الى عازف الكيبورد عن (اسرار الحجول الذبل) وكيفيه قرائتها
7

http://www.2zoo.com/vb/showthread.php?t=56785

[ابو سفر]

ما شاء الله كاسكو حلو وهذا افريقي جامبو وعمره لايتعدى 8 اشهر

وايضا لاحظت انه دائما يحك راسه في القفص ... ويحك منقاره ....هل هذا طبيعي ؟؟؟ طبيعي

و شو الفرق بين الكاسكو الافريقي و الغيني والهولندي ؟؟؟

الكاسكو الافريقي في العادة يكون حجمه كبير والغيني صغير الحجم ولونه غامق والاثنين في الكلام تقريبا زي بعض
اما الهولندي يكون تربية مزارع يعني ما يحتاج ترويض لانه الييييف ومطعم باليد

[سماوي الجبه]

ماشاء الله طيرك حلوو شكله جميل ومن الطيور الى افضلها وسبب ذلك لون عينه المائل الى الرمادي وهذا يدل على صغر سنه ،، الله يخليه لك،، وبخصوص حك الراس شي عادي،ن وبخصوص نوعه افريقي ، وعن الذيل هذا بسبب القفص ونقل الطائر من مكان الى اخر وسبب ثاني في وقت التنظيف اكيد الطير بيخاف وبيضرب ريشه في القفص وشكرا،،

[مجنون الامازون]

اخي (البنتلي 111 ) .. السلام عليكم ..

- بالنسبة للنوع (كاسكو افريقي هولندي).
- العمر 6 اشهر والله اعلم.
- بالنسبة للحجل اذا كان في الرجل اليمين عادة يكون انثى واذا كان في الرجل اليسار يكون ذكر.
- بالنسبة للذيل فهذه ليست مشكلة رش عليه ماء بواسطة بخاخ ويكون في فترة الظهر او العصر عشان ينشف .
- بالنسبة للحكة فهذا امر طبيعي في الببغاء الافريقي بشكل خاص وفي باقي الببغاوات بشكل عام.
- بالنسبة للفرق بين الافريقي والغيني يكون في (اللون) حيث ان الغيني لونه داكن و (الحجم) اصغر.
- بالنسبة للاكل الفواكه بانواعها ما عدا (الافوكادو) و الحبوب (دوار الشمس - الفول السوداني ) وغيرها.

الله يباركلك فيه ...

تحياتي ..

[البنتلي111]

مشكورين يا اخوان ... انا بصراحه البارحه مشترك في المنتدى .. و ما توقعت هذا التفاعل السريع من الاعضاء ..


لكم مني جزيل الشكر ..

[hawi56]

تأكد من الحجل من موضوع عازف الكيبورد ... لان بعض التجار يركبو بعض الحجول المغشوشه.....

وايضا يمكن ان يكون الطير من مزارع محليه وليس هولنديه وبعتقادي

المزارع المحليه هي الأفضل