دعوه للتجمع الثاني لأعضاء المنتدى

[بوصقر]

انا انشالله رايح معاكم وراح اتصل علشان اعرف العنوان
مثل هالطلعات ماتتطوف ياخوك

[دحروج]

و الله دعوتك غاليه يا الغالي.....
و مثلك عارف الخميس شنو ارتباطاتي
مع ذلك سوف اجبر بخاطرك .....بس على شرط
يكون الأكل اللي في الصوره أهو العشا مو تقص علينا
مثل دعايات المطاعم الصمونه بالصور اشكبرها و اشحلوها
و بالطبيعه كأنها خدود شايب مالها مازيه....خخخخخخ

السلام عليكم....

[قناص]

يا دحروج الحبيب تعال يوم الخميس وما يصير خاطرك الا طيب يالغالي
وانشاء الله بتشوف عشا أحلى من اللي بالصورة

ناطرينك يا أخوي يا دحروج ولا تخلي

شاكر لك عزيزي

[بوفهد]

مثل ما قال اخوي قناص

انت تعال وراح تشوف اللي يسرك

بالتوفيق

[fr3on]

يعطيك العافيه يا بوفهد على هالدعوة الحلوة وانشاللله اكون موجود.

[بوفهد]

والله هذي الساعه المباركه يا فرعون ونتمنى وجودك بهالرحله

بالتوفيق

[NONO]

انا ودي اجي بس تعرفوني مشغوله ماقدر اجي لالالاتحاولون انا بزنس ومن >>>>> لوووووووووول

مافي قسم نساء مياااااااااو.... يله الله يهنيكم ويجمعكم في الجنه .. آمييييييييييييين

سلالالالالالالالالالام

[بوفهد]

مشكوره اخت نونو على هذا الاطراء الجميل

والله ضحكتيني لوووووووووووووووووووووووووووول

بالتوفيق

[ZoO_LoVeR]

مشكور اخوانى على الدعوة الجميلة وانشاء الله الله لا يقطع هالعادة اطيبة اللى فيها استفادة للكل تبادل الخبرات والتجمعات الطيبة وانشاء الله راح اكون موجود
:ANSmile06 :ANSmile06

[الهاوي]

السلام عليكم

مشكور يا بو فهد على هذي الدعوة الكريمة من شخص كريم ( و هذي هقوتي فيك ) و لا قصور في أخوانك اللي راح يطبخون لنا العشاء ( قنّاص و بو مبارك ) أدري بيطبخون لنا بيض عيون و فول مثل ذيج السنة في أم نقا ( ايّام الترمّي و القطا ) عموماً إن شاءالله آنا ياي و عندي إقتراحين بس :

1- يا ليت الأعضاء اللي بحضرون التجمّع يبلغونكم علشان تعملون حسابكم حق القعدة و العشاء و .... إلخ.

2- و يا ليت فقط ( مو تحيّز ) اللي عندهم كاسكو أو بغبغاء أو تاكو أو كوكاتو أو أمازون - يحضرونهم معاهم علشان نستفيد من الطير و صاحبه و تكون قعدتنا و حوالينا الأقفاص و الطيور داخلها ( مو كل واحد يهد طيره أو يجيب معاه جلبه أو قطوته ) ترا ممنوع للطيور فقط ( بدون إنفلونزا الطيور ) و مشكورين على العزيمة.