ارجو مساعدتي في جرعات الدواء

[korty55]

السلام عليكم

هذه اول مشاركه لى فى المنتدى

وبشكر كل الاعضاء والمشرفين على الموضوعات القيمه الى لقيتها هنا

وكان عندى استفسار عاجل

عندى حوض 80×30×65

به عد ة اسماك فانتيل وبلاك جوست ونايف جوست

وانا عارف ان الانواع دى مش تنفع مع الفانتيل بس محتاج كام يوم لحد ما انقلهم ان شاء الله

المشكله عندى ان فيه سمكه رد كاب بحبها اوى ولاحظت من فتره ان زعنفها الذيلييه وكانها متقطعه بموس

وكانت بدات اطراف الذيل يبقى لونها رمادى سالت عند ناجى(القاهره) وادانى دواء حسيته بيتادين الى بتطهر بيه الجروح اسمه(fungi control)

8نقط لكل 25 لتر ماء لمدة 3 ايام

ولاحظت ان ذيل الرد كاب اتحسن وكمان لون الكاب بتاعه رجع زى زمان

××××المشكله ان الدواء دا بوظ الحوض خالص المياه غامقه بحساب الحوض حطيت كل يوم 40 نقطه

بسال هل الجرعه دى اكررها ولاكدا كفايه وهل نوع الدواء دا جيد

وانا كنت مشغل الفلتر الداخلىوالسكريه ومفيش اى كربون فى الحوض

وطريقه تغير ماء الحوض هل 25 او 30% وهل بعد ما اغير ماء الحوض اكرر الدواء تانى

وايه سبب تقطع ذيل الرد كاب هل هى الاسماك الى معاه الى مش متوافقه

ولو ينفع انقل الرد كاب فى حوض تانى 50*30*40فيه عدد من تايجر بارب حجم2.5سم

وكام سمكه من الى فى الصوره دى اعتقد اسمها جلاس كلر
بس الصوره انا جبتها من موضوع عن الامراض لاكن سمكاتى الحمد لله سلام

وياريت معلومات عن السمكه دى وعندى لونها بمبى هل فعلا السمكه دى بتتلون عن طريق ابر

وهل هى خطر على الاسماك والاحجام الى ممكن توصلها معلومات عن تربيتها واحتياجاتها بشكل عام هى عندى 3.5 سم

واخيرا انا بشكر كل من يقرا موضوعى وكل من يرد لسعة صدره ومساعدة المبتدئين
شكرا

[Dr Khaled]

و عليكم السلام و رحمة الله و بركاته

أخي لأجل السمكة المريضة و التي تعاني تستمر في العلاج إلى أن تشفى لكن من الأفضل لو كنت تعالج السمكة في حوض مخصص للعلاج ؛ أما تغيير الماء فهو يوم بعد يوم بمقدار 40% من ماء الحوض مع غسيل الفلتر بنفس الماء المزاح و لا تنسى أن تغلق الفلتر و الإنارة عند وضع الدواء لمدة نصف ساعة فقط.

الأسماك الجوست و النايف ممكن أن تربى لوحدها دون شريك لتقارب أطابع هذه الأسماك مع بعضها. أما مسألة الجولد فلا يربى إلا مع نظيراته و أبناء عموته الكوي.

الحوض الذي به الغوست و البلاك نايف غوست سعة 156 لتر أي قوة الفلتر يجب أن تكون 1560 لتر بالساعة و من الممكن إستخدام فلتر بقوة 1600 أمر عادي. و هو يصلح فقط لسمكتين واحدة من البلاك غوست و الأخرى من الغوست مع وجود أخشاب و بناتات سواء بلاستيكية أو طبيعية.

أما الغلاس فيش فلونها الطبيعي هو الشفاف و اي لون فيها هو عبارة عن التلوين بواسطة الحقن في الأبر و هنالك بعض من هذه الألوان تختفي و بعضها لا تختفي و يبقى مع السمكة لكنه يكون بمثابة سم بطيء داخلها و معظم الأحيان يكون سبب في موتها المبكر.

الحوض الثاني حجم 60 لتر ما عدد الأسماك و ما أنواعها؟
الفلتر المخصص لها بقوة 600 لتر بالساعة .

[korty55]

السلام عليكم

د/خالد متشكرا جدا على ردك واهتمامك


إن شاء الله كنت ناوى انقل الجولد بس مسالت وقت لحد ما اجهز مكان تانى

فعلا عندى فلتى باور هيد 1600لتر بالساعه


بالنسبه لتغيير 40% من ماء الحوض كل يوم بعد يوم اقصد الماء الى متعكر من الدواء بتاع الحوض الى فيه الرد كاب مش كدا كتير شويه

كتير 40 % ؟؟؟؟كدا هفقد نسبه كبيره من البكتيريا النافعه؟؟؟

ارجو افادتى

وبالنسبه لان الحوض يتسع فقط لسمكتين انا الحجم الى عندى البلاك جوست 11سم والنايف جوست برضو 11سم

الحوض سعة 156لتر ؟؟؟؟ سمكتين الواحده بطول 11 سم مش قليلين على الحوض؟؟؟؟

وما رايك فى تربيه واحده انف الفيل مع البلاك جوست والنايف برضو هتبقى بنفس الحجم 10سم
وواحده او اتنين نويس جار

هل التشكيله دى تتوافق مع بعضها

ثانيا بخصوص

الحوض سعة 60 لتر به عدد 8تايجر باررب حجم 2.5سم

وعدد 3جلاس بس للاسف محقونه بلون بمبى وليمونى حجم 3سم

[Dr Khaled]

و عليكم السلام و رحمة الله و بركاته

أخي العزيز من أجل المخزون من البكتيريا فهو في أمان و لا تقلق عليه لأن الفلتر ما زال محتوي على أكبر قدر و الغرض تخفيف السمية للدواء المتراكم مع تنظيف الماء من العكورة التي وردت به.

الأسماك ممكن واحد فقط أنف الفيل و غير ذلك لا أنت لا تتكلم عن حجم السمكة الحالي تكلم عن الحجم الكلي للسمكة عند الكبر . و لا يصنح بالقار لأنه شرس و ممكن أن يهاجم و يخدش أما كثرة هذه الأسماك فتسبب توتر كهربائي بينهم فحاول وضع الأخشاب المناسبة و النباتات حتى تقلل من العدائية بينهم و إعتمد الأكل مثل الروبيان و خلافه.

[korty55]

شكرا د.خالد على الرد والتوضيح مش عارف ازاى اشكرك على الاهتمام وتوصيل المعلومات بصدر رحب

شكرا لك ولكل من ساهم فى المنتدى

[Dr Khaled]

أهلاً و سهلاً بك أخي و إن شاء الله الأمور عندك جيدة و موفق في التربية.