الي جربو الترويض بنفسهم ي ليت يفيدني :)

[k e $ h a]

السلام عليكم

اليوم اشتريت فرخ كروان شوية كبير

المهم طبعا يطير

و ياكل عادي

ي اليت تساعدوني في كيف اروضه خلال اسبوع

انا طلعتة من القفص و شلت الاكل و المويه ^^

ياليت تبدأون معاي

و الصور قريب بحطها

و شكرا لكم

أختكم كيشآ

[k e $ h a]

هاذي الصور

و الله اعلم انه فرخ

ي اليت تقولو هل هو فرخ ؟
كم عمره تقربيا ؟
و جنسه ؟
و نوعة ؟


و اخيرا طريقة الترويض

ليا رجعة

[ahmed_3omda]

مبروك عليكي الفرخ بأذن الله وتأكدي من الخبراء

وبأذن الله يكون فرخ مدرب و لطيف معكي

[k e $ h a]

يسلمو أحمد

بس مني متأكدة اذا كان فرخ ؟؟؟

[k e $ h a]

قبل شوية قصيت اربع ريشات من بعد الرشتين الاولى

يالله سآآعدوني

بليززززز

[طير المملكة]

ما شاء الله طير جميييل جدا ولون ولا اجمل واهنيك على اختياره
طبعا ما نقول انه فرخ فرخ لان ما شاء الله تجاوز مرحلة الي نقول عنه فرخ

وعمره تقريبا حوالي 3 شهور هذا والله اعلم

والطير مو بالغ فصعب تحديد الجنس ولاكن من نظرتي اشوف انه ذكر بس مو اكيد
لانه مو بالغ

بالنسبة عن الترويض فالطريقة سهلة جدا جدا جدا بأذن الله

دام انك قصيتي جناحه فسار سهل

تلبسين غفاز طبعا سميك حتى لو عضك ما تتأثر
وتمسكين الطير بيدك وراح يعض ويعض
خليه يعض الى ان يتعب بتشوفينه بعد ما يتعب يوقف شوي وبعدها يرجع يعض
وهو راح ييأس وشوي شوي يزيد اليأس لان عضه مامنه فائدة

المهم لما تشوفين العض خف بيدك الثانية طبعا من غير غفاز مسحي على راسه
كل شوي مسحي على راسه وبعدها حطيه على الارض

خليه 30 ثانية الى دقيقة ورجعي مسكيه بالقفاز وراح يرجع يعض ورجعي بعد ما يتعب
مسحي على راسه بس حذاري من العضه طبعا

وتركيه بعدين بعدين في القفص وبعد 3 ساعات او 4 براحتك رجعي عملي مثل هالطريقة
وطبعا كل مرة راح تشوفين ان عضته راح تضعف عن السابق من اول مسكه راح تلاحظين
قوة عضته في القفاز وبتلاحظين مع تعبه تضعف العضه

المهم المرة الثالثة الي بعد 3 او 4 ساعت عملي نفس الشيء للطير بس زيادة على هالشيء
آخر شيء حطي في صبعك شوي عسل وحاولي تخلينه يذوقه

وان شاء الله في اقل من اسبوع راح يتروض وبعدها اذا تبغين تدريبنه بيكون سهل
مثل لما تنادينه يجيك او شيء

بس ثلاث مرات في اليوم تعملين له هالشيء اول مرة تمسكينه وثاني مره الي بعد 30 ثانية الى دقيقة
وطبعا في هالفترة ما تدخلينه القفص تخلينه على الارض دام مقصوص جناحه
والمرة الثالثة
بعد 3 الى 4 ساعات
ويفضل تكونين لوحدك معاه في الغرفة مو مكان فيه فوضى وناس جاية ورايحة
لان هالفترة الطير يخاف ولما يشوف ناس جاية ورايحة راح يزيد خوفه
فأول الايام يفضل تكونين لوحدك اسهل لك واحسن له وبعدها تنطلقين معاه وسط العالم
بس حاولي تقضين فترات معاه ولو وهو داخل القفص

واي استفسار احنا موجودين

[k e $ h a]

وااااااااااااااو


طريقتك مميزة

و الله تنفع تكون مشرف لهذا القسم

المهم

انا ببدأ بالخطوات من اليوم و برد لك

^^

تحياتي

[k e $ h a]

وقبل شوية

مسكتة بالمنشفة

جلس يصيح و يعض

و الله عضني عضتين مرة قوووووووووووووية شوية و يطلع الدم

دمعتي على عيني

[طير المملكة]

المشاركة الأصلية كتبت بواسطة k e $ h a

وااااااااااااااو


طريقتك مميزة

و الله تنفع تكون مشرف لهذا القسم

المهم

انا ببدأ بالخطوات من اليوم و برد لك

^^

تحياتي

انتي الاميز يالغالية
لالا المشرفين ما شاء الله عليهم كلهم كفأ وهمه وانا ما اصلح للمناصب -_^

ان شاء الله بالتوفيق وننتظر النتائج

[طير المملكة]

المشاركة الأصلية كتبت بواسطة k e $ h a

وقبل شوية

مسكتة بالمنشفة

جلس يصيح و يعض

و الله عضني عضتين مرة قوووووووووووووية شوية و يطلع الدم

دمعتي على عيني

اكيد المنشفة طريقة غير سليمة اطلاقة لان راح يتحرك
ويتزلق وتضطرين تمسكينه ولازم التعرض للعض والمنشفة ما تنفع الا للطيور المروضه سابقا
ولاكنها انحكرت لفترة فصارت وحشية هذي تنفع معاها المنشفة

اما الطيور الي ما قط تروضت القفاز احسن وسيلة لان راح تمسكينه بيك وتضمنين التحكم فيه
ومستحيل يتزلق او يهرب لانك ماسكته بأصابعك
انا عن نفسي رحت محل لمواد البناء واخذت قفاز من هناك الي يستخدمون للبناء
لانه سميك ويكون ناعم من الخارج على الطير وما ينزلق من الطير

بالنسبة عن الصياح شيء طبيعي الى ان يعتاد على الموضوع

سلامتك ان شاء الله يالغالية حاذري من عضتي ويارب كلها فترة قصيره وراح تحصدين نتائج تعبك وبتشوفينه يلعب معاك وحضك حلو ان الطير صغير

لاني جربت عضه طير عمره فوق السنة حسيت الالم وصل الى مخي
وقلت خلص صبعي بينقص ^_^

عليك بالقفاز للأمان

والله يوفقك