كاسكو قفل باخلاقي

[ملقوف وتوهق]

السلام عليكم ورحمة الله وبركاتة


اخواني اعضاء هذا الصرح الشامخ بشموخ من فيه


عارفين يوم يقولو ملقوف وتوهق

هذا انا

والله لاعرف لاطيور ولا عمري ربيت شئ

لكن القافه وعمايلها

السالفه بالمختصر الشديد

طبيت في محل ولقيت عنده طير اليف ودلوع جداًُ

ساسكو جامبو

المهم سميت بإسم الله وشريته

جبته البيت تغير رأساً على عقب

صاير يشوفني يطلع اصوات تفجع

غير كذا صار يعض ومن زود الحماس براسه صار يعض القفص لين صرت اسمع صوت منقاره على اسلاك القفص

الحين صار له عندي يوم كامل


وش الحل فيه

مع العلم انها قفلت معي وسحبت الاكل من عنده كعقاب له


الطير عمره على حسب قول راعي المحل سنتين تقريباً


تحيتي للجيمع

[د / محمـد ابراهيــم]

لسه المكان جديد عليه بش معنى انه اليف بيكون اليف مع الشخص الذى كان معه اتركه فى هدوء حتى يتعود على المكان ثم حاول معه مرة اخرى

[طووط]

انا انصحك بما انه اول طير ترجعه وتجيب فرخ اليف

[المألوف]

.



اذا عمرة صغيرون من سنه و تحت فلا ترجعه يومين و الحب اللي في راسه ينطحن ..،

[عاشق الكااسكو]

انا انصحك ترجعه وتاخذ فرخ من 6شهور الى9شهور واذا حبيته وحبك راح يكون معك حمامه بس اهتم فيه

[افريكانو]

هلا اخوي

اولاً اهلا بك عضو في هذا المنتدى الرائع ان شاء الله تفيد و تستفيد منه

ثانياً الف مبروك عليك الطير الجديد
ثالثاً الببغاء يحتاج الى فتره كي يتعود على المحيط الجديد و البيئة الجديدة و لاشخاص الجديدين.
بس المشكلة في حالتك ان الببغاء كبير عمره فوق السنيتن و في هذا المرحلة التدريب يكون صعب لكن ليس بالمستحيل فاخاف اقولك اصبر عليه الين ما يتعود عليك و ابدا الفه عليك ما يتولف. و يصعب ترجيعه لان المحلات يعطونك من يوم الى يومين لترجيع او حسب الاتفاق .
والأفضل في التدريب الببغاء مابين عمر 6 شهور الى عمر السنة
و يمكنك تحديد عمر الببغاء بلون عينه .
انصحك ترجع للمواضيع المثبته راح تفيدك كثير .

و اتمنى اني افدتك بالمعلومات البسيطة المقدمة منى

تقبل مروري

[ملقوف وتوهق]

انا اللي في راسي حب مانطحن

وانا ولا وهو يا يصير اليف يانهايته بروستد


اشكركم جميعاً

[رووح _ ميشو]

المشاركة الأصلية كتبت بواسطة ملقوف وتوهق

انا اللي في راسي حب مانطحن

وانا ولا وهو يا يصير اليف يانهايته بروستد


اشكركم جميعاً

هلا اخوي
والله يبارك ك بطير
والطير ترا خايف
شوف نفسك اذا رايح مكان جديد تجلس ساكت وحذر
الطير نفس الشي
اصبر عليه وشوف كيف بيكون معاك
انا طيري له شهرين وتوه صار يتمشي ويتدلع بلبيت

ترا عبارتك فووق خوفتني
ترا هطير رووح وامانه بتنسال عنها يووم القيامه
لا تاذيه وخاله براحته الين يتعود عليك ويحبك
عن طريق اهتمامك فيه خلك انته المسؤؤل عن كل شي يختص فيه
وباذن الله تشوف نتائج مرضيه



اختك

رووح

[kujaanas]

يالعالي اذا انت مليت من يوم واحد وش اقول عني وعن غيري لنا شهرين والكاسكو لسا ماكمل يصير اليف بشكل كامل الكاسكو يحتاج لوقت طويل على شان يتعود عليك لأنه حيوان ذكي ويفكر ومو على طول يتأقلم يعني اعتبره صديق الحين انت اذا تعرفت على صديق من اول يوم تطيح الموانة اكيد لا ... اصبر يالغالي عليه

[kitty]

انا بصراحه اقول لك رد الطير وترجع فلوسك احسن
دامك مو هااااااوي او عاشق لهشغله وشلك وش للتعب
عشان كمان ماتظلم الببغاء او يموت وتشيل ذنبه ......
والله يعوضك خير منه