اسوي العملية و الا لا؟

[SleepyMiracle]

صباح الخير


طبعا المكتوب واضح من عنوانه

عندي شيرازي للحين ما بلغ .. عمره 7 شهور ..
كنت ادور له على هاف بيكي انثى .. لكن في ناس نصحوني اني انسى موضوع التزاوج واسوي له اخصاء ..

لو سمحتوا لحد يجي ويقول لي حرااااام وتحرمينه مدري ايش .. انا ما فكرت في العملية هذي لأني انانيه و الا لأني ابي احرمه .. بالعكس والله قلبي مو مطاوعني ومتردده ومو قادره اقرر ..
انا فكرت اسويها لعدة اسباب ... وهي :

1. وضع البيت ما يسمح اني اجيب قطوة ثانيه لأن البيت صغير
2. لو جبت له انثى وتزاوجوا ... اكيد راح تحميل وما راح تجيب اقل من 2 او 3 وهذا معناه بيصير عندي حوالي 5 او 6 قطط في البيت وهذا جدا جدا صعب
3. لا تقولوا لي بيعي عياله لأني اعرف نفسي .. مستحيل قلبي راح يطاوعني ابيعهم .. و انا مو غرضي في التربيه تجاره
4. اكبر مشكله انه حتى لو جبت له انثى راح يطلب تزاوج طول السنه و راح يأذيني يعني ممكن يتبول في البيت و ممكن يهرب و انا احبه وما تخيل انه يهرب او انه يجنني لدرجة اني اعرضه للبيع

خلاصة الموضوع اني فكرت اسوي له هالعملية لأني احبه و ابي احتفظ فيه و اربيه عندي
لكن ايش اللي مخليني متردده :

1. اخاف يكون لها اعراض جانبيه
2. في ناس تقول انه حركته راح تقل وما راح يصير مثل قبل

انا متردده ... اخاف اسويها له وبعدين اندم

ايش رأيكم ؟

اتوكل على الله واسوي له العملية و الا لا ؟

مع اني خاطري اشوف عياله {{ قلبت عجوز وتبي تشوف عيال ولدها }}

اللي سووا هالعملية ... هل ندمتوا عليها ؟؟


انتظر آرائكم