بعد السجادية ! جبت البوا !! سالفة الاناكوندا !!! صورتها وسؤال وتقييمكم لها

[madtaz]

سلالالالالالالالالالالالالالالام

وين كنت ووين صرت يا انه الثعابين حلوة تربيتها لما تكون مروضة

طبعا داخل علي الموضوع بقوة واللي بيجيب حية بيدمن ويجيب غيرها كما حصل معي

طبعا بديتها ب كاربت بايثون زغنونة والان جبت بوا كونستكتور اكبر شوي

وهاذي صورتها مع صديقي




قريت عنها وكل شي وكلو تمام لكن الغريب انها سوت حركة غريبة شوي مدري هل هي من

الحرارة ولا معناها تبي تغير جلد !!!!!

حطيت لها حوض موية وجلست فيه وهاذا اليوم الثاني لها بداخلة

مافي فروق بلون العيون لا ازرق ولا ابيض

مدري هل هو حرارة ولا مرحلة ما قبل التبديل ؟؟؟


الحين دام اني صرت مدمن حيات علي كيفكم

ابي اخذ رايكم بهالموضوع

معروض علي 2 حبة اناكوندا فروخ ذكر وانثي !!!!!!!!!

متحمس عليهم مرةةةةةةةةةةةةة بس خايف بنفس الوقت !!!

وهاذي صورتهم !!!! ولانهم نادرين نفسي فيهم بس مدري هل هم مسالمين علي الكبر ؟؟

زي البورميس ؟؟؟ او البوا ؟؟ خصوصا انه حجمها بيكبر كثير لما تكبر !! وما ودي الاقي اخوي في

بطنها بعد فترة

وهاذي صورة الاناكوندا الخضراء علي قولة راعيها




ما شاء الله عليهم

[jassim99]

بالنسبه للبوا عادي الوضع طبيعي انها تقعد بالماي و الكثير من الثعابين تسوي نفس الحركه

بالنسبه للاناكوندا فعلا هذي الخضراء و تعتبر من اضخم الثعابين من حيث الوزن وممكن يوصل طولها الاقصى من 8 الى 9 امتار

لكن الاناكوندا تختلف تربيتها عن الكاربت او البوا حيث ان بيأتها مختلفه يعني لازم جزء كبير من ارضيه الحوض يكون ماي

او انك تحط حوض ماي كبير داخل الحوض مالها

لكن احسب حساب انها توصخ غير عن الكاربت و البوا حيث ان برازها يكون مايل عالاسهال تقريبا يكرم السامع و ريحته قوووويه

[madtaz]

مممشكور علي المعلومات

لكن هل تربيتها او خلينا نقول التحكم فيها سهل ؟

يعني هل اذا كانت متعوده علي الحمل وكذا لما تكبر تصير شرسة ؟؟

يعني مثلا اشوف ناس عندهم البورميس طولها نفس الاناكوندا تقريبا او اطول

لكن البورميس موجودة عند الناس اكثر من الاناكوندا !

شفت الشبكية لكن لقيتها نوعا ما شرسة وما حبيتها خصوصا انه راسها مايل علي اصفر

البورميس لقيتها اوكي مع انها ضخمة وطويلة قد احد ربا اناكوندا يعلمنا كيف تصرفاتها !

[jassim99]

كل الثعابين تقريبا اذا تعودت عالشيل تكون هاديه حتى الشبكيه الي معروفه بمزاجها السئ تكون هاديه في حاله انك معودها عالشيل من صغرها
والشبكيه في منها الوان كثيره و اغلبها لون راسها مو اصفر

اذا انت حاب انك تربي هذا النوع ربها و اذا ماعجبتك اطباعها بيعها ههههههه لان عادي تلاقي وحده هاديه جدا و وحده مزاجها مو زين وتهاجم وايد مع ان الثنتين من نفس النوع و من نفس الحجم

عموما حط في بالك ان هالنوع يقضي معظم وقته بالماي و راح تكون في ريحه قويه يعني ما اتوقع انها تتربا بغرفه النوم طبعا كل شي راجعلك بالنهايه

[ahmadsos]

انا من وجهة نظري ان هدا النوع ما يتربا مثل انواع الاصلات وبعض الثعابين طبعا هدا شي راجعلك

[madtaz]

اكيد مو في البيت لانها بتكون في الحديقة حقت البيت لكن دامك قلتلي اذا عودتها علي الحمل من وهي صغيرة

لما تكبر عادي اجل ان شاء الله ابجيبهم قريب ادعولي بالخير بس لانه مساحة الحوش بالبيت واسعه ساكن

فوق جبل يعني الهوا قوي والريحة احط عليها تراب زراعي وبتروح ان شاء الله

[madtaz]

من ناحية الحجم

البورمية والشبكية تقريبا منافسين بالحجم لكن تبقي مشكلة الحوض

من ناحية البراز اكرمكم الله دامها موجودة خارج المنزل ما اتوقع انه في مشكلة

[|| PyTHoN ||]

اممم انا فكرت اني اربي اناكوندا عشان الأسم بس
بس يوم شفت التربيه " زفت بمعنى الكلمه "

و اهي صغيره بتاكل عضات لكن تقريباً اقول شبه مستحيل
تتروض معاك و تتوالف ، ماكو فايده فيه بتظل تعض و تعصر اي
شي ، الشبكيه تقدر تقول تتوالف شي مع هاذا تظل تعض
&&"

فلا تدخل نفسك ببلشه &&"

تبي كبار خلك عالبوا و الكاربت و البورميس أبركلك هادين
ولو انهم ينعفصون مرات @@"

بالنسبه للبوا لو انك مقرب جان احسن ، بس جنها بتبدل اليلد
في شي لازم تعرفه ، التبديل مو عبالك بتكون العين زرقه و بس
لا بتلاحظ الجلد بصير غامج بعدها العين تصير زرقه و بعدين العين
ترجع طبيعيه عادي بس لونها يظل غامج و بتلاحظ يصير لون البطن
وردي او على رمادي او ازرق ما اعرف اوصف اللون
و بهالوقت اهو الي راح تفصخ فيه اليلد فـ أنت وفرالرطوبه حالياً
بالصوره مو واضح يعني بس مبين جنه غامجه و البطن شوي شسمه

و موفق اخوي

.
.

[madtaz]

^^^^^^^

نفس تفكيري علشان الاسم ههههههه هااا اناكوندا واخر شي انا اللي اتبهذل

علي حسب القراءات اللي اشوف انه افضل شي كبير هو البورميس

بالنسبة للجلد لونها غامق وحاولت اعطيها اكل وترفض وجالسة بالموية والحرارة عليها

لاني متوقع انه عندها تبديل

[ثعبان]

مرحباً فيك اخوي

انا تعليقي على البوا

بالنسبة لجلوسها في حوض الماء للفتره هذي فهذا شي طبيعي

اما لتغيير الجلد او ممكن تتخلص من طفيليات على جلدها او للاسترخاء

وهذا شي طبيعي بعض الثعابين عندي تجلس في حوض الماء اسبوع كامل مثل البورمية والشبكية والبوا

وفي حالات سجلت لاصله الصخور الافريقية انها جلست في الماء ١٠ ايام تتربص للفرائس

عشان كذا لا تقلق وهذا شيء طبيعي ان شاءالله

اما الانكاوندا اذا انت شخص مبتدئ لا تاخذ ثعابين صعبة ومنها الانكوندا لانها بطبعها شرسة جداً

وانا أربيها من ٣ سنوات ولحد الان تعض وتسوي مشاكل وبالأخص لما تكون صغيره في السن

والله يوفقك واتمنى تكون ان شاءالله من كبار مربي الثعابين