اخشى عليه من الموت ....................

[Exotic]

انا توني شاري ببغاء افريقي .
بس فيه بعض الصعوبات تواجهني .
ماله الا يوم عندي .
لاحظت انه يحك منقاره في الاستاند (عمود الخشب )
ولا يطلع صوت ابدا
لكن في الليل صفر .
لكن يوم التالي ما يتكلم وياخذ مني الاكل ويرميه.
ولاياكل الا بس دوار الشمس
بصراحه ؟؟؟؟؟؟؟؟؟؟؟؟؟؟
محتار منه اخف يكون جوعان ويروح فيها .
1) كل اربع ساعات اعطيه اكل و لا على طول اليوم وانا اعطيه، (الخبز زين للببغاء)
2) اخف احط عنده دوار الشمس ياكله كله بعدين(يوجعه)
3 متى يتعود علي واقدر اطلعه من القفص .
4 وش الألعاب الزينه له. هل تكون بلاستيك.
(انا عطيته قطعت بلاستيك وعرمها اخف توجعه)
5 )هل هو يروش نفسه
6في شي نضعه في الماء يعطيه كالسيوم
7 متى ابدا اطلعه من القفص علشا يتمشى في البيت .
(عمر 105 شهور)
انا عارف اني كثرت الاسئله عليكم ارجوكم تتحملوني .
لان هذه التجربه الاولى لي ولاعندي خبره ولا اعرف احد يربي ببغاء.
لانبي خايف عليه يروح مني (يموت)
أو يصير عدواني .
قريت كتاب يقو ل عند قدومه اعطه قطعة خشب.( يخفف الضجر )
كيف تكون قطعة لخشب

[Exotic]

تكفون ابي حل في اسرع وقت..........................................................................

[TIGER]

لاعادي حط عنده الاكل حب شمس مع ذره مع سباري مع قطعه تفاح وغير الاكل كل يوم مره في المسا هو يعرف كمية الاكل المناسبه له في نفسه وطبيعي عزيزي الطيور تحك منقارها في الخشب وبتعد عن الالعاب البلاستيكيه وحط افضل منها اكثر من عصا في القفص والترويش مره الى ثلاث مرات في الاسبوع كافيه جدا انت تروشه برشاش المويه كامل جسمه ماعدا الوجه وتبعده عن التكييف وتحطه في الهوا الطلق ينشف نفشه نص ساعه وهذا في الجو المعتدل وفي الشتا افضل عدم ترويشه ون شالله يتعود عليك مع الوقت وشكرا .

[عاشق المكاو]

إن شاء الله يفيدونك الأخوان مربي الإفريقي لأني بصراحه انا لي تحفظ على هذا النوع من الببغاء فهو حساس جداً لأسهل الضروف وبالتوفيق ان شاء الله ....

[fan]

السلام
أنا ماعندي خبرة لكن بقولك من تجربتي وانشاءالله أفيدك
عادي لاتخاف عليه مايموت من الجوع هو اذا جوعان بياكل من نفسه
وفي البداية لازم كذا يسوي مايأكل من يدك ولاياكل أي شئ لأنه أول شئ يمكن ماكان متعود ياكل فواكه. عادي انت جوعه 3 او 4 ساعات وحاول تعطيه تفاح أو أي فاكهة واذا كان جوعان بياكلها جرب معاه هذا الشئ يومين أو ثلاثة وفي النهاية بيتعود لكن اذا رفض الأكل اعطيه حب شمسي وفول سوداني يعني لاتحرمه منهم طول اليوم.
بالنسبة للألعاب يفضل وضع الألعاب الخشبية اللي تكون من الخشب أحسن من البلاستيك لأنه اكيد البلاستيك مضر اذا قطعه وأكل شئ منه.
متى يتعود عليك؟ على الأقل يبغي له اسبوعين على مايتعود على أجواء المكان الجديد اللي هو فيه ويتعرف عليك أكثر ويكون مطمئن لك.
بس عادي افتحه له القفص يوميا مدة ساعتين على الأقل علشان يتعود على المكان أكثر ويحس بالأطمئنان ويكتشف المكان بنفسه.
وحاول انك تجلس معاه وتتكلم معاه أكثر وقت تقدره علشان يتعرف عليك بس لاتصرخ عليه حتى اذا عصبك علشان مايخاف منك.
وبالتوفيق

[Exotic]

مشكور اخوي TIGER و عاشق الماكو و Fan
على الكلام الرائع وريحتوني كثير .................
بس فيه بعض الاسئله عندي
عطيته قطعة بلاستيك قطعها (هل فيه ضرر عليه )
الالعاب الخشبيه كيف يكون شكلها ، وين القاها.
الخبز زين للببغاء..............
ابدا اطلعه من القفص هو ماله عندي غير ثلاث ايام
عفوا اخواني عمره 10 شهور..............
بس ابغاكم تتحملوني ................................

[fan]

عادي أخوي هذا واجبنا نجاوب وكلنا أخوان نفيد ونستفيد من بعض
عادي اذا قطعها بس البلاستيك مايصير شئ عندي الببغاء أول ماجبتها حطيت لها لعبة فيها شوي بلاستيك وقطعتها وماصار فيها شئ وحتى حق الأكل والماء أكلت وقطعت نصه بس ماصار شئ الحمدلله بس الأفضل عدم وضع البلاستيك.
الألعاب الخشب تلاقيها في أماكن بيع الببغانات والطيور أسأل عنها.
والخبز عادي أعطيها اذا تحبه تاكله.
وأيوا أبدأ وطلعها من القفص حتى لو ماصار له شئ علشان يتعود على المكان أكثر وخله يكتشف المكان بنفسه ويحس بالأمان. مع أنه في ناس كثير يقولو من الأفضل تخليه أول ماتجيبه في القفص مدة أسبوع لكن أنا عندي مايفرق أذكر أول ماأشتريت الببغاء على طول أول ماجبتها ودخلت البيت على طول فتحت لها القفص.

[Exotic]

مشكور اخوي fan على المعلومات ..............
$طيب اذا طلعت ترجع من نفسها للقفص .
$الاضاءه كيف تكون .
$عادي اعطيها قطع الخشب طبيعي اي اجيبه من الشجره ,
$الكالسيوم اللي ينحط في الماء من وين اجيبه كم مره اعطيه.
$هل فيه فتامينات تنصحني اعطيه الطير.
$وش رايك باسم كاتو للبغاء حقي ..............

اخوك Exotic

[fan]

العفو أخوي
$طيب اذا طلعت ترجع من نفسها للقفص .أنا اللي كانت عندي ايوا ترجع بنفسها للقفص لكن اللي عندي الحين عنيدة ولازم أنا أشيلها وأرجعها. بس لاتحط لها أكل برة القفص واذا جاعت بترجع بنفسها وحاول انك تقرب القفص منها وبترجع.
$الاضاءه كيف تكون
عادية الأضاءة اللي تكون أنت موجود فيها.
بس في الليل وقت النوم لازم تخليها في مكان مظلم وهادئ.
$عادي اعطيها قطع الخشب طبيعي اي اجيبه من الشجره ,
أي عادي. الأفضل أنك تعطيها خشب طبيعي
$الكالسيوم اللي ينحط في الماء من وين اجيبه كم مره اعطيه
أنا جبته من الصيدلية. واعطيه مرة في الأسبوع
يمكن تلاقيه في محلات بيع الطيور بعد.
$هل فيه فتامينات تنصحني اعطيه الطير
الببغاء اللي عندي بصراحة ماأعطيها فيتامينات الا لما أحس أنها مريضة
واللي موجودة عندي قطرات أحطها في الماء.
$وش رايك باسم كاتو للبغاء حقي ..............
الأسم رأي شخصي .يعني بصراحة لازم أنت تحدده
يكون أسم تحبه وقريب لك فمن الأفضل أن اللي تختار.
واسم كاتو اذا أنت مقتنع فيه (حلو)
وياليت تحط لنا صور إلى كاتو علشان نشوفه

[Exotic]

مشكور اخوي fan
لو اعطيه ملاق الخشب الموجوده في المطبخ تنفع له..........
ينفع اروشه وهو يخاف مني حتى لو اسكر الباب يرتاع ( معني اسكره بخفيف)
بس الجو الحين بارد ...................... يعني لازم اروشه..............
( طيب كاتو الببغاء حقي مروض من قبل شخص اخر ) يعني اسهل ولا اصعب علشان يتعود علي ..
ولا حظ ان شفلت المسجل له قام يصفر ويتكلم بالكلامات المتعرف عليها عند صاحبه الاول.
[[طيب شلون انزل صور كاتو ]

اخوك Exotic