المرحلة اللي وصلت لها ارجو افادتي :(

[اكابر]

بسم الله الرحمن الرحيم ..
قبل شهر تقريبا .. حطيت موضوع عند زوج كرواناتي ..
وتم تحديد الجنس والعمر الخ ..
ثم طبقت مراحل التجهيز للانتاج ..
1- الفقص حجم كبير ..+ مجاثم (اغصان) خشب
2- بياضه ( عش) بحجم مناسب ..داخله نشارة خشب
3- فصل الزوج عن بعض لمدة اسبوع
4- اعطائهم محفيزات للتزاوج
(فيتامين الازرق هـ حق التخصيب+ خس + جرجير + خلطة البيض بالقسماط)
5 - وضع عظم الحبارى (المعروف بالكالسيوم)
6- وضع الذكر بالقفص اللي فيه البياضه .. + فوطة لتدفئة
7-وضع الانثى في قفص محتوياته مجثم + مشرب ماء + اناء الاكل + فوطه لتدفئه
8- وضعهم في مكان مرتفع .. ارتفاعه من 4 الى 5 امتار ..

النتائج :
الذكر بدا بالتغريد .. والتصفير .. والدوران داخل القفص
ولا يوقف الا على الاغصان القريبه من قفص الانثى
الانثى تخرج صوت ليس تغريد انما تنادي الذكر
جلست على هذه الحاله 3 ايام ..
بعدها طلعت الانثى عشان العب معها ..
واطيرها بالغرفه تروح لقفص الذكر ..
رجعتها للقفصها وطلعت الذكر صار الذكر ينادي لها
لكن ما يطير لان بعض اجحته مقصوصه طيرانه غير متوازي
تركتهم يومين ثم دخلتهم مع بعض.. في القفص الكبير

الان لهم 3 ايام او اكثر وهم مع بعض..
الانثى كل ما تجي لذكر عشان يحك لها راسها ينقرها بمنقاره
هي تقترب منه وهو كذلك لانك ما يحك لها راسه او ينظف ريشه
هذا في بداية الامر ..
بعد يوم او يومين تقريبا صار الذكر يدخل البياضه ويغرد لها
وهي تجي عن فتحت البياض توقف لمدة يوم
وفي اليوووم الثاني صارت تدخل وهو يطلع
ثم بعد كذا صارو 24 ساعه وهم بالبياضه مع انه مافي تلقيح او تزاوج
لهم يينامو بالبياضه واسمع خرفشتهم اخرها امس نامو فيها ..
يطلعون ياكلون ويرجعو للبياضه

قلت يمكن البياضه فيها بيض .. بعد ما طلعو للاكل ..
رقيت وفتحت البياضه مافيها اي بيضه
ولا فيه اي تزاوج او تلقيح ..


ايش المشكله يا جماعه افيدوني ..
ابيهم يتلقحون عشان بيضون ايش الحل..

[أتعبني غلاها]

الله يبارك لك في طيورك يا رب

دام هذا تصرف زوجك فأبشر بالخير قريب جداا

لاإا تستعجل عليه أبدااا

من أساسيات الإنتاج الصبر عندك صبر راح تنتج ما عندك صبر ما راح تنتج

يعني خليك صبور عليهم و وفر لهم الهدوء والراحه والغذاء

و بإذن الله راح تشوف فروخهم في أقرب وقت

تحياتي

[اكابر]

مشكور يا استاذي اتعبني غلاها ..

طيب المشكل ان الذكر ما يحك راس الانثى ولا فيها تلقيح

وفي سؤال
هل لازم اني ادفي البياضه لاني من المنطقة الوسطى بالسعوديه
هي يا حر موت يا برد صقيع ..
واذا فيه طريقة لتدفئة البياضه افيدوني فديتكم ..

انتظر ردكم ..

[عفيف مغير]

جرب بيع الذكر يلي عندك وجيب ذكر اخر

[شادى مجدى]

اخي انشاء الله يومين بل الكثير تلاقي بيضه لاكن اخي غطي القفص في الصقيع والحر حطو بغرفه فيها تكيف درجه حرارته 28\27 وانصحك بعدم فتح العش نهاءيان

[أتعبني غلاها]

لاإاااا تبيع شيء

دام الزوج متأقلم مع بعضه

مو شرط تشوفهم يتلاقحو أو يحكون رأس بعض بس لاإااا تزعجهم و أصبر و بإذن الله تشوف إنتاجهم

البياضه ما يحتاج لها تدفاة فقط القفص

تحياتي

[شادى مجدى]

اخي لا تفرط فيهم اتركهم لنفسهم

[hlwlw]

قرريب راح تشوف البيض اللي عندي مثل الشي على العلم انه حتى وهم عدهم بيض
وهو على طول يعض الانثى وينقرها مايحب تقرب منه

انته حاول تراقبهم في الليل لانه التزاوج يصير في وقت متأخر بالليل بس مرحلة دخول الزوجين البياضة
هي المرحلة الاخيرة لقبل البيض يعني ان شاء الله اقل من اسبوع تشوف البيض

[The male nurse]

*اخوي الصبر ثم الصبر!
انا جوز الكروان عندي نفس تصرفات الجوز اللي عندك
مرت الايام وانا كنت يائس وافكر ابيعهم لكن يوم الجمعه الماضي (في الصباح)
شفت الذكر يلقح الانثى!!!!
وفي نفس اليوم قام بالتلقيح مرة ثانية! واليوم اللي بعدة واللي بعدة!
والان بقي الخطوة الاخيرة وهي وضع البيض!
اخوي اسمع مني
لاتستعجل عليهم .. متى مااصبحو جاهزيين راح تصير عملية التلقيح.
اهم شيء توفير الهدوووء والاضائة طول الوقت والتغذية المتنوعة وانشاء الله تشوف انتاجهم قريباً
----------
تحياتي لك*

[ولد لممـلكة]

مشــآء الله وصلت خير وينقص بس شي واحد وهو الصبر
الطيور ياخوي مو كلها انتاجها سريع
في طيور مشاء الله من اول شهر وممكن حتى من اول اسبوعين وفي طيور تاخذ وقت
على حسب الزوج ^ ^ وشكل الي عندك مرة متآني مو مستعجل وانت اصبر ^ ^