لأهـل الخبــر فقطـ ..!!

[قهوه مره]

انتي من الخبر
ابي اعرف تودين بسسك لاي بيطري
لان التاج قفل و باقي جده و في واحد ثالث ما اعرف اسمه
بس ما ادل الثانيين اذا تقدرين توصفين لي وين البيطري الي تعاجين بسسك عنده ارسلي لي على الخاص
و شوووووووكرا على الموضوع تسلمين

[my_der]

أولا اختي تويتي

المحل الي انتي تتكلمين عنه هو محل لبيع الحيوانات مو بيطيري واسم المحل (الكروان) ويقع في شارع حمود قدام سور نادي القادسيه وراعيه اسمه (عادل) واحد متين مرع يبلس ثوب دايما مسوي فيها سعودي وهو فلسطيني

ترا يا جماعة الربع هاذا انصب مخلوق مر علي في مواضيع الحيوانات والقطط خصوصا

ترا لاهو بيطري ولا مرة عليه البيطره بشكل من الاشكال هو اصلا جا السعوديه فني المونيوم انا اعرف الانسان هاذا شخصيا وما اتبلى عليه وترى المحل ماهو مرخص اصلا علشان كذا فكوله اللوححه من كم شهر لكن علشان كفيله واحد هامور وواصل في بلدية الخبر ردوله اللوحه مره ثانيه

ترى التطعيم الي تتكلمين عنه ابو لزقه خضراء ماله دخل في الاجهاض ولا يحزنون هاذي لعبه يلعبها على زباينه وخصوصا الحريم علشان يخليهم يدفعون المبلغ وهم يقولون سبحان الله علشان كذا التطعيم هاذا سعره عالي عنده ولا هوه اساسا سعر تكلفته مثل سعر تكلفة باقي التطعيمات ومتوفر مافي اي مشكله

لكن المشكله الاعظم الي ماتعرفون عنها هي انو التطعيم هاذا يخص مرض اللوكيميا في القطط وهاذا المرض اذا جا للقطوه مامنه علاج

شي ثاني هو انو التطعيم هذا خصوصا ممكن يسبب المرض هذا للقطوه فخبراء تربية القطط الاجانب ينصحون بعد اعطاء هذا التطعيم للقطط

وعلشان كذا (بيطري جده في الخبر) ما يطعم هذا التطعيم لانو ما من وراه الا المشاكل و صاحبنا يستغل الشي هذا ويقول للعالم انو التطعيم مو متوفر


فرجاء ارجو تحذير كل من يعز عليكم من سكان الخبر والدمام الانتباه والحذر عن التعامل مع هاذا المحل


للأخ قهوه مره لاي استفسار ان نصيحه بيطريه او علاج سريع او تطعيم بسعر قريب من الجمله
انا موجود في الخدمه وهاذا ايميل راسلني عليه (my_der@hotmail.com) وباعطيك جوالي ممكن تكلمني عليه في اي وقت لاي استفسار

ودمتم انتم وقطاوتكم سالمين

[twety]

MY DeR ..

ايه بالضبط هذا هو !!!

و كثير نـاس قالوا لي انه كذااب !!!

وانا لاحظت ان قطوتي من اول ماطعمها كل يوم طالع لها مرض جديد مدري هو من التطعيمه او من شي ثاني ..

اول ماجبتها من عنده جاها اسهال الله يكرمك .. تقريبا اسبوعين ..

واللحين جاتها عينها تدمع وحمرا وديتها عيادة جده البيطريه وعطوها قطره معقمه بس ..

واللحين صار في العينين !!

ياليت تفيدوني اذا كان من التطعيمـه او من شي ثانـي ؟!!!

ومشكــووور اخـووي ماقصــرت على تواجـدك ..

الله يعطيــك العافيــه ..

اختك .. تويتي ..

[الجواد الطائر]

شكرا على الفائدة

[twety]

العفـو اخوي ..

ماقصرت =)

[عاشق الهامستر]

مشكورين شباب على التوضيح

[ابووو^القطاوة]

قوة انا اول مرة اسمع عن هذة التطعيمة حقت الاجهاض
وبالنسبة حق حبيبات الكريستال هذا الشي يعود لج اذا حبيتي تخلطينة او لا كلا واحد

[twety]

يعطيكم العافيـه ..

وماقصرتـوا =)

[عــوعــو]

هلا وغلا..

مشكوووره على التوظيحات..

اممممممممم..

انا بصرآحه تعبت من تعامل المحلات اللي عندنا بالخبر...

من جد كذب نصب إحتيآل... :@

وأبي محل يبيع قطاوه بيور..وأسعآره حلوه..

حدآئق السلطان تعاملت معه...بس إكتشفت انه طرنطوخ

المحل اللي ببنده العزيزيه...ماعنده ماعند جدتي

ابي محل تعامله جيِد وأهم شي قطاوته جيدهــ..ــ


وياليت تفيدوني لأني محتآج قطوه بالصيف...

[twety]

اخوي عوعو ..
انا شاريه لولي اللي بتوقيعي من اللي عند العزيزيه بنده ..

وفيه الطـائر الازرق حلووهـ قطاوته .. وفيفا بعد بس غالي شووي =)

وان شاء الله الاعضاء ماراح يقصرون ..