صور تجربة تفريخ المني مكاو الفاشلة

[الكسيكوالدره]

هلا وغلا


ما ا دري وش اقول لكم ولا كيف ابدى

الخبر كان حلم في البداية واول تجربة مع مساعدة احد الاخوان

في ترتيب الافكار

الفكرة كانت مجرد دردشة وتحولت الى جدية ومن ثم بدى التنفيذ

وكنت ناوي على مفاجاءة حصرية لـ 2 زوو

وهي انتاج الميني مكاو وكنت بحط الخطوات من اول شئ الىانتاج او لفرخ

طبعا بديت بـ3 ازواج

وخليتهم عندي فترة حتى يتأقلمون مع المكان ومن ثم تصميم القفص

العرض 3 متر والطول 2.5 متر والارتفاع 2 متر

الازواج الحمد لله بصحة جيدة وبديت افرق بين كل زوج واعلمه بعلامة لانهم تألفوا مع بعض

وصلت للمرحلة الاخيرة وهي وضع الاغصان وصناديق التفريخ في القفص

وقبلها بيوم كنت مار عليهم اتفقد الطيور

والا بذاك المنظر اللي خلاني ما اصدق اللي اشوف صدمة ولكن ليس اي صدمه

الطيور بلا حراك نايمين على ارضية القفص ماعدا واحد مهلك وتعبان على مشارف الموت

مااستطعت استيعاب المنظر رحت ضربت القفص يمين يسار معقولة ماتوا ماتوا لاااااااااااا

لااااااااااااااااا كيف ايش السبب مستحيل ماني مصدق كلهم مرة وحده ماعدا واحد

بدأت استوعب الموقف ضاع الحلم ضاع كل شئ صدمة المكاو الذهبي اللي طاااارررر واللحين

المكاو اللي قلت بأنتج منه وفروخهم ان شاء الله بيعوضوني لاني احب اربيهم وهم فروخ

وليومكم هذا ماعرفت سبب الوفاة الجماعية وبقى عندي واحد منهم وحيد لدرجة اني فكرت

اطلق سراحه واعطيه الحرية بس خفت عليه من الجو الحار وانه ما يلقى اكل

فقررت احتفظ فيه ومسكين طوال الوقت يصرخ واحس انه طفل فقد امه

هذه حكايتي مع المكاو وجاء على بالي اخذ لهم صور تذكارية للذكر ى

وقلت تشاركوني والله يعوضني

تفضلوا الصور اشكالهم تعور القلب لدرجة اوقات افكر بترك هواية التربية

واحتفظ بالكاسكو اللي يتكلم فقط




















النهاية







مادرر عبرت عن شعوري بشكل صحيح ويممكن بعضكم حس بمعاناتي

ومرة عليه مثل هالتجربة المؤلمة

[Moh@mmed]

لا حول ولا قوة إلا بالله
مريت بنفس التجربة ... الله يعوض عليك
صراحة يقطعون القلب

[هيبه اسد]

ااااخ والله عورت قلبي
والله يعوضك من جد صور مؤلمه يقشعر له البدن
اخي الكاسيكو الدره اكيد فيه شي في موتهم المفاجئ!!
اترك للاخوان التعليق على هذا المنضر المؤلم
الله يعوضك باحسن منهم
لاتيأس

[انا و سمسم]

لا حول ولا قوة الا بالله والله يحزنون
اخوي الله يعوضك وانبهك
لاتترك الهوايه لانها والله هوايه جميله وحاول ما تخلي شي
يوقف في طريقك مهما كان
مدري شقولك اخوي بس الله يعوضك
والله في سبب في بالي اتوقع انك ما سويت فترت
الكارنتين وهي فصل الطيور الجديده اول مما تجيبها عن بعضها وعن الطيور القديمه 30 يوم
بس انت شكلك جبتهم من مكان واحد فما اتوقع انها من عدم
فعل الكارانتين يمكن سبب ثاني والله اعلم

[مربي محترف]

لا حول ولا قوة الا بالله شي مؤلم حاجه محزنه شي يحطم القلب وربي ماني عارف وش اعبر وش اكتب عجزت لكن هذا قدر الله والله يعوضك ان شاء الله

[ahm911ss]

السلام عليكم.......
لا حول ولا قوة الا بالله ........أخوي اعتقد والله أعلم انه الحر او الرطوبه والكتمه (اي مكان لايدخله هواء ) ....وتأكد من الاكل والماء ...والله يعوضك احسن منهم .......((ذكرتني بالافريقي الي كان عندي مات قبل سنه))

[addiction]

لاحوله ولا قوة الابالله

والله منظر يظيق الخلق صراحه الله يعوض عليك فيهم بس انا اقوووول يمكن نسيتهم بالحر او المكان الي حاطه فيهم حار وايد او قلت الاكل يمكن جذي او كانو امرظه ما لحقت عليهم او عالجتهم

[الرحال2222]

غريبة واللة حتى لو كان الحر بيفقدون كلهم بوقت واحد

اللة يعينك واللة مدري ايش اكتب مرة شكلها محزن

اللة يعينك

[Mr. MeMo]

خمسه ببغاوات دفعه واحده !!!!!
الله يصبرك اخوي والله مصيبه بس انت
اقوي من الظروف انشاء الله ولكن ارجو ان تعرف
السبب وان لم اكن مخطائا فان الحراره هي السبب
هل قفصهم خارج المنزل او في الحديقه مثلا

لقد اصاب احد اصدقائي موقف مشابه جدا ولكن مع الكروان
و كان السبب وضعهم في حديقه المنزل الحراره هذه السنه
عاليه جدا و ارجو اخذ الحذر اخواني الاعزاء

[هـامس الـطـيـر]

لا حول ولا قوة إلا بالله

الله يعينك موت الطيور ماهو سهل الله يصبرك ويرزقك احسن منه