استفسار بخصوص الكاسكو الافريقي

[ابـو فهـد]

بسم الله الرحمن الرحيم

السلام عليكم ورحمة الله وبركاته

عندي استفسار بخصوص كاسكو شريته فرخ تقريباَ 4 شهور والحين عمره تقريباَ 8-9 شهور

اول ماشريت الطير غير اليف ويجعر طبعاَ وكان ريش صدره شبه غير موجود

والحين يطلع بس بشكل بطئي جداَ ..

ومن شريت الطير وانا ادربه واولفه والحين الحمد الله الطير مايعرف العض وياكل من يدي وفمي

ويطلع ع اليد لدرجة علمته حتى يسلم علي برجه اذا قربت اصبعي من عنده

وكل هالاشياء عادي يسويها مع اي احد غيري

الاستفسار اللي عندي ..

1- هل الريش طبيعي يجلس هالمده ما اكتمل اللي هي 4 شهور تقريباً

مع اني شريت له شامبو للشور وبخاخ مابعد الشور وفيتامينات وانوع له الاكل

2- من شريت الطير ماسمعت منه الا 4 تصفيرات او 6 مع العلم اني من اجلس معه اصفر

واطقطق له واكلمه / ملاحظه اذا شغلت له اصوات يصفر ويجي لحد مصدر الصوت يدور

3- اذا كان الطير داخل القفص او فوق القفص يتقبل مني اي شي بدون ماينحاش او يعصب

بس اذا نزلته من القفص ينحاش من عندي ومهماا ناديته ولا كلمته مايسمعني

حتى جربت اجوعه واعطيه من يدي يجي ياخذ الاكل ويروح بختصار احس ان الطير مايحبني

ومادري وش اسوي له

ياليت تفيدوني اذا ماعليكم امر واذا حبيتو انزل صور ولا فديو لطير مو مشكله

والله يعطيكم الصحه والعافيه

اخوكم / ابوفهد

[ابـو فهـد]

اضافه بعد ما استعملت الشامبو والبخاخ اذا نشف الريش اشوف على جسمه مثل قشرة الراس

هل هذا عادي من الشامبو والبخاخ ولا مو عادي

[eaglesa38]

عليكم السلام ورحمة الله وبركاته

حياك الله اخوي بو فهد

بالنسبة للفترة الي يحتاجها الطير لاكتمال نمو الريش تقريبا ثلاثة شهور
في اعتقادي والله اعلم ان للشمبو دخل في عدم نمو الريش
مثل ما تعرف الشامبو يحتوي على مواد كيماوية وغيره
وبالنسبة للفرخ وريشته الضعيفة ربما لا تتحمل هذه المواد
ولو رجعت الى حياة الطير الطبيعية ستجد انه يتحمم بالماء دون استخدام اي مواد

كلام الطير
اخوي بو فهد ركز على كلمة وياليت تختار الكلمات الي لها معنى عند الطير
مثلا وقت الي تطلعه على يدك قوله اطلع
وقت الي تناديه قوله تعال

ايضا بامكانك اختيار كلمة من حرفين او ثلاثة حروف
ولا تغير الكلمة حتى الطير ينطقها
وهكذا استمر
لا انصح بتعليم الطير التصفيرات

قربك من الطير يزيد الحب العلاقة بينك وبينه
وحاول توكله بيدك حتى لو شبعان
اخفي القفص عن الطير في فترة التدريب
لان القفص يعتبر مملكته ودامه يشوف مملكته ومش داخل فيها تفكيره بيكون في دخول القفص
هذه فقط في فترة بداية تعلم الكلام
وبمجرد الطير يتكلم ويبدأ يلقط الكلام عادي يتعلم وهو بالقفص

الطيور عادتا تحتوي على قشرة او بودرة تخرج من جسم الطير وهذا شيء طبيعي


تقبل تحياتي

[freename]

لا انصح بتعليم الطير التصفيرات

لفت انباهي هالجمله ليه؟؟؟؟؟؟؟؟

شريت امس كاسكو افريقي العمر من 7 إلى 8 شهور يعني لسه او اصغر شوي

ريش مرتب ونظره حلو ونظيف

شبه اليف يعني اول ما جبته كان يجعر بس خلال12ساعة الأمور تمام

تمسع ظهره راسه اوكي بس تجي من قدامه تلمسه مايرضه من الجنب او وراه

إلى ان تجي لراسه حتى مو راضي يصعد على اليد لأني خايف يعضني

اما اللي شريته منه حمله من رجوله وصعده فوق يده وجلس يمسح عليه

اللحين الطير يعتبر ( فاضي ) ما عنده لا تصفير لا تشكيل لا كلام

نبي خبرتكم وإذا في شيء نسويه نزيد الولافة

وبالنسبه للعض تقريب يده لين منقاره مايعض بس ما يرضه تلمس راسه ولا شيء

وفي بعض النوادر يبي يعض وش الحل بس عض عادي مو توحش

نسي اقول يأكل من يدي جربت عطيته تفاح وكل



من ناحية التصفير وغيره وش الدبره؟؟؟

^^^^لأني قرئت في المنتدى احدهم يقول غط القفص وشغل له اللي تبي

وانا سويها اليوم ....%%%%%

[ابـو فهـد]

الله يحيك ويعطيك الف عافيه aeglesa38 ع الرد والافاده

الشامبو خاص للطيور من بيطري خذيته بعد ماقلت له المشكله وما استعملته الا من فتره بسيطه

و بنالنسبه لفترة تعلم الطير الكلام هل هي في عمر معين ولا عادي اي عمر

ومشكور على مرورك ع استفتائي

[ابـو فهـد]

منور اخوي freename الموضوع وان شاء الله تحصل رد على استفسارك

[eaglesa38]

العمر تقريبا من اربعة شهور تبدأ تلقين الطير
حتى لو ما تكلم بهذا العمر لكن يكون جاهز بمجرد ان يكبر شوي يتكلم
وبعض الطيور تبدع في الشهر السادس وتحفظ الكثير من الكلمات

بالنسبة لاخوي فري نيم
التصفير يعتبر ازعاج عند بعض المربين
الطير اذا تعلم تصفير من نفسه عادي
لكن لا نجعل التصفير مهمة نقوم بها ونعلمها للطير


تحياتي

[ابـو فهـد]

ماقصرت يا الغالي ومشكوور ع الافاده

[freename]

المشاركة الأصلية كتبت بواسطة eaglesa38

العمر تقريبا من اربعة شهور تبدأ تلقين الطير
حتى لو ما تكلم بهذا العمر لكن يكون جاهز بمجرد ان يكبر شوي يتكلم
وبعض الطيور تبدع في الشهر السادس وتحفظ الكثير من الكلمات

بالنسبة لاخوي فري نيم
التصفير يعتبر ازعاج عند بعض المربين
الطير اذا تعلم تصفير من نفسه عادي
لكن لا نجعل التصفير مهمة نقوم بها ونعلمها للطير


تحياتي

بيض الله وجهك

[بلاك بيري]

انا اشوف انه مشكلتك مع الطير تدور حول الثقه بينكم فليس هناك اي سبب يجعل طائرك لا يحبك كما تفضلت

ولكن نقول ما يلي \\

عليك بترويش الطير بشكل دوري وتشميسه بشكل يومي واستخدام فيتامين للريش مثل فيتامين ميوتا فيت المشهور من شركه فيرسل لاجا المعروفه

عليك بالتنوع الغذائي للطير بشكل دوري واضافه الخضار والفواكه خصوصا التي تحتوي على ماده الكاروتين المفيده جدا لنمو الريش ولقوته ولنضارته
وتتوفر ماده الكاروتين علميا في عده انواع من الخضار وخصوصا الملون منها مثل الفليفله والطماطم والفلفل وغيرها

بخصوص ان الطير يطيع اومرك انا انصحك بترك الطير فتره شهر او اكثر على الأستاند ويكون بمكان عام حتى يتسنى له التعود بشكل اكبر على كل ما يدور حوله

تحياتي